Jeremaia 44:23 - Nobonob Baibel

²³ Ag kalu danab ile muttuɗig enanag bette manan, kayak hambuppuak medappig, ag Yawe, nuhigppa hipunin heppig, ag Yawe oɗe ii dim lamidppig, ag nuhig ɗo, nuhig nai ele ii dim lamidppig amunu, uug naunab ahilagppa beum. Uug beum amu ag aakku anidtteb,” awa aum.

Jeremaia 44:23 Referans Kwoze

1 King 9:9

Ag oɗmak anam hebeppeg, laa ag nob mena akkulag. ‘Imu beumnu diig am inam. Israel ag Yawe, ahilag Kayak, ag Nug uuppig. Nug ag mamelkad aɗi anukka Isipnu diia, omalatta uɗiom. Amge ag Yawe, ahilag Kayak, ag Nug uun, ag kayak hambuppuak dim lamadnana, ag noolagppa dup nona binalag meppig. Ag anam heeg, diig amunu Yawe Nug he, uug naunab imu beum.’ ” Yawe Nug Solomon amegppa anam aum.

Sam 119:150

Danab ah eheɗ laa hekkulagnu lokkumakppa doonna, maittak eheɗ aotteb ele, ag da gukkiɗna daatteb, amge ag nahip ɗonu awaidna oitteb.

Nehemaia 13:18

Ag mamelkad aɗi ag anamnab iite heppig? Ag anam heegeg, diig amunu ihinig Kayak Nug uug naunab nau ihinigppa, aab okkai imuppa ele iite he beppig. Anam, amge gemu ag tuɗidna, Sabat deɗnu hamu bia doon, ɗo ii dim lamidtteb, amuppa ag heppeg, Kayak Nug baula bu megakkunu oittem.” Da anam ami.

2 Korint 6:16

Ig Kayaknu mettid lag amu kayak hambuppuak dottolkad ele ouaqadkkunigte? Amu oh am iitta! Ag dootteb Kayak bauklel ele nuhig mettid lag amu igib iikku. Anukka Kayak Nug nuhikkud danab ah dilagnu inam aum. “Geha da ag ele oh daatta, ag oolagppa oikkul. Da ahilag Kayak daakkul, ag am dahilad danab ah daaglag.”

1 Korint 10:20

Iitta. Amge iitta aɗi ag mana mettak ahilagppa amu ag doɗ main ouɗi nau madatteb. Ag main Kayak ii medatteb. Da ag ouɗi nau ele ouqak daaglagnu amu, da ool ii daatte.

Gayak Nai 1:8

Juda danab ah ag hipunin huanak heppig amunu, ag Yawenu neekkakppa ag oolagppa dubuttid teum daatteb. Anukka laa ag Juda danab ah dilagnu, “Ag binalag ele,” anan oippig, amge Juda danab ah eheɗ heeg, laa ag ah gappai he, nuhig lamen uɗitteg, beɗu miag dayeye, ah amunu mudippan laippu ag nuhignu ena iinab dootteb, amubia ag Juda danab ah eheɗ heppig anidna, gemu ag diig amunu Juda danab ah dilagnu ena iinab dootteb. Juda danab ah ag akka akka eheɗ heppignu uɗa nak nau guittak ele doon, aiqagatteb.

Jeremaia 44:21

“Anukka ag mamelkad aɗi, ahilkad king, ahilkad ehanittak anuqak danab laa, ag gemu ippa Isip daatteb, amu Juda danab ah laa oh ele ag anukka Juda wanppa daanna, ag Judanu aabppa, Jerusalem aabppa ele ag kalu danab ile muttuɗig enanag bette ele aon manan, kayak hambuppuak madappig amu, Yawe Nug amu anttom ag iite dootteb? Nug amu antta amunu, dabmaama, dabmakppa iite meum.

Jeremaia 44:18

Ig anukka anam hemut, amge ig amu uut, ig baula kalu danab ile muttuɗig enanag bette mait, Habnu Kuin ii mettamut, ig wain gokkaɗaknu ofa nuhignu hekkunignu wain ii gokkaɗmut, haen amuppa digma uɗie, uɗie, gemu ele ig keeke iitta ele daat, ig qep elabppa, enugppa ele mauhttem,” aon appig.

Jeremaia 44:8

Ag eppelagppa kayak hambuppuak dottolkad bappaidtteb, amu ag Isip daanna oiglagnu uɗin daanna, ippa ag kalu danab ile muttuɗig enanag bette main, kayak hambuppuak madatteb. Aɗinu ag heppeg, da oppoɗi bak dookkul? Ag amu tuɗidna hekkulag dayeb amu, ag akka ag hena, ag beɗulagppa ag nauhkkulag. Anam beeb, danab ah wanppan wan laa ohppan ag anidna, ag aon aon aqan, ag eheɗ laa awaknu anak waappa daaglagnu akkulag.

Jeremaia 40:3

Nug anam aum amu, gemu Yawe Nug anamib bekkunu he, aakku beum. Nug aɗi bekkunu aum, amuibnab gemu aakku beum daatte. Uug amu oh beumnu diig am, ag Juda danab ah, ag Yawe, nuhigppa hipunin heppig. Ag Nug oɗe ii dim lamidppig.

Sam 119:155

Nau hak danab ag nahip ɗo dooglagnu ii hetteb amunu, na ag padal memananu iinab ehanadttem.

Sam 78:56

Kayak Nug amu oh ahilagnu heum, amge ag Nug ma anttak medappig. Ag Kayak Attannab Laa Oh Eɗattak waappa daaglagnu uun, ag nuhig nai tappeg neum. Ao, ag nuhig ɗo dim lamidkkulagnu uuppig.

2 Stori 36:16

Anam maatte goppig, amge Juda danab ag Kayaknu nai awa ukkak danab nai aon goppig ele, ag nai amunu ena iinab doon, ag Yawenu danab amu aon aon aqanna, ag Yawenu propet ele aon aon aqaegeg, Yawe Nug amunu oppoɗi bak doya, bu madakkunu dabmak awe, laa heeb bu ii aomnanu ib laa ii dayom.

Sam 78:10

⌊Ag aɗinu anam heppig?⌋ Ag Kayak ele nug tituana nai qakkak heppig ele amu, ag amu tippalppig. Ag nuhig ɗo waappa dayak uuppig ⌊amunu, Nug ag ii ehanattom⌋.

Sam 119:136

Danab ah ag nahip ɗo ii dim lamidtteb amunu, da gaai gaai, amel leb huana nette.

Jeremaia 26:4

Amu na ag amelagppa inam akkut. ‘Yawe Nug inam atte. “Ag daulag human dahil nai ii dooglag, ag dahil ɗo da ag mattami ii dim lamidkkulag,

Jeremaia 44:2

“Yawe Nukka Ɠagattag Oh Ele, Israel dilag Kayak, Nug inam atte. ‘Ag uug naunab nau da hei, Jerusalem, Judanu aab laa ohppa ele beum anidna malappig. Gemu aab amu ag hamu daatteb. Danab ah appa ii daatteb, nauhakib daatteb.

Jeremaia 44:3

Juda danab ah ag eheɗ hak heppig amunu, aab amu ag anam daatteb. Juda danab ah ag kalu danab ile muttuɗig enanag bette main, kayak hambuppuak mattanna, ag kayak laala, ag, amu ag mamelkad aɗi ele kayak amu ii dooppig, ag kayak amu noolagppa dup nona binalag meppig amunu, amuppa ag heeg, da oppoɗil beum.

Jeremaia 44:10

Juda danab ah tatamnu amu, ag nau amu henana, ag amu dabmenan, “Ig nau hemut,” ii anana, akka akka ag onilag qeeg ii ne, gemu ag Isip ippa ina daatteb ele, ag ele anam ii hetteb. Anukka, haen amuppa Juda ag ebehilag oh dahilnu bodoetta le ii meum, gemu ele ag ippa ina Isip daatteb amu, ag ebehilag oh dahilnu bodoetta le ii mette. Anukka, haen amuppa Juda danab ah ele ag dahil ɗo, dahil nai laa ele, da ag am ag mamelkad aɗi ele mattami amu, ag amu ii dim lamidppig, ag gemu Isip ippa ina daatteb amu, ag ele ii dim lamidtteb,’ ” awa atte.

2 King 17:15

Israel ag Yawenu ɗo nai, tituanak Yawe he, Nug ag mamelkad aɗi ele ag nug tituanna nai qagappig, ag nai amu, amu nau aomnanu nai nuhig ele oh, Nug ag mattom amu, ag nai amu oh uuppig. Ag gona, kayak hambuppuak, keeke hamu, bau iitta ele, ag ag dim lamadnana, Israel ag akka am keeke hamu, kayak hambuppuak, amubia beppig. Anukka Yawe Nug ag danab ah ag guguattak daatteb, ag amu dilag kobol ii dim lamidmananunab aum, amge Israel ag nai nuhig tappaeg ne, amu henana, ag kobol nau amu dim lamidppig.

Daniel 9:13

Moses ɗoppa yom bianab uug naunab amu oh ihinigppa beum, amge ig na ihinignu oot gai-iitta doon oot mekkan ehanigkkutnu ig ihinig hipunin ii dimettat, ig na Yawe, na ihinig Kayak, ig nahip doyak diig genabib ii dabmetat dim lamidmut.