Jeremaia 44:27 - Nobonob Baibel

²⁷ Yawe Nug ahilagnu inam atte. “Aɗinu anam bekku? Da heppi, uug ahilagppa bekku. Da heppi, ena ahilagppa ii bema. Juda danab ah Isip daatteb ag qep elabppa, enugppa ele mauhadppeppeg ukkeb, iitta mekkulag

Jeremaia 44:27 Referans Kwoze

Jeremaia 31:28

Tatam da hei, ag nauhppig, danab nug uud hiɗatte, o lag loppaɗtte, o laa kekeɗ eɗadtte, o keeke he nauhtte, da amubia dabmak elelenab awen hemi. Da tatam anam hemi, amge haen uɗitte, haen amuppa da amu hekkulnu elelenab dabmein hemi, amubia da elelenab dabmein, da heppi, ag ena daaglag; danab nug lag ha autanab aotte, o dad eppa autanab aotte, da amubia hekkul.” Yawe Nug anam aakku atte.

Jeremaia 1:10

Antte! Gemu da na ehah laa medattem. Na wanppan wan laalappan danab ah, amu ɗo maɗoɗ laalappanu danab ah ele amelagppa nai madikkutnu elele daattem. Na laala amelagppa, danab laa nug uud keeke hiɗe bunaɗtteb, o lag keeke loppaɗtte, amubia da wan laa, o ɗo maɗoɗ laa amu, da ahilagppa heppi, ag nauhkkulag akkut. O na laala amelagppa danab laa nug keeke he nauhtte, o laa abenlagppanu lamatta, ahilag aben aotte, amubia da wan, o ɗo maɗoɗ laa amu heppi, ag padal mekkulag akkut. O na laala amelagppa danab nug lag bau he bette, o nug keeke eppe ena bette, amubia da wan o ɗo maɗoɗ amu heppi, ag ena daaglagnu akkut.” Yawe Nug anam awa, da amelppa aum.

2 King 21:14

Amu dahiladnab danab ah laala oɗo yaak daaglag amu, da ii ehanadppi daappeg, da geha ag maadppi, kekeɗ eppelagppa goppeg, geha kekeɗ ag ban hena, eheɗ hattanana, ahilkad keeke ele aoglag.

Esekiel 7:6

Ahilag haen gog tak aakku uɗiom! Ge, ahilag haen gog tak aakku uɗiom! Haen nau amu aakku ahom, ahilagppa bekkun daatte. Genab, ahilagnu gog tak haen aakku uɗiom!

Jeremaia 44:18

Ig anukka anam hemut, amge ig amu uut, ig baula kalu danab ile muttuɗig enanag bette mait, Habnu Kuin ii mettamut, ig wain gokkaɗaknu ofa nuhignu hekkunignu wain ii gokkaɗmut, haen amuppa digma uɗie, uɗie, gemu ele ig keeke iitta ele daat, ig qep elabppa, enugppa ele mauhttem,” aon appig.

Jeremaia 44:12

Uug naunab Juda wanppa beum, dimppa ag kuɗum iitta, ag laib laib uug haen dimppa bau daan, Juda wanppa daappig, amge ag haen amuppa Isip gona daaglagnu dabmak aoeg ɠagattag eppom daye, ag aakku heppig. Ag uɗin, Isip wanppa daatteb; am ag amu heppig amu, da heppi, ag nauhkkulag. Ag oh Isip daanna nauhkkulag. Ag qep elabppa, o enugppa mauhkkulag. Danab okkai ukkeb, danab onig iitta ele, ag oh qep elabppa, o enugppa mauhkkulag. Danab ah laa ag ahilagnu ag eheɗ laa awaknu anak waappa daaglagnu anana, ag anadna, ameg iɗuak doon, ag naippa yaaladnana, ag aon aon aqaglag.

Jeremaia 21:10

Da heppi, kekeɗ ag aab okkai imu heppeg nauhkku. Da ag Juda, da ag ehanadppi, ena ii daamna. Da amu hekkulnu dabmak aoi ɠagattag eppom daatte amunu, da uuppi, aab imuam Babilon dilag king eppegppa daakku. Nug eppegppa dayebeb, nug maneb eokku,” ’ awa atte.

Jeremaia 9:16

Da heppi, kekeɗ ag uɗin eɗadna heppeg, Juda danab ah ag wan laala, ag, amu ag mamelkad aɗi ele ag wan amu ii dooppig amu, ag wan amuppa, doɗ oolna, matatun gona, piɗe piɗe mauhnoak daatteb, Juda danab ah ag appa anam daaglag. Amu da heppi, kekeɗ ag lamadnana aqappeg, Juda danab ah ag padal mena autna aoglag,” awa atte.

Jeremaia 39:16

“Na ahan gona, Kus danab Ebetmelek amegppa inam appe doyaɗ! ‘Yawe Nukka Ɠagattag Oh Ele, Nug Israel dilag Kayak, Nug inam atte. “Da matu aab okkai imuam nauhakib daakkunu, ena ii daamanu ami. Da anam ami, amu haen elab iitta, da heppi, nai amu meu okku. Haen amuppa na amenppanab nai amu meu oobob anidkkut,” awa atte.

Jeremaia 42:16

appa ag qep elabppa mauhkkulag. Gemu ag enug aqamanu dabmak aon baɗak doon oitteb, amge ag Isip gona daan oiglag dayeb amu, enug aqeb mauhkkulag.

Jeremaia 44:13

Juda ag uɗin Isip daatteb amu, da ag qep elabppa, enugppa, oɗe nau danab kuɗum aqe mauhtteb eleppa bu madakkul. Da Jerusalem danab ah bu mattami, amubia da ag Isip daatteb bu madakkul.

Jeremaia 44:14

Juda danab ah uug nau dimppa oɗo yaak daan, Juda wanppanu ahan Isip daaglagnu uɗippig amu, ag bu amu aoglag. Ag uug amu qe-eɗidkkulagnu elele iitta. Ag qe-eɗidna, bau daan, eɗun Juda wanppa gona daaglagnu oolag huana hette, amge ag anam ii hemana. Oola ukkak danab laib laibnab aakkuib ag hekkulag.” Yawe Nug anam awa atte.

Esekiel 5:12

Ag Jerusalem daatteb amu, ag obatak ewam daatteb bia. Amu aab ooppa danab ah oh obatak laippu laa ooppa daatteb, ag oɗe nau danab kuɗum aqe mauhtteb elenu, o enugnu aab okkai ooppa mauhkkulag. Danab ah obatak laappa daatteb amu, kekeɗ ag aab dimittim ag ag aqappeg mauhkkulag. Amu obatak laa da heppi, kekeɗ ag diin heppeg, ag wan laalappa matatun gona daaglag, amge appa ele da heppi, ag qep elabppa mauhkkulag.

Daniel 9:14

Ig amu hemut amunu na, Yawe, na heppe, uug naunab ihinigppa bekkunu ii uume. Aɗinu? Na, na am Yawe, ihinig Kayak, na am tutukkuib daattem. Na aɗi hettem, amu ele am genab tutukkuib. Ig na oɗen ii dim lamidmut, ⌊amunu na tutukku henana, bu mekkame⌋.

Amos 9:8

Antte! Ag Israel, ag hipunin heegeg, da Naɗi Yawe, da amu anidttem. Da heppi, ag padal meppeg, ahilag wan am wanppan wan laa oolagppa iinab daama, amge da Jakop buɗub ohnab heppi, iitta ii memana,” awa atte.

Jeremaia 9:15

Juda danab ah ag Yawe anam dimettan, eheɗ oitteb amunu, Yawe Nukka Ɠagattag Oh Ele, Nug Israel dilag Kayak, Nug inam atte. “Antteg! Da heppi, uug danab ah imu dilagppa bekku. Uug amuam danab nug uud ad tiig mua ele latte, uud tiig mua nau ele latte, amubia daakku.