Jeremaia 44:15 - Nobonob Baibel

¹⁵ Jeremaia nug nai amu doya, danab ah amelagppa a, Juda danab ah kuɗum Isip ooppa aben laa yau uɗitteppanu daatte, ag aben amuppa daaegeg, laa ag Isip ooppa aben laa yawalti uɗitteppanu daatte, ag aben aɗit amuppa daappig, amu ag oh haen amuppa uɗin daanna, Jeremaianu nai dooppig. Ag daappig ele, ag oolagppa danab laa ag ahilkad ah ag kalu danab ile muttuɗig enanag bette manadna, kayak hambuppuak mattaegeg dooppig amu, ag, ahilkad ah ele, amu danab ah laa oh ele ag Jeremaianu nai doon, ag nug amegppa appig.

Jeremaia 44:15 Referans Kwoze

Prowerb 11:21

Imuam na genabnab genab dookkutnu elele, Kayak Nug nau hak danab bu madakku; amge aun aɗi ag genab tutukku hak danab daan oitteb, ag am bu ii mattama.

Matyu 7:13

Ag ib laa, ib amu oɗeppan od hogogdoak ele, ag amuppa noig! Aɗinu? Ib okkai padal mak abenppa gotte ele amu, nuhig od am okkainab, am danab ah kuɗum ag ib amu dim lamidtteb.

Nehemaia 13:26

Da kobol amunu ag amelagppa ele inam ami. “King Solomon nug wan atu laihnu ah diiom, diig amunu nug hipunin iite heum? Wan atu ohppa king laa nug bia ii dayom, nug okkainab dayom. Kayak, Solomonnu Kayak, Nug Solomonnu oo huana mauhom, Nug Solomon king daakkunu tituane, nug Israel oh dilag king dayom, amge laihnu ah ag heegeg, nug hipunin heum.

Genesis 19:4

Ee lawoya, aa ii niieheh, Sodom danab kaino ukke, nid bau ele, ag oh uɗina, lag oo mettana talilidna,

Aisaia 1:5

⌊O Israel danab ah,⌋ aɗinu ag nai tappe nak kobol tuɗidna henana oitteb? Aɗinu ag bu baula aoglagnu hetteb? Israel ag nid laa, hibguitta haaha, bu awe, mukki gaɗa laɗue ukke, beɗu laa oh ele ihi mettom, ag amubia nauhppig daatteb. Ao, Israel ag nid laa beɗu oh oɗe ele, amubia ag nauhna autna aoppig daatteb.

Aisaia 48:5

Anam amunu, da keeke imu bekkunu anukkanab ai dooppig. Ao, keeke imu ag ii beppig haenppa da ai dooppig. Da amu heminu diig am, da anam ii helom, ag, ‘Dahil kayak dottog, nug he beum,’ alob. Ao, da anam ii helom amu, ag, ‘Dahil kayak dottog adppa hoiyak, laa aenppa ele hak amu, aa anam bekkunu aeh, aakku beppig,’ alob.

Jeremaia 44:19

Ag oh anam aeg, ah laala daappig ag appig. “Haen ig kalu danab ile muttuɗig enanag bette mait, Habnu Kuin mettata, ig bret batappatak nug dottog bia hetata, wain gokkaɗaknu ofa hekkunignu wain gokkaɗmut, haen amuppa ihinkad danab ag iite dooppig?” aon appig.

Jeremaia 44:24

Jeremaia nug anam awowa, nug tuɗitta, danab oh ah oh ele amelagppa aum. “Ag Juda danab ah Isip ippa uɗin daatteb ele, ag Yawenu nai imu doyeg!

Esekiel 29:14

Da heppi, ag diia ukka laih me dayak danab ah daappigppanu eɗun uɗin, ag ahilag wanppa laih onig Patros, ag appa daaglag. Anukkanab ag memetalkad ag appa daappig. Ag eɗun uɗin, appa daanna, ag wanppan wan oh oolagppa, ɠagattag okkai iitta daaglag.

Esekiel 30:14

Da heppi, kekeɗ ag heppeg, Isipnu wan laih, Patros, am nauhakib dayebeb, ag aab Soan amotppeg, ewa iitta mekku. Laa amu, da heppi, kekeɗ ag heppeg, Isipnu aab okkai Tebes bu medappeg, am ele nauhkku.

Duteronomi 13:7

Kayak amuam danab ag wan amuppa talilidna daaglag, laa ag guguittak daaglag, laa uma daaglag, am amu dilag kayak.

Jeremaia 44:1

Yawe Nug Jeremaia, Juda danab ah Isip daappig dilag nai laa imu ele mette doyom. Juda danab ah amu laa ag Isip ooppa aben laa yawalti uɗitteppanu daatte, ag aben amuppa aab onilag Mikdol, Tapanes, amu Mempis ele amuppa daaegeg, laa ag Isip ooppa aben laa yau uɗitteppanu daatte, ag aben amuppa daappig. Nai Jeremaia nug ahilagnu doyom am inam.