Jeremaia 43:7 - Nobonob Baibel

⁷ Ag anam diin goppig amunu, ag Yawe oɗe ii dim lamidnana, ag Isip gona, ag Isip ooppa nona gona, Tapanes batak teppig.

Jeremaia 43:7 Referans Kwoze

Jeremaia 44:1

Yawe Nug Jeremaia, Juda danab ah Isip daappig dilag nai laa imu ele mette doyom. Juda danab ah amu laa ag Isip ooppa aben laa yawalti uɗitteppanu daatte, ag aben amuppa aab onilag Mikdol, Tapanes, amu Mempis ele amuppa daaegeg, laa ag Isip ooppa aben laa yau uɗitteppanu daatte, ag aben amuppa daappig. Nai Jeremaia nug ahilagnu doyom am inam.

Jeremaia 2:16

Ele amu, danab aab okkai Mempisnu, Tapanesnu ele, ag heeg, ag Israel ag gemu binag amahlak oppiaawak ele nakok laa iitta ele daatteb.

Jeremaia 46:14

“Jeremaia na nai imu Isip wanppa appa mehuqppe doyeg! Appa na Mikdol, Mempis, Tapanes ele Isip danab ah ag dooglagnu appe doyeg! ‘O Isip danab ah ban wan atu ag talilidna daatteb ele amuppa daatte. Appan danab ah qep elabppa mauhtteb amunu, ag Isip dilag daup ag ahan, ag ban hekkulagnu, abenppa gona daan, ag babaitteg!

Aisaia 30:4

Amu Juda dilag nai awa ukkak danab ag ⌊Isipnu ehanittak aoglagnu gona,⌋ Isip dilag aab okkai aɗit onilah Soan amu Hanes ele, ag appa tena daatteb. Ag appa daatteb, amge Isip danab ag ib laippuppa Juda nakok laa ehanadkkulagnu elele iitta amunu, Juda danab ah ag Isipnu ehanittak genabnab genab iinab aomna. Iitta. Ag uɗa nak nau guittak ele aoglag. Isip ag ehanittak Juda ii mattamna. Iitta. Ag uɗa nak mattaglag.” Yawe Nug anam atte.

Esekiel 30:18

Isip danab ah, ag dada kobol henan oitteb, amge deɗ amuppa da heppi, aab Tapanesppa gatatu neeb, Isipnu ɠagattag am iitta mekku. Da heppi, bud Isip wan tonebeb, kekeɗ ag heppeg, danab ah aab naunauppanu ag wan laalappa diia ukka laih me dayak danab ah daaglagnu gokkulag.

2 Stori 25:16

Propet nug anam mattieye, nai nuhignu mattiom am gog ii teum, amge King Amasaia nug aha, nuhignu nai am okkula, nug amegppa aum. “Da am king, amu ig na da ulum meɗak danab daakkutnu tituanidmutte? Uue! Na ii uukkut dayeb amu, da appi, na mauhkkut,” awa aum. Amasaia nug anam a, propet nug mattiak uuom, amge nug tatam nai tutu laa mattia, inam aum. “Na tatam eheɗ heme, gemu na dahil ulum mettak nai dookkutnu uume amunu, da doottem, Kayak Nug nuhig dabmak na nitteb mauhkkutnu ɠagattag eppom daatte,” awa aum.

Aisaia 30:2

Ag da oɗ ii meɗanna, ag Isip gona, ehanittak ahilagppanu aoglagnu hetteb. Isip ag ehanadppeppeg ena daaglagnu dabmetteb. Ao, danab nug aam ɠagattag nette haenppa ad logoppa ena daatte, amubia ag Isip ahilag padal mak eɗitteb ena dayaknu ehanittak dayebeb, ena daaglagnu dabmetteb. ⌊Ag nau amu oh hetteb amunu, ahilagnu gadonnab gadon.⌋

Jeremaia 44:24

Jeremaia nug anam awowa, nug tuɗitta, danab oh ah oh ele amelagppa aum. “Ag Juda danab ah Isip ippa uɗin daatteb ele, ag Yawenu nai imu doyeg!

2 King 25:26

Ag amu heeg dimppa amu, ban daup ikki ag, danab ah oh ele, laa ag am danab okkai, laa ag danab okkai iitta, ag oh geha Babilon ahilagnu aɗi hekkulag dabmena baɗappig amunu, ag ahan, Juda wan uun, Isip goppig.

Jeremaia 41:17

Ag eɗun diin, ag gona, ag Isip gokkulagnu Gerut Kimham tena, nakok daappig. Gerut Kimham am Betlehem guguittak dayom.

Jeremaia 42:21

Ag anam aeg, da hei, Yawe Nug ag aɗi hekkulagnu aum, da amu oh ag amelagppa ami, amge ⌊da iikku anidttem⌋ ag Yawe, ahilag Kayak, Nug ag aɗi hekkulagnu ab, da appi, ag dooglagnu da amelppa aum amu, ag amu dim lamidkkulagnu uuppig. Ag ii hemana.