Jeremaia 46:11 - Nobonob Baibel

¹¹ O gadon, ag Isip danab ah ag eɗun ena daaglagnu ag oɗe danab nug Gileat appa marasin ena aokkunu gotte, ag amubia heig! Ag hekkulag, amge ag ib digdigppa eɗun ena daaglagnu hetteb, danab marasin digdig awe ii ehanidtte, amubia ag eɗun ena ii daamna. Ag danab oɗe nau awa, eɗua ena daakkunu marasin laa iitta, amubia ag eɗun, bau daaglagnu ib laa iitta.

Jeremaia 46:11 Referans Kwoze

Jeremaia 8:22

Gileat appa marasin oɗe danab ehanadkkunu daatte. Appa dokta danab ah ehanadkkulagnu daatteb. Juda danab ah ag eɗun ena daaglagnu ib ele daatte amunu, aɗinu ag uun, eɗun ena ii daatteb?

Maika 1:9

Aɗinu da anam gaakkul? Samaria nug guittak okkai awom; eɗua ena daakkunu elele iitta. Ao, guittak amu Juda ele aokkunu miag doum daatte. Dahilad danab ah dilag wannu odppanab uɗiom daatte. Am Jerusalem aabppanab beum, aakku daatte.

Aisaia 47:1

Yawe Nug atte. “Ag Babilon danab ah ag enub danabnab aɗeg, ah makkun, uug nuhigppa be, nug aben enanag nuhig uua, wan qaɗeppa gappudppa heɗep na daatte, amubia ag ahilag aben enanag uun nona, gappudppa dayeg! Genab, ag Babilon danab ah, ag ah makkun laa, mameg am en naɗi okkai ele, nuhigppa uug be, gemu nug sia enanagppa ii daatte, nug noa wanppa hamu daatte, ag amubia wanppa dayeg! Aɗinu? Laa ag tatam ah makkun amu anidna, nuhignu, ‘Nug iɗu tuqaknab, uɗat laa hekkunu iinab daatte,’ appig, amge gemu nug nauhom daatte amunu, ag anam ii atteb, amubia ag Babilon danab ah, ahilagnu ele anamib bekku.

Nahum 3:19

Ag ihi nau laa, eɗua ena daakkunu ib iitta, ag amubia daatteb. Ag mauhkkulag. Ag danab ah laih laih ohppanu guittak hamu hamu madappig amunu, danab ah amu ag ahilagnu nai imu doon, ag gamag ahak naɗi dooglag. Aɗinu? Ag Niniwe, ag laa guittak mettaknu uug laa ii doon, guittak hamu hamu eheɗ nau ag mattaeg, laa amu oh ag uug amu maoppig.

Jeremaia 14:17

Anam amunu, Jeremaia, na gona, danab ah imu amelagppa inam appe doyeg! ‘⌊Qinob, uug naunab amu beppeg, da akkul.⌋ O gadon, da amel leb huanaknab naɗ! Ao amun, tuqan ele anamib hanhan naɗ! Aɗinu? Dahilad danab ah, ag da ele tiinig laippu, ag am da aɗel, ah makkun dahil bia daatteb amu, ag makkuɗakppa ihilag nau ele daatteb. Ao ag maduduɗattakppa guittak okkainab aoppig.

Matyu 5:26

Meitteb amu, da genab ag amelagppa attem. Na maniguittakppa daanna, nahip eheɗ hak nob ohnab eɗun medappe, ag od matulppeg, dimittim dokkut.

Esekiel 27:17

Amu oh ag anam heegeg, Juda, Israel ele ag nahip keeke aoglagnu dabmenana, ag aben aɗit onilah Minit, Panag ele, appa ag wit ebatteb amu, ag wit amuppanu, uppuh leppu, goɗen, marasin ele aon uɗin, nahip keeke aoglagnu, amuppa ag daden meppig.

Jeremaia 51:8

Amge Babilon na qa, aoɗa nauhkku. Babilon guittak amu aokku amunu, ag Babilonnu mahieg! Ag marasin laa awa, guittak okkai doomanu metteg! Nug eɗua ena daakkutai.

Genesis 43:11

Anam awa a amu, ag mamelag Israel nug aum. “Ig ib laa iitta amunu, ag inam hekkulag. Ag wan imuppanu keeke ena ena laa, amuam marasin, uppuh leppu, spais digdig, mir, amu ad aɗit onilah pistasia, almon ele, amu meulti lanaknu ele laa aon, bek ahilkadppa inona gona, Isip danab amu, nuhig daakkunu hamu mettaglag.

Genesis 37:25

Moɗppa dayeye, nug awakkud ag daanna, ee laegeg, Ismael buɗub Midian wanppanu laa ag Gileatnu uɗin, Isip gokkulagnu doeg, kamel ahilag ag spais digdig, marasin, amu mir ele maon ukkaegeg, Josep awakkud ag danab amu anadna,

Jeremaia 31:4

Da ag Israel danab ah ehanadppi, ag eɗun, ɠagattag daaglag. Ag am ah makkun laa padal mekkunu haaha, eɗua ena daya aha, tambarin eppegppa aɗa, musik haaha, oo gamag ahak okkai ele ahi goɗatte, ag amubia hekkulag.

Jeremaia 31:21

O Israel danab ah, ⌊ag eɗun, ahilag wanppa uɗiglagnu amu,⌋ ag ib atten atten aon uɗiglagnu ele, ag ib amu giginppa at maadna, pilak human galatteg! Ag ib attem attem aon oiglag amu, ag amu dabmena autna aweg! O Israel danab ah, ag ahan, eɗun ahilag aab anen anenppa uɗiglag.