Jeremaia 44:17 - Nobonob Baibel

¹⁷ Ig kayak laa onig Astoret, onig laa Habnu Kuin, ig nug noobppa dup nota, nug binag mekkunignu nai atat, ɠagattag qakkamut amu, ig genabnab genab anam aakku hekkunig. Ig kalu danab ile muttuɗig enanag bette mait, nug mettagnig. Ig nuhignu wain gokkaɗaknu ofa hekkunignu wain gokkaɗkkunig. Ig, ig mamenkad aɗi, ihinkad king, ihinkad ehanittak anuqak danab laa ele anukka Judanu aabppa, Jerusalem appa ele heppig, amubia ig hekkunig. Aɗinu? Anukka, ig Juda wanppa amu hemut, haen amuppa ig ee ele daamut, uug laa ihinigppa ii beum.

Jeremaia 44:17 Referans Kwoze

Jeremaia 7:18

Nid naunau ag aab ilaknu aab aoegeg, ag mamelkad ag aab ilaeg, ah ag bret batappatak kayak hambuppuak laa onig Habnu Kuin, ag main nug mettaglagnu bappaidna medatteb. Ag da oppoɗi bekkunu wain gokkaɗaknu ofa kayak hambuppuak laala dilagppa hetteb.

Nehemaia 9:34

Ihinkad king, ihinkad ikki danab, ihinkad mana mettak danab, ig mamenkad aɗi ele, ag oh ag nahip ɗo ii dim lamidppig. Ag nahip haknunab nai ii dabmeppig. Nau aomnanu nai na ag mattame ele amu, ag ii dabmeppig.

Esekiel 20:8

Da anam ami, amge ag dahil nai tappaeg neum. Ag dahil nai dooglagnu uuppig. Ag dottolkad uɗig wak ele, ag dottolkad amu binalag mekkulagnu oolag okkai daatte amu, ag dottolkad amu ii akkaeg goppig. Ag Isip dilag kayak hambuppuak dottolkad binalag mekkulagnu ii dimadppig. Ag amu heppig amunu, da oppoɗil be, bu okkainab madakkulnu ami. Ao, da ool nauhehe, da ahilag hak naunu nob naunab madakkulnu ami.

Duteronomi 23:23

Na nakka na dabmak aona, na aɗi keekenu Yawe, ahilag Kayak, na Nug toppa genabnab haknu nai anan qagakkut amu, na genabnab haknu nai anan qakkak heme amu, na ame bia, na dabmena autna aona he! Amuam na aɗi keekenu dabmenan, doonna oɗenppa madittem amunu keeke.

Eksodas 16:3

ag aa amelahppa inam appig. “Ig Isip daapput, Yawe heeb mauhlom am ena. Aɗinu? Aa ig awigya, omaigya atu taɗak ee iitta ele imuppa enug iqeeb, ig ohnab mauhkkunignu uɗipiɗ. Isip appa amu, ig daatta, ig doɗ teppu, ee iɗu iɗu laa ele elelenab lakkunignu amu, ig aot lamut,” aon appig.

Pilipai 3:19

Ag akka ag beɗulagnuib dabmetteb, amu dabmak amuam ahilag kayak aakku daatte. Ag uɗa nak keeke digdignu oolag gamag ahehe, ag wanppanu keekenuib dabmetteb. Danab amunu ag geha padal mak aoglag.

Jeremaia 44:25

Yawe Nukka Ɠagattag Oh Ele, Israel dilag Kayak, Nug atte. ‘Ag danab, ahilkad ah ele ag appig. “Ig genabnab genab kalu danab ile muttuɗig enanag bette mait, Habnu Kuin mettagnig. Ig genabnab genab wain gokkaɗaknu ofa nuhignu hekkunignu wain gokkaɗkkunig,” appig. Ag oɗelagppa anam hekkulagnu anan nai qagappig. Ag nai anam anan qagappig, ag eppelagppa ele anamnab aakku heppig. Ge, ag ahilag nai amu ag eppelagppa dim lamidna, autnanab aon heegeg uɗie, gemu ele hetteb,’ ” awa atte.

Jeremaia 44:21

“Anukka ag mamelkad aɗi, ahilkad king, ahilkad ehanittak anuqak danab laa, ag gemu ippa Isip daatteb, amu Juda danab ah laa oh ele ag anukka Juda wanppa daanna, ag Judanu aabppa, Jerusalem aabppa ele ag kalu danab ile muttuɗig enanag bette ele aon manan, kayak hambuppuak madappig amu, Yawe Nug amu anttom ag iite dootteb? Nug amu antta amunu, dabmaama, dabmakppa iite meum.

2 King 17:16

Israel ag Yawe, ahilag Kayak, ag nuhig haknunab nai oh amu uun, ag gol aon, golppa makau gaiɗ aɗit dottolah haatna, noolahppa dup nona binalah meppig. Ag kayak hambuppuak Aserah dabmekkulagnu biidod ele hena, ag amu noobppa dup nona binag meppig. Ag hoɗopai ele noolagppa dup nona binalag menana, kayak hambuppuak Bal ele noobppa dup nona binag meppig.

Ikki Danab 11:36

Jepta anam a amu, nug aɗeg nug aum. “Mama, na Yawe amegppa keeke laa genabnab hekkutnu nai ana qakkae, Yawe Nug na nahip kekeɗ Amon eɗadkkutnu he eɗadme amunu, na dahilppa hekkutnu nai anan qakkame amu, na hekkutoitte,

Namba 30:12

Amge haen gamu, nug aɗi keeke hekkununab aum amu doya, amegppa ii hemanu ab amu, nug aɗi keeke genabnab hekkunu nai ana qakkom, o iitta nug keeke hekkunu Kayak onigppa nuhig nai ɠagattag qetta aum amu, nug ii hema. Nug gamu aakku ii hemanu aum amunu, Yawe Nug ah amu anak nuhignu uhuqkku.

1 Pita 1:18

Ag dootteb, ag mamelkad aɗi ib uug ele, nuhig meu am keeke hamu, ag ib amu dim lamitteg neum amu, Kayak Nug ag ib amunu qagaiettakppanu eɗua uhuqak ha mattom, amge Nug keeke nauhtte ele, gol, silwa bia, Nug amuppa ag qagaiettak amuppanu ii uhuqattom. Iitta!

Mak 6:26

Nid ahin nug anam a amu King Herot nug oo uug naunab dayom, amge nug tatam nai ɠagattag qetta aawo, ɗo danab ag nug ele ee lappig amu, ag ele nai amu doyeg, “Amu iitta,” akkunu uua,

Jeremaia 44:9

Anukka ag mamelkad aɗi, ahilkad king, ahilkad kuin ele, amu gemu ag ippa Isip daatteb amu, ahilkad ah ele ag Juda wanppa, Jerusalem aabppa ele daanna, nau digdig hedappig amu, ag amu daulag atiomte?

Aisaia 48:5

Anam amunu, da keeke imu bekkunu anukkanab ai dooppig. Ao, keeke imu ag ii beppig haenppa da ai dooppig. Da amu heminu diig am, da anam ii helom, ag, ‘Dahil kayak dottog, nug he beum,’ alob. Ao, da anam ii helom amu, ag, ‘Dahil kayak dottog adppa hoiyak, laa aenppa ele hak amu, aa anam bekkunu aeh, aakku beppig,’ alob.

Sam 106:6

O Yawe, ig mamenkad aɗi ag hipunin heppig; ig ele aakku hemut. Ao, ig eheɗ hemut! Ig hak nau hetat oimut!

Sam 12:4

Ag atteb. “Ig nai mattiak ihinigppa laa eɗadkkunig. Ao, ig aɗi nai am akkunigib. Auntai laa heeb ig ii uumta,” aon attem.

2 King 22:17

Aɗinu? Juda danab ah, Israel danab ah ele ag oh da dimeɗan uuiɗegeg uɗie, gemu ele hetteb. Ag kalu danab ile muttuɗig enanag bette manan, kayak hambuppuak madappig. Ag eppelagppa kayak hambuppuak dottolkad hadappig amunu, diig amunu, da oppoɗil beum. Da anam doyeye, oppoɗi bak dahil am wan imunu danab ah dilagnu dayeb ukkeb, ⌊hamu⌋ ii iitta mema. ⌊Iitta! Nob mettak malak aakkuib am iitta mekku,⌋” ’ awa atte.

Namba 30:2

‘Haen danab laa nug Yawe amegppa keeke genabnab hekkunu nai ana qagatte, o iitta nug keeke hekkunu Kayak onigppa nuhig nai ɠagattag qetta atte amu, nug nuhig nai amunu hamu bia doya, iinab okkulma. Nug keeke hekkununab aum am hekkuoitte.

2 Stori 28:23

Amu Aram ag uɗin, Ahas eɗitteg, Ahas nug inam dabmeum. “Aram danab ag kayak laa noolagppa dup nona binalag metteb. Kayak amu ag Aram dilag king ehanatteg, Aram ag da eɗilppig amunu, da doɗ manen, kayak amu madappi, ag da ehaniɗkkulag,” dabmeum. Ahas nug anam dabma, nug doɗ manatta, Aram danab dilag kayak mattom. Ahas nug ib amuppa ehanittak awaknu dabmeum, amge iitta. Kobol nug heum, kobol amuppa nug, Israel laa oh ele ag nena qeppig.

Jeremaia 1:16

Ge, dahilad danab ah ag da dimeɗana, ag kalu danab ile muttuɗig enanag bette manan, kayak hambuppuak mattanna, ag akka eppelagppa dottolkad hadappig ele, ag dottolkad amu noolagppa dup nona binalag mena, kobol nau amu oh aakku heegeg uɗie, gemu ele hetteb amunu, da bu okkai ag madakkul.

Jeremaia 11:12

Danab ah Jerusalem daatteb, Juda danab ah laa oh ele ag gemu kalu danab ile muttuɗig enanag bette ele, ag amu manana, kayak hambuppuak laa madatteb amu, haen uug naunab amu beeb, haen amuppa ag gaanna, kayak amu dilag unuqidkkulag, amge kayak amu ag ii ehanadmana. Iitta.

Jeremaia 18:15

Dahilad danab ah ag ele anam bia alet dabmeɗan oilob, amge iitta, ag dahilnu daulag atiom. Ag ahan, kalu danab ile muttuɗig enanag bette manan, kayak hambuppuak madatteb. Kayak hambuppuak amu ag heeg, dahilad danab ah ag nena qena daatteb. Ao, kayak hambuppuak ag heeg, dahilad danab ah ag kobol ena, anukka ippunittak amu aoppig amu, ag ib amuppa elele ii oitteb. Ag heeg, dahilad danab ah ag ib ena apiɗidna oitteb. Ao, ag ib nauppa oinna, ib enappa ii oitteb.

Esekiel 8:16

Kayak Nug anam awowa, Nug omaiɗa, Yawe laugnu mana mettak danab dilag haɗap ooppa meiɗe, da neekki ukke, appa Yawenu mettid lag odppa, Oo Gun Eleppa ukkaknu oo veranda bia, qaɗab ele gamalahppa da danab 25 anam daaegeg anadmi. Ag Yawenu mettid lag dimettan, ag aam bedeppa neegnana, aam noobppa dup nona binag meppig.

Esekiel 20:32

Amu Naɗi Yawe Nug atte. “Ag atteb. ‘Ig wanppan wan ohppan danab ah, ag kayak hambuppuak, dottolkad adppa hak, o menppa hak noolagppa dup nona binalag metteb ele, ig ag bia daat, anam hekkunignu oonig daatte,’ aon atteb, amge da heppi, ag amubia iinab hemana,” awa atte.

Esekiel 23:41

Na anam hena, na sia enanag amuppa appa daan he, laa ag balal laa na noomppa babaitteg, na appa kalu danab ile muttuɗig enanag bette dahil, dahil goɗen ele meme.

Habakuk 1:16

Kakai eeɗak danab nug uhuippa kakai aotte amunu, nug en okkai ele daatte. Ao, nug ee ena enaib amuppa awa latte. Nug uhuippa anam awa lanana dootte amunu, nug uhuinu, ‘Dahil kayak,’ anan, uhui noobppa doɗ laa mana medatte. Ao, nug uhui diig laa ele nuhignu anam dootte amunu, nug kalu danab ile muttuɗig enanag bette ele awa, uhui noobppa amu ilatte.

Jeremaia 7:17

Yawe Nug da amelppa anam ana, Nug imu ele aum. “Jeremaia, na Juda danab ah ag ahilkad aab anen anenppa, Jerusalem ibppa ele hetteb iite anidttem.