Jeremaia 41:3 - Nobonob Baibel

³ Ismael nug Gedalaia qe mauhe, nug Juda laa oh Gedalaia ele Mispa appa daappig, Babilon dilag daup Gedalaia ele daappig ele oh aqe mauhppig.

Jeremaia 41:3 Referans Kwoze

Gayak Nai 1:2

Uug naunab ah beɗuppa be, nug tuqan eheɗ gayeye, ameg leb na, hippegppa daatte, kobol amubia Juda danab ah dilagppa beum daatte. Ah laa, danab kuɗum ag anen anen nug amegppa, “Da nahipnu ool mauhtte,” atteb, amge uug naunab nuhigppa bette haenppa, danab amu laa nug ehanitteb, oo mekkunu laa ii uɗitte amu, Juda dilagppa anam beum daatte. Ge, ah laa nug laikkud kuɗum ele, amge layag laa nug ah amu ele nug kekeɗ daaeh, ah amu laikkud laa ag eɗun, laa ah amu kekeɗ mettom ɠagattag qettan, ah ele kekeɗ hetteb amu, Juda dilagppa anam beum daatte.

Eklisiastis 9:18

Doyak dabmak ena ele am ban haknu keeke digdig eɗidtte; amge hipunin danab laippu nug he, ena hak kuɗum nauhtte.

2 King 25:25

Gedalaia nug anam dayom, amge maɗ amuppa kalam eblaih aɗitppa Netania bekka Ismael, nug Elisama alag, nug am king tiigppan laa, amu nug danab eblaih laih ele Mispa goppig. Ag gona tena, ag Gedalaia qeeg mauhe, Juda danab, Babilon danab ele ⌊nug ehanidkkulagnu⌋ nug ele Mispa appa daappig amu, ag ag ele aqaeg mauhppig.

Jeremaia 41:2

Netania bekka Ismael nug danab eblaih laih ele, nug ag ele oh ahan, Ahikam bekka Gedalaia, nug am Sapan alag, ag nug qep elabppa qeeg mauhom. Ge, ag laa Babilon dilag king nug Juda wannu gawana daakkunu tituanom amu, ag nug qeeg mauhom.

Jeremaia 41:4

Ismael nug Gedalaia qe mauhe, deɗ amu uue wagɗe, laa nug heumnu ii doyom amu,