Jeremaia 44:14 - Nobonob Baibel

¹⁴ Juda danab ah uug nau dimppa oɗo yaak daan, Juda wanppanu ahan Isip daaglagnu uɗippig amu, ag bu amu aoglag. Ag uug amu qe-eɗidkkulagnu elele iitta. Ag qe-eɗidna, bau daan, eɗun Juda wanppa gona daaglagnu oolag huana hette, amge ag anam ii hemana. Oola ukkak danab laib laibnab aakkuib ag hekkulag.” Yawe Nug anam awa atte.

Jeremaia 44:14 Referans Kwoze

Rom 9:27

Aria, Aisaia nug Israel dilagnu Kayak naippa inam yom daatte. “Israel danab ag yu ihippa, abuɗ niitte bia, ebqak ahilag anam daaglagtai, amge Kayak Nug geha ebqak honapib, oɗo yaak daaglag, Nug agib eɗua diikku.

Jeremaia 42:17

Ge, aun aɗi laa oh ag Isip gona daaglagnu dabmak aoeg ɠagattag eppom daatte, ag dabmak amu dim lamidna gona, Isip daanna oiglag amu, ag ohnab qep elabppa, enugppa, oɗe nau danab kuɗum aqe mauhtteb eleppa ele mauhkkulag. Da heppi, uug naunab ahilagppa beeb, ag oolagppanu laippu laa nug uug amu eɗitta, ena iinab daakku. Laippu laa nug uug amu iinab qe-eɗitta bau daakku. Iitta! Ag ohnab ag uug naunab da heppi bekku amu, ag uug amu anidnana, mauhkkulag,’ awa atte.

Aisaia 10:20

Amu haen amuppa am inam bekku. Israel danab ah ag oɗo yaak danab ah ⌊daaglag⌋. Ge, Jakop buɗub laippu laippu qagaiettakppa ii mauhadppig amu, ⌊ag daaglag⌋. Ag daanna, ag wanppanu okkai laa nug eheɗ hattom ele, ag nuhignu ehanittak aoglagnu ii dabmemana. Iitta. Haen amuppa Israel ag Yawe, Israel dilag Kayak Oppiaawak Ele, Nug ag ehanadkkunu ag genabnab Nug onigppa enana, ameg mekkulag.

Aisaia 4:2

Aria haen amuppa amu, Yawenu wan, am Israel amu, wan amuam aben anttaknu enanag, onig binag oppiaawak ele daakku. Am geha wanppanu ee meulkad ena huan obeppeg, Israel danab ah qagaiettaknu ii mauhppig daatteb, ag amu oh anidna, diig amunu ag oolag gamag huan ahebeb, danab ah laa ag binalag mekkulag.

Hibru 2:3

Aria gemu amu Kayak Nug ig eɗua awigkkunu ib babaittom, uɗat naɗi nuhig aakku daatte amunu, ig Kayaknu uɗat amu dimettagnig dayeb, ig eheɗ hak ihinignu nob naunu dekkaɗta oolta gokkunignu elelete? Iitta! Ig elele iittanab. Naɗi Jesus Nug nukka, eɗua awikkak amunu amu Nug tatam a, danab ag Nug oɗeppa aawo dooppig ele ag ig amenigppa nai amunu am genabnab ippunigppig.

Rom 2:3

amunu na, na am danabib, na laipad laa kobol anamnu epeɗiadttem ele, amge na ele kobol nau anamib ele hettem amu, na attem doottem? Na nakka Kayaknu hettoɗiak eɗidna oolna gokkutnu elelete? Iitta.

Matyu 23:33

Ag danab nau, mat nau bia! Kayak Nug ag hettoɗiakppa maatteb, ag padal mekkulag. Ag attem hena amu ii anidmana?

Jeremaia 42:22

Anam amunu, ag gemu nai imu doon autna aon, dabmakppa aɗeg! Ag Isip gona daan oinna, appa ag qep elabppa, enugppa, oɗe nau danab kuɗum aqe mauhtteb eleppa ele mauhkkulag.” Jeremaia nug Juda danab ah amu amelagppa anam aum.

Jeremaia 22:10

Ag King Josaia mauhom amu, ag nuhignu aib gaappig, aib mahippig. Ag amu ii hemana, amge ag Jehoahasnu, kekeɗ ag uɗin aon ukkaeg, nug wan laappa diia ukka laih me dayak danab daatte, ag nuhignu huan gayeg! Aɗinu? Nug eɗua iinab uɗima. Nug baula nuhig wan ii anidma.

Esekiel 6:8

Yawe Nug anam ana, Nug nai tuɗitta aum. “Da heppi, kekeɗ ag anam hekkulag, amge da ele heppi, ag Israel, ag oolagppa laa, ag oɗo yaak danab ah daaglag. Haen amuppa kekeɗ ag heppeg, danab ah amu ag wanppan wan laalappa tamtam gona daaglag, amge ag qep elabppa ii mauhmana.

Jeremaia 44:26

Amu Yawe atte. “Ag amu hetteb amunu, ag Juda oh, ag Isip uɗin daatteb ele, ag Yawenu nai imu doyeg! Nug atte. ‘Da onil okkai ele awen, amuppa da dahil nai ɠagattag qetten, da attem. “Ag oolagppanu laa nug baula da onil awa, nuhig nai laa ɠagattag qedakkunu ha, ‘Naɗi Yawe bau daatte, genab amubia,’ ana, amuppa nai nuhig ɠagattag ii qettama,” ’ ” awa atte.

Esekiel 20:38

Da amu heinne, da ag oolagppa aun aɗi ag dahil nai tappaeg nette amu, da ag anatten heppi, laa amu ag eɗun, ahilag wan, am Israel wan, ag appa ii gomana. Da wan laalappanu omaladppi, wan oh dilag atu taɗakppa daaglag, amge ag gona, ahilag wanppa ii daamna. Da amu heppi, ag oh dooglag, da am Yawe,” awa atte.