Jeremaia 44:19 - Nobonob Baibel

¹⁹ Ag oh anam aeg, ah laala daappig ag appig. “Haen ig kalu danab ile muttuɗig enanag bette mait, Habnu Kuin mettata, ig bret batappatak nug dottog bia hetata, wain gokkaɗaknu ofa hekkunignu wain gokkaɗmut, haen amuppa ihinkad danab ag iite dooppig?” aon appig.

Jeremaia 44:19 Referans Kwoze

Jeremaia 7:18

Nid naunau ag aab ilaknu aab aoegeg, ag mamelkad ag aab ilaeg, ah ag bret batappatak kayak hambuppuak laa onig Habnu Kuin, ag main nug mettaglagnu bappaidna medatteb. Ag da oppoɗi bekkunu wain gokkaɗaknu ofa kayak hambuppuak laala dilagppa hetteb.

Jeremaia 44:15

Jeremaia nug nai amu doya, danab ah amelagppa a, Juda danab ah kuɗum Isip ooppa aben laa yau uɗitteppanu daatte, ag aben amuppa daaegeg, laa ag Isip ooppa aben laa yawalti uɗitteppanu daatte, ag aben aɗit amuppa daappig, amu ag oh haen amuppa uɗin daanna, Jeremaianu nai dooppig. Ag daappig ele, ag oolagppa danab laa ag ahilkad ah ag kalu danab ile muttuɗig enanag bette manadna, kayak hambuppuak mattaegeg dooppig amu, ag, ahilkad ah ele, amu danab ah laa oh ele ag Jeremaianu nai doon, ag nug amegppa appig.

2 Stori 21:6

Jehoram wau am Ahap aɗeg amunu, nug Israel dilag king ag kobol eheɗ dim lamidppig, Ahap nug baekkudppa ele, ag ele amu dim lamidna heppig amu, Jehoram nug ele amubia heum. Nug Yawenu neekkakppa eheɗ heum.

1 King 21:25

Haen Ahap nug king dayom amu, Nug Kayaknu neekkakppa genabnab genab nug kobol eheɗib nuhig ɠagattag ohppa hekkunu dabmaama oiya, amu haknu danab laa oh eɗattom. Yawe Nug nuhig neekkakppa kobol amunu am nauib dootte. Aria, nug wau Jesebel amu, nug anam hekkunu duttunak ele heum.

Genesis 3:6

Aria, haen ah nug ad meu amuam anttaknu ena antta, lanaknu ele ena antta, doyak dabmak ena ele medakkunu elele, ele antta, amu nug meu awa lawowa, gamu nug ele daapiɗ ele mette, nug ele laum.

Prowerb 11:21

Imuam na genabnab genab dookkutnu elele, Kayak Nug nau hak danab bu madakku; amge aun aɗi ag genab tutukku hak danab daan oitteb, ag am bu ii mattama.

Jeremaia 44:20

Ag anam aeg, Jeremaia nug amu dilag oh, danab ele, ah ele, ag nug naippa nob meppig ele amu, nug ag oh amelagppa aum.

Namba 30:8

Amge haen gamu nug wau aɗi keeke hekkunu aum amu doya, haen amuppa nug ii hemanu ab amu, nug aɗi keeke genabnab hekkunu nai ana qakkom, o iitta nug aɗi keeke dabmak ii awa, keeke hekkunu nai ana qakkom amu, nug ii hema. Nug gamu anam hemanu aib aum amunu, Yawe Nug ah amu anak nuhignu uhuqkku.

Namba 30:12

Amge haen gamu, nug aɗi keeke hekkununab aum amu doya, amegppa ii hemanu ab amu, nug aɗi keeke genabnab hekkunu nai ana qakkom, o iitta nug keeke hekkunu Kayak onigppa nuhig nai ɠagattag qetta aum amu, nug ii hema. Nug gamu aakku ii hemanu aum amunu, Yawe Nug ah amu anak nuhignu uhuqkku.