Jeremaia 44:26 - Nobonob Baibel

²⁶ Amu Yawe atte. “Ag amu hetteb amunu, ag Juda oh, ag Isip uɗin daatteb ele, ag Yawenu nai imu doyeg! Nug atte. ‘Da onil okkai ele awen, amuppa da dahil nai ɠagattag qetten, da attem. “Ag oolagppanu laa nug baula da onil awa, nuhig nai laa ɠagattag qedakkunu ha, ‘Naɗi Yawe bau daatte, genab amubia,’ ana, amuppa nai nuhig ɠagattag ii qettama,” ’ ” awa atte.

Jeremaia 44:26 Referans Kwoze

Hibru 6:13

Aria, auntai laa nug Kayak eɗittak iitta amunu, anukka haen Kayak Abraham amegppa keeke hekkunu nai qakka aum amu, Kayak Nug, Nug onigppa nuhig nai ɠagattag qetta aum.

Esekiel 20:39

O ag Israel danab ah, ahilagnu amu Naɗi Yawe, Nug inam atte. “Ag anen anen ohnab, ag gemu gona, ahilag kayak hambuppuak noolagppa dup nona binalag mattaglag, amge qinob dimppa amu, ag genabnab dahil nai doon, ag baula ahilkad kayak hambuppuak noolagppa dup nona binalag ii memana, ahilag daakkunu keeke ele ii mattamna. Ag amu oh ii heppeg, amu haen amuppa da onil oppiaawak ele laa dilag neekkakppa hamu bia ii daama,” awa atte.

Sam 50:16

Amge Kayak Nug nau hak danab dilag atte. “Ag dahil ɗo oɗelagppa maditteb, amge aɗinu? Ao, ag nug tituana nai qakkak ig hemut ele amu oɗelagppa maditteb amge aɗinu?

Genesis 22:16

“Yawe Nug inam awa atte. ‘Da dakka, da onil awen, da nai dahil imu da onilppa ɠagattag qein madittem. Nai am inam: Na nid nahipnab meɗame. Na ii awaidna aɗame

Amos 6:8

Naɗi Yawe Nug nukka Nug onig awa, nuhig nai ɠagattag qetta, Nug, Nug Yawe Kayak Nukka Ɠagattag Oh Ele, Nug inam atte. “Jakop buɗub, ag dada danab dilag kobol dim lamidtteb amu, da amunu oolppa uuaknab doottem. Ao, ag aab aɗ ɠagattagnab ele bappaladppig amu, da keeke amunu ele oolppa uuaknab doottem. Da anam doottem amunu, da kekeɗ paɗadppi, ag aab okkai ahilag imu eɗidppeg, aab amu, danab ah, keeke oh aab amuppa daatte ele am kekeɗ eppelagppa daaglag,” awa atte.

Jeremaia 5:2

Aab okkai amuppan danab ah ag ahilag nai ɠagattag qettaglagnu ag, ‘Yawe Nug genab bau daatte, genab amubia,’ atteb, amge ag nai amu hamu atteb. Ag ahilag nai amuppa ag aɗi keeke hekkulagnu maditteb, amge ag ii dim lamidtteb,” awa aum.

Hibru 6:18

Aria, gemu keeke aɗit amu aakku daattep; laa am Kayak Nug keeke genab hekkunu nai qakka aum, laa am Nug nuhig nai Nug Nug onigppa ɠagattag qettom. Keeke aɗit amu aa baolikkulahnu elele iitta. Kayak ele hambubukkunu elele iitta. Aria, ig laa, ig Kayak Nug ig gog tak haenppa bauklel mekkeb aognignu dabmak aɗat daat, ameg mettem ele amu, keeke aɗit amu aa ig oonig ɠagattag qedattep.

Hibru 3:18

Amu Kayak Nug aun aɗi dilagnu ag genabnab nuhig hik awak ii aomnanu nai ɠagattag qetta aum? Amuam danab ah ag nuhig nai ii dim lamidppig ele. Kayak Nug amu dilagnu anam aum

Amos 8:7

Ag anam hetteb, amge Yawe, Israel dilag Kayak, Nug Nug onigppa nai imu ɠagattag qetta, inam atte. “Da ahilag kobol nau ohnu amu, da daul iinab atima,” awa atte.

Amos 6:10

Amu tiilag laippu aɗit laa aa uɗiya, gaɗalag aoya gokkulahnu uɗiya heyaya, laa nug laa, “Gaɗa laa anidmete?” oɗ metteb, laa nug amegppa, “Iitta,” akku. Nug anam ab amu, laa oɗ meum ele nug akku. “I Yawe onig diiɗa iinab akkunihoitte amunu, na nai laa aib mattime!” awa akku.

Jeremaia 46:18

Yawe Nug Jeremaia amegppa anam ana, nug imu ele Jeremaia amegppa a, nug Isip dooglagnu aum. “Yawe Nukka Ɠagattag Oh Ele, Nug King, Nug inam atte. ‘Da genab bau daattem, genab amubia laa nug ɠagattag okkainab uɗieb, Isip ele ban hekkulag. Laa uɗikku amu, nug laa eɗattak daatte. Aɗinu? Nug qauko onig Tabor, qauko laala ooppa daatte, amge danab nug neekka antta, qauko laa ii dabmette, amubia nug laa eɗattak daatte. Ao, nug qauko onig Karmel, yu guguittak daatte, danab nug neekka antta, keeke laa ii dabmette, amubia nug laa eɗattak daatte.

Jeremaia 22:5

Amu Yawe Nug imu ele atte, “Amge ag haknunab nai da ag madattem dim ii lamidkkulag dayeb, da dakka da onilppa da dahil nai ɠagattag qetten, da heppi, lag enanagnab imuam nauhaknab aakkuib daakku attem,” awa atte.

Jeremaia 7:9

Ag yab hetteb. Ag layag qe mauhak hetteb. Ag ewau pakkua gappai hak kobol hetteb. Ag hettoɗiakppa nai hambuppuak aon, nai amunu, ‘Am nai genab,’ ahilag naippa ɠagattag qettan maditteb. Ag kayak hambuppuak Bal noobppa daanna, kalu danab ile muttuɗig enanag bette ele maina, nug medatteb. Ag kayak laala ele, ag anukka kayak amu ii dooppig, ag kayak amu ele dim lamadtteb.

Aisaia 62:8

Yawe Nug nuhig ɠagattagppa nuhig nai ɠagattag qetta, Juda danab ah amelagppa inam aum. “Da heppi, ahilag kekeɗ ag baula uɗin, ahilag ee aeg ii lamana. Ge, da heppi, wan laihnu danab ag baula uɗin wain bau, ag amu aoglagnu uɗat okkai heppig amu, ag baula uɗin, amu ii lamana.

Sam 89:34

Da hei, da nug ele nug tituanɗa, nai qakkamuɗ ele amu, da nai amunu hamu bia doyen, ii tippalpa. Ao, da nai ami amu, da iinab baolipa.

Namba 14:28

Amunu na ag amelagppa appe doyeg! ‘Da Yawe, da attem. Da genab bau daattem, genab amubia da heppi, ag mattieg doomi, amubianab ahilagppa bekku.

Jeremaia 24:8

Ag gemu Babilon diia ukka laih me dayak danab ah daatteb, ahilagnu am da anam hekkul, amge Sedekaia, nug Juda dilag king gemu daatte, nuhikkud ehanittak anuqak danab, amu Jerusalem danab ah laa ag ii mauhppig ele, da amu dilagnu ad fig meu naunab, ag amubia daatteb doottem. Ad fig meu amuam naunab, danab lakkunu elele iitta, amu da danab ad fig meu nau amubia attem attem hette, da anamib ahilagppa hekkul. Ag wan imuppa daaglagtai, o iitta ag oolna Isip wanppa gona appa daaglagtai, da anamib aakku hekkul.

Jeremaia 44:24

Jeremaia nug anam awowa, nug tuɗitta, danab oh ah oh ele amelagppa aum. “Ag Juda danab ah Isip ippa uɗin daatteb ele, ag Yawenu nai imu doyeg!

Jeremaia 49:13

Amu Yawe atte. “Da dakka, da onil awen, dahil nai ɠagattag qetten, da attem. Kekeɗ ag heppeg, Edomnu aab Bosra nauhakib daakku. Danab ah laa ag amu anidna, ag ameg iɗuak doon, ag Edom danab ah aon aon aqanna, ag Edom danab ah eheɗ laa awaknu anak waappa daaglagnu anana oiglag. Amu Edomnu aab oh amu nauhattak hanhan daaglag.” Yawe Nug anam atte.

Hosea 4:15

Ag Israel, danab ah ag ewau pakkuna gappai hetteb, amubia ag da uuiɗna, kayak hambuppuak laala dilagppa dup nona binalag metteb, amge Juda danab ah, ag anam aib heppig. O Juda danab ah, ag kayak hambuppuak noolagppa dup nona binalag mekkulagnu Gilgal aib goppig. Ao, ag amu hekkulagnu Bet Awen aib goppig. Ge, ag kayak hambuppuak noolagppa dup nona binalag menana, ag ahilag nai ɠagattag qettan, ‘Yawe genab bau daatte, genab amubia da inam inam hekkul,’ aib anan heppig.

Jeremaia 44:11

Ahilag hak anam daatte amunu, Yawe Nukka Ɠagattag Oh Ele, Israel dilag Kayak, Nug inam atte. “Da heppi, uug naunab beeb, ag Juda ag uɗin Isip daaglagnu uɗippig amu, uug amu ag oh tonatteb, ag nauhkkulagnu da dabmak aoi ɠagattag eppom daatte.

Jeremaia 44:14

Juda danab ah uug nau dimppa oɗo yaak daan, Juda wanppanu ahan Isip daaglagnu uɗippig amu, ag bu amu aoglag. Ag uug amu qe-eɗidkkulagnu elele iitta. Ag qe-eɗidna, bau daan, eɗun Juda wanppa gona daaglagnu oolag huana hette, amge ag anam ii hemana. Oola ukkak danab laib laibnab aakkuib ag hekkulag.” Yawe Nug anam awa atte.

Jeremaia 51:14

Yawe Nukka Ɠagattag Oh Ele Nug nukka, Nug onig awa, nuhig nai ɠagattag qetta aum. “Da genabnab genab heppi, kekeɗ dilag daup huanak, tap-lokus bia, ag Babilon aab ooppa nona eɗadna, ag gamag ahak okkainab doon ekkulag,” awa atte.