Jeremaia 40:8 - Nobonob Baibel

⁸ ag Gedalaia gumidna, Mispa goppig. Ag goppig ele am, Netania bekka Ismael, Karea bekoɗ Johanan amu Jonatan ele, Tanhumet bekka Seraia, Netopa danab Epai bekkod, amu Maka danab laa, nug bekka Jasania ele. Ag am ahilkad daup ele oh goppig.

Jeremaia 40:8 Referans Kwoze

Jeremaia 42:1

Ag appa tena, Karea bekka Johanan, Hosaia bekka Jesania, daup dilag okkai laa oh, amu danab ah ele, danab laa ag onilag ele, laa ag am onilag iitta, amu oh ele ag Jeremaia toppa goppig.

Duteronomi 3:14

Jair, nug Manase buɗub, nug wagai ma, Argob wan atu oh Basan appanu awe ukka, Gesur danab, Maka danab ele tomppa waum. Jair nug wan amu onig, am nug nukka nug onig awa, wan amunu Jairnu aab aum. Danab ag wan amunu gemu ⌊nai imu yaak haenppa⌋ ele Jairnu Aab atteb.

Jeremaia 43:2

Nug ag amelagppa aum, amge Hosaia bekka Asaria, Karea bekka Johanan, amu beɗuppa tak danab laa oh ele ag akka ag ahilag dabmak dim lamidkkulagnu wagai meppig amu, ag ahan, Jeremaia amegppa appig. “Na hambubuttem. Yawe, ihinig Kayak, Nug na ig amenigppa, ‘Ag Isip aib gona daan oippig,’ na ig amenigppa akkutnu meitte ihinigppa ii uɗime.

Jeremaia 42:8

Jeremaia nug Yawenu nai amu doyom amunu, nug Karea bekka Johanan, daup dilag okkai laa nug ele daappig, am danab ah, laa ag onilag ele, laa am onilag iitta amu, nug ag oh onilagppa e doppig.

Jeremaia 40:6

Nebusaradan nug anam aum amunu, Jeremaia nug Ahikam bekka Gedalaia, Mispa dayom, nug nug gumitta ukkom. Nug ukke, nug danab ah Babilon dilag daup ag ag diia ukka laih me dayak danab ah Babilon wanppa daaglagnu ii diippig, Juda wanppa daappig, nug ag ele oh Gedalaia ele daappig.

Nehemaia 7:26

Betlehem, Netopa elenu uɗippig, ahilag ebqak am 188.

Esra 2:22

Netopanu uɗippig, ahilag ebqak am 56.

2 Samuel 10:8

Ag gona teeg, Amon dilag daup ag ahan, ahilag aab okkainu aɗ odppa ban hekkulagnu bappaidna daappig. Aram dilag daup, Sobanu, Rehobnu ele uɗippig, amu Maka dilag daup ele, amu Tobnu uɗippig ele, ag oh aab dimittim dad okkaippa ban hekkulagnu bappaidna akka daappig.

2 Samuel 10:6

Aria, Amon danab ag amu heeg ukke, ag Dawitnu neekkakppa eheɗ nau heppig dooppig. Dawit nug ahilagnu, danab nug uɗig nau noobppa dootte, nug ahilagnu anam doyom dooppig. Ag anam doyona, ag nai meeg ukke, daup laala ag uɗin ehanadkkulagnu daden maadppig. Daup uɗippig am inam. Aramnu am 20,000. Ag am aab onig Betrehop am Sobanu ele uɗippig. Aab onig Makanu amu daup 1,000, ahilag king ele, aria Tobnu am daup 12,000.

Josua 12:5

Nuhig wan tom yawalti uɗitteppanu amu, amuam qauko onig Hermon appa digma ukke, Saleka batak dayom. Nug wan onig Basan ele gumom, amge wan onig Basan am oh ii gumom. Iitta. Gesur danab, Maka danab ele ag wan amu laih gumappig amunu, Ognu wan am ukka, tom amuppa batom. Og amu oh gumama, nug Gileatnu wan maha ele gumom. Laih nug gumom ele am ukka, Hesbon dilag king Sihon, nug laih gumom, laih amunu tomppa batom.

Jeremaia 43:5

Ag Yawe oɗe ii dim lamidppig. Iitta. Karea bekka Johanan, amu ban daup ikki laa oh ele ag Juda danab ah oɗo yaak daan, matatun wan laalappa gona daan, eɗun Juda wanppa daaglagnu uɗippig amu, ag amu diieg, Isip gokkulagnu goppig.

Jeremaia 40:11

Aria, haen Juda laa ag ⌊ban neene, ag ahan ban haenppa oola ukkak danab ah wan laalappa daaglagnu goppig,⌋ amuam ag Moap, Amon, Edom, amu wan laala ohppa goppig amu, ag appa daanna, ag Babilon dilag king nug Juda danab ah ohnab ii diia ukkom, laa oɗo yaak uuatte daappig doon, ag nug Ahikam bekka Gedalaia, nug Sapan alag amu, nug ahilag okkai daakkunu otiom ele doon,

Jeremaia 38:26

na, ‘Da king nug heeb, da Jonatan laugppa eɗue ukken, appa mauhpan nug oo doyakppa unuqitten daami,’ appe doyeg!” awa aum

Jeremaia 37:20

Amge, o dahil naɗi, na king, gadon, na dahil nai dookkutnu oɗ medattem. Na uuiɗppe, na dahilnu keeke laa hekkutnu oɗ medakkulnu ool daatte. Na heppe, da nai yaak danab Jonatan laugppa eɗue ii gopanu oɗ medattem. Da eɗuen, appa gokkul dayeb amu, da mauhkul,” awa aum.

Jeremaia 37:15

Nug eppelagppa me, ⌊ag nug Jeremaianu nai aum am doon,⌋ ag oolag nauhe, ag heeg, laa ag Jeremaia ad mahappa makkuɗeg, ag Jeremaia aon gona, nai yaak danab Jonatan laugppa meppig. Aɗinu? Okkai danab ag matu heeg, lag amuam maniguittak lag dayom.

Esra 2:2

Danab ah ag ahan, Juda wanppa goppig amu, ahilkad danab okkai am Serubabel, Jesua, Nehemaia, Seraia, Relaia, Mordekai, Bilsan, Mispar, Bigwai, Rehum amu Bana ele. Aria, Israel danab ag Babilonnu eɗun uɗippignu ebqaknu lista, ⌊ag mamelkad aɗi⌋ onilkad ele am iikku.

1 Stori 11:30

Netopa danab aɗit onilah Maharai, Bana bekka Heled ele;

1 Stori 2:54

Salma, nug Betlehem mameg amu, nug buɗub am Netopa danab, Atrot Betjoap danab, Manahat danab oppatak laihib, Sora danab,

1 Stori 2:48

Kalep wau amge waunab iitta Makah, nug Kalep ele aa bekkalti, am Seber, Tirhana,

2 King 25:25

Gedalaia nug anam dayom, amge maɗ amuppa kalam eblaih aɗitppa Netania bekka Ismael, nug Elisama alag, nug am king tiigppan laa, amu nug danab eblaih laih ele Mispa goppig. Ag gona tena, ag Gedalaia qeeg mauhe, Juda danab, Babilon danab ele ⌊nug ehanidkkulagnu⌋ nug ele Mispa appa daappig amu, ag ag ele aqaeg mauhppig.

2 King 25:23

Amu Juda dilag daup okkai laa, ag ahilkad daup ele ag ⌊Babilon dilag daup ag Babilonnu uɗin, Juda dilag aabaab eɗadna diippig, haen amuppa ag aabppa ii daappig, ag aab dimittim atu laih laihppa daappig. Ag anam daanna,⌋ ag Babilon dilag king nug Ahikam bekka Gedalaia, nug Juda wannu gawana daakkunu tituanom doyona, ag Gedalaia gumidna, Mispa goppig. Ag goppig ele am, Netania bekka Ismael, Karea bekka Johanan, Tanhumet bekka Seraia, nug Netopa danab, aria Maka danab laa, nug bekka Jasania ele. Ag am ahilkad daup ele oh goppig.

2 Samuel 23:34

Maka ted onig Elipelet, nug Ahasbai bekka; Gilo ted onig Eliam, nug Ahitopel bekka;

Jeremaia 40:13

Aria, deɗ laa Karea bekka Johanan, amu daup dilag okkai laa ele, ag tatam aab dimittim daaegeg Babilon dilag daup ag ahan ukkaeg, ag ahan, Mispa appa Gedalaia gumidna goppig.

Jeremaia 40:14

Ag gona, ag Gedalaia amegppa appig. “Gedalaia, Amon dilag king Balis nug Netania bekka Ismael na nitteb mauhkkutnu me uɗiom amu, na amu iite doottem,” aon appig. Ag anam appig, amge Ahikam bekka Gedalaia nug ahilag nai am doya, ooppa genab ii doyom.

Jeremaia 40:15

Nug ooppa genab ii doye, haen laa Karea bekka Johanan nug nukka, laa ii doyegeg, nug Gedalaia gumitta, Mispa ukkom. Nug ukka, Gedalaia amegppa aum “Na uuiɗppe, da ukken, da Netania bekka Ismael lokkumakppa qeppi mauhkku. Da amu heppi, laa nug ii dooma. Nug na nitteb mauhppe, Juda danab ah ag na waatppa daan oitteb ele ag ahan gona, matatun laih laih daaglag. Anam bekku dayeb, Juda laippu laippu oɗo yaak bau daanna, gemu ippa ina daatteb ele, ag oh mauhkkulag. Am aɗinu kobol nau amu bekku?” awa nug amegppa aum.

Jeremaia 41:1

Aria, Gedalaia nug anam a daaeg te, maɗ amuppaib kalam eblaih aɗitppa Netania bekka Ismael, nug Elisama alag, nug king tiigppan laa, nug Juda dilag kingnu daup dilag okkai laa aakku, nug danab eblaih tanig ele diie, ag oh Ahikam bekka Gedalaia gumidna Mispa goppig. Ag gona teeg, ag Gedalaia ele ee lanana,

Jeremaia 41:2

Netania bekka Ismael nug danab eblaih laih ele, nug ag ele oh ahan, Ahikam bekka Gedalaia, nug am Sapan alag, ag nug qep elabppa qeeg mauhom. Ge, ag laa Babilon dilag king nug Juda wannu gawana daakkunu tituanom amu, ag nug qeeg mauhom.

Jeremaia 41:11

Ag ukkaegeg, Karea bekka Johanan, daup dilag okkai laa oh nug ele daappig ele ag kobol eheɗ nau oh Netania bekka Ismael heumnu doon,