Jeremaia 4:4 - Nobonob Baibel

⁴ Ge, ag Juda danab ah, Jerusalem danab ah ele, ag ahilag hak nau ohnab uuna, tutukku oiyeg! Ag gaɗa dimittimppaib aib anam heppig. Iitta. Ag genabnab genab oolag unuqag, amuppa anam heig! Ag amu ii hekkulag dayeb, ag ahilag hak nau, diig amunu dahil oppoɗi bak ba, aab huan ewewe, laa heeb qauhkkunu elele iitta, am amubia daakku,” awa atte.

Jeremaia 4:4 Referans Kwoze

Duteronomi 10:16

Amunu ag Yawe dim lamidkkulagnunab dabmak aona henana, ag aib oɗe ii dim lamidmananu dabmak ahilag ɠagattag eppak dayom.

Kolosi 2:11

Ag Nug ele ouqeppig, amuppa amu ag gaɗa otaɗak kobolnab ag aakku aoppig. Keeke amuam gaɗanignu keeke iitta. Iitta. Ag Kristusnu ehanittakppa ag oolag alag, amuam beɗunu kobol, ag amu geɗidppig. Kristusnu kobol amuam gaɗa otaɗak kobol meunab daatte.

Duteronomi 30:6

Ag Yawe, ahilag Kayak, Nug ag meulag ohppa, oolag ohppa ele nuhignu oo mauhak doona, ag bau daaglagnu, Yawe Nug heeb, ag, ag buɗulkad ele ag oolag oppiaawak ele daaglag.

Jeremaia 21:12

Ge, ag Dawit buɗub, Yawe Nug ahilagnu inam atte. “Ag buttua haen oh ahan, nai doya mala hettoɗia epeɗia elele mettak kobol dim lamidnana, aun aɗi ag gai-iitta daan, danab ɠagattag eppelagppa daaeg, ag eheɗ hattana, ahilag keeke yab aotteb amu, ag danab amu, danab nau amu eppelagppanu eɗun diieg! Ag amu ii hekkulag dayeb, ag eheɗ hekkulag, diig amunu dahil oppoɗi bak, aab ewak, danab qauhkkunu elele iitta bia daakku,” ’ awa atte.

Amos 5:6

Ag Israel danab ah, ag eɗun, Yawe mattina, dim lamidkkulagnu mattieg! Iitta amu, aab aɗu paha keeke ewe iitta mette, amubia Yawe Nug paha bu matteb, ag padal mekkulag. Nug anam hekku dayeb amu, kayak hambuppuak ahilkad Betel appa ag padal mak amu, aab aɗu huana diditte bia amu, kayak hambuppuak amu ag ehanadkkulagnu elele iitta.

Sepanaia 2:2

Ag deɗ laa, deɗ amuppa Yawe Nug danab ah bu madakku amu, ag gemu deɗ amu ii nak, ag haen imu qagmena ⌊oolag eɗueg⌋! Deɗ amuam pahanab uɗitte; ulah ee aeg dappunkkeg iwale, pahanab laih gotte bia uɗitte. Deɗ amuppa Yawe Nug danab ah bu madakku amunu, deɗ amu ii nak, haen imuppa ag qagmena, ⌊oolag eɗueg⌋! Ao, ⌊ag oolag ii eɗueb,⌋ Yawe Nug ag bu eheɗ nau madakku amunu, Nug amu hekkunu haen ii nak, haen imuppa amu, ag qagmena, ⌊oolag eɗueg⌋!

Esekiel 20:33

Amu Yawe Nug nai imu ele atte. “O Israel danab ah, ag kayak hambuppuak amu noolagppa dup nona binalag mekkulagnu oolag daatte, amge ag ii hemana. Da Naɗi Yawe, da genab bau daattem, genab amubia da dahil ɠagattagppa, da ebehilppa, dahil oppoɗi bak okkaippa, da ag gumatten toliadkkul.

Esekiel 24:13

Jerusalem danab ah, ag kobol nau heppig; ag gappai heeb baknu kobol dim lamidppig. Anam amu, da heppi, ag oppiaawak daaglagnu hemi, amge ag uun, dubuttid ele daaglagnu heppig. Anam amunu, ag bu awak iitta eleppa oppiaawak baula ii daamna. Iitta. Da ahilagnu oppoɗi bak doottem, amu da bu eheɗ madappi ukkeb, gogppa teeb, dahil oppoɗi bak oug meeb, ag oppiaawak daaglag.

Gayak Nai 4:11

Yawe Nug Juda hipunin heppignu Nug oppoɗi be, bu okkai elelenab mattom. Ao, Yawe Nug diig amunu oo nauhak huanaknab doya, Nug bu eheɗ ag mattom. Nug he, Sion nauhom; aab huan ewewe, lag, lag ukku menppa hak ele nauhtte, amubia.

Esekiel 24:8

Da nau hak ahilagnu oppoɗi bak dookkulnu, da nob madakkulnu, da hei, tiilag amu tonak ii daamanu, miagib menppa daakkunu noum,” awa atte.

Esekiel 16:38

Ah nug ewau pakkua gappai hak kobol hette amu, nug ɗo daatte bia bu aokkunu daatte; amu da ɗo atte bia nahip-ppa haknu akkul. Ao, ah nug laa qe mauhtte, nug ɗo daatte bia bu aokkun daatte; amu da ɗo atte bia nahip-ppa haknu akkul. Ɗo nug laa nug laa qe mauhtte, nug ele mauhkkun atte amunu, da nahip hak amunu da oppoɗil beeb dayeye, na eheɗ hemenu nob tutukku metten, da na mauhkkutnu akkul. Ao, ɗo nug ah nug ewau pakkua gappai hak kobol hette, nug mauhkkun atte amunu, da nahip hak amunu oo nauhak laa, oo nauhak amuam dahil dooi laa aomanuppa bette, oo nauhak amu beeb doyeye, da na mauhkkutnu akkul.

Esekiel 8:18

Ag amu hetteb amunu, da oo nauhak doyeye, da nob madakkul. Da ag anatte, oo doyak ii doopa! Ge, da ag anatte, bu madakkulnu ii uupa! Israel ag da daulppanab da ehanadkkulnu ekkulagtai, amge da ii doopa; ii ehanadpa,” awa aum.

Esekiel 6:12

Laa ag uma daatteb amu, ag oɗe nau danab kuɗum aqe mauhtteb eleppa mauhkkulag, laa ag miag daatteb amu, ag qep elabppa mauhkkulag. Laa nug keeke aɗit amuppa ii mauhkku amu, nug enugppa mauhkku. Da ib ewam amuppa heppi, dahil oppoɗi bak am oug mekku.

Jeremaia 36:7

Yawe Nug danab ah imu dilag haknu oo nauhe, oppoɗi beum daatte; ag bu okkainab aoglagnu daatteb atte amunu, na ebqeppe, ag doon, ag anen anen ag Yawe unuqidnana, ag nau hak ahilag uuglagtai,” awa aum.

Jeremaia 23:19

Danab nau hetteb ele amu, Yawe Nug amunu oppoɗi bak doyaya, Nug ulah huanak paha paha uɗitte bia ag bu madakku. Nuhig bu mettak am kilibob itoɗiaya nette, amubia nau hak danab qaɗelagppa daakku.

Jeremaia 21:5

⌊Juda, ag hipunin tuɗid ele henan daatteb amunu,⌋ da oo nauhak, oppoɗi bak huanak ele doyeye, da dakka, da ɠagattag dahil okkaippanab bu huanak madakkul.

Aisaia 51:17

Juda danab ah, ag ahan dayeg! Ag aheg! Ag eheɗ heeg, Yawe oppoɗi be, bu mattom. Amu ahilag bu Nug eppegppanu amu, bu amuam wain nau kap-ppa daatte, amubia daye, ag wain amu aakku lana malappig. Ao, wain nau amu, wain amuam danab he nauhtte ele amu, ag amu ohnab lana malappig.

Lewitikas 26:28

da ool nauheb, ahilag kekeɗ daakkul. Da geha ahilag hipuninnu bu huanaknab madakkul. Da bu mettak amibia amu eblaih aɗit laippu ikki aɗak, anam bia bu madakkul.

Esekiel 21:17

Da Yawe, ⌊da Israel danab ah ag hipunin heegeg uɗie, gemu ele hetteb, da amunu⌋ danab nug dabmak huanak awa, uug nau ele doya hette bia da eppel laihppa, am eppel laih oppi, ⌊ag bu elele aoppeg,⌋ dahil oppoɗi bak am aakku iitta mekku. Da Yawe, da aakku ain malami,” awa aum.

Esekiel 18:31

Ag eheɗ hak heppig amu, ag tuɗidna aib heppig. Ag dabmak bau aona, oolag bau ele aon dayeg! Israel danab ah, ag aɗinu mauhkulag hetteb?

Duteronomi 32:22

Aɗinu? Da oppoɗil bette, amu oppoɗi bak dahil amu aab aɗu bia keeke oh unuqagnu ewa, qaɗeppa tette, amubia bette. Ao, am wan etetuab ewadkku, qauko diig unuqag ukku ele ewadkku.

Rom 2:25

Genab, ag ɗo tutukku dim lamidtteb dayeb amu, gaɗa otaɗak kobol am keeke ena, amge ag ɗo tippaltteb ele dayeb amu, gaɗa otaɗak am keeke hamu, ag danab gaɗa ii otaɗppig bia aakku daatteb.

Aisaia 10:17

Yawe, Israel dilag amahlak, Nug aab ewak bia daakku. Ao, Israel dilag Kayak Oppiaawak Ele, Nug aab aɗu bia daakku. Nug anam dayaya, aab uud keeke qaun ele qaɗaiettaknab oh ewe iitta mette, amubia deɗ laippuppa Nug heeb, Asiria dilag daup ag padal mekkulag.

Aisaia 30:33

Amu bekkunu diig am, danab mauhe, ag gaɗa aab aɗuppa heeg ewa iitta mette, amubia Yawe Nug anukkanab he, Asiria dilag king, ⌊Asiria ele⌋ iitta mena autnanab aoglagnu babaittom daatte. Ao, Yawe Nug matu ⌊Asiria,⌋ ahilag king ele aab ewakppa iitta mekkulagnu babaittom daatte. Amuam laa ag danab gaɗa maiglagnu aben okkai, uma noa ukkak bapaidna, aab huanak akkaeg te, aben akka eɗitta te, gaɗa amu qaɗeppa meeg dayeye, kalu laa huana eotte onig salpa le nag gotte bia uɗia aab amote, aab gakkaɗaknab ewawa, gaɗa ewe iitta mette, amubia Yawe Nug heeb, Asiria dilag king, ⌊Asiria ele ag⌋ iitta mekkulag.

Jeremaia 9:25

Amu Yawe Nug atte. “Isip danab, Juda danab, Edom danab, Amon danab, Moap danab, amu laa ag atu taɗak uma daatte, ag appa daatteb, ag oh gaɗa otaɗak dim lamidtteb. Ag kobol amu ag beɗulagppa hetteb, amge ag gaɗalagppaib anam da dim lamiɗtteb. Ag oolagppa ele da ii dim lamiɗtteb. Israel danab ah oh ele anamib; ag da oolagppanab ele ii dim lamiɗtteb. Anam amunu qinob, haen adekkuppa, da danab ah oh ag gaɗalagppaib da dim lamiɗtteb, ag da oolagppanab ele da ii dim lamiɗtteb amu, da ag bu madakkul.” Yawe Nug anam awa atte.

Jeremaia 44:22

Yawe Nug amu antta, amunu dabma, Nug ag ahilag nau hak digdig, ahilag hak nug amunu ooppa uuaknab dootte ele, Nug ag uuatteb, ag hak amu tuɗidna hekkulagnu elele ii doya, Nug he, danab ah laa ag wan amuam eheɗ laa awaknu anak waappa daakkunu anan oiyegeg, wan amuam hele-ettak, wan meu waknu nakokib elele, am anam dayom, amu danab ah appa ii daappig. Gemu ele anamib daatte.

Esekiel 44:7

Ag kobol eheɗ kuɗum, da kobol amunu uuaknab doottem, ag amu henana, ag wan laihnu danab, ag oolag babaittak iitta, beɗulag gaɗa otaɗak iitta ele, ag danab amu omaladna, mettid lag dahilppa goppig. Ag omaladna wana, haen amuppa ag ele doɗ main, da meɗappig amunu, kobol amuppa ag heeg, da laul dubuttid tak ele dayom. Ag amu henan, ag dahil nug tituana nai qakkak ig hemut ele amu, ag nai amu tippalppig.

2 Stori 34:25

Aɗinu? Juda danab ah, Israel danab ah ele ag oh da dimeɗan uuiɗegeg uɗie, gemu ele hetteb. Ag kalu danab ile muttuɗig enanag bette manan, kayak hambuppuak madappig. Ag eppelagppa kayak hambuppuak dottolkad hadappig, amunu, diig amunu, da oppoɗi beum, gemu ele daatte. Da anam doyeye, oppoɗil bak dahil am wan imunu danab ah dilagnu dayeb ukkeb, ⌊hamu⌋ ii iitta mema. ⌊Iitta. Nob mettak malak aakkuib am iitta mekku,⌋’ awa atte.

Jeremaia 15:14

Ag hipunin hetteb amunu, da ool nauhtte, oo nauhak dahil amuam aab huana ewewe, danab qauhkkunu elele iitta, amubia daatte amunu, da heppi, kekeɗ ag uɗin, diiadna gona heppeg, ag wan laappa, ag wan amu ii dootteb ele, ag wan amuppa ahilkad begbeg maɗi nid daaglag,” awa aum.