Jeremaia 4:31 - Nobonob Baibel

³¹ ⌊O gadon tuleglegppa da⌋ gayak doottem. Da ah nug nid tatamnu aokkunu haaha, ewawa aiqagatte, da gayak amubia doottem. Da gayak doottem am, ag Juda danab ah, ahilag. Ah laa nug laa ehanidkkunu eppeg bahia, “O gadonnab gadon, da mauhkkulnu hettem. Da danab nau eppelagppa daaiyi, ag heppeg mauhkkulnu hettem,” atte amu, ag Juda danab ah ag amubia daatteb doomi.

Jeremaia 4:31 Referans Kwoze

Gayak Nai 1:17

Juda danab ah ag am ah laa nug guittak okkai doyaya, laa ehanitteb, oo mekkunu eppeg bahitte bia daatteb, amge laa nug uɗia ii ehanidtte bia daatteb. Yawe Nug wan laala Juda guguittak daatteb, ag eɗun, Juda dilag kekeɗ daaglagnu ɗo nai mattia aum. Ao, Juda danab ah ag danab ah laa oh oolagppa ag keeke dubuttid ele bia daatteb.

Aisaia 1:15

Amunu, ag geha ag eppelag attan human, da unuqilkkulag amu, da ag ii doyadpa, da ag ii anadpa. Ag unuqittak kuɗum hekkulagtai, ⌊amge⌋ ag amu hekkulag dayeb, diig amunuib da dookkulnu daul ii humapa. ⌊Aɗinu?⌋ Ag eppelagppa danab tiilag ambak daatte.

Jeremaia 13:21

Laa yawalti uɗitteppanu uɗitteb amu, tatam ag Juda okkai, ag ag ele nug tituana nai qakkakppa daaglagnu wagai men heppig, amge Yawe heeb, amu dilag ag okkai ahilkad daappeg, ag ag waalagppa daaglag amunu, haen amuppa ag aɗi nai mattiglag? Iitta. Ag uug okkai, ah nid aokkunu guittak dootte, ag amubia dooglag.

1 Tesalonaika 5:3

Danab ah ag, “Haen ena aakku beum, ig maɗoɗ ena daagnig,” abeppeg, haen amuppanab keeke eheɗ, ag heeb nauhkkulagnu, ahilagppa bekku. Keeke eheɗ amuam ah nug nid aokkunu guittak paha bette, amubia beeb dooglag. Danab ah ag keeke eheɗ amu ii qe-eɗidmana.

1 Korint 9:16

Da Nai Ena mehuqttem ele amu, amuppa da dakka binal mekkulnu elele iitta. Aɗinu? Kayak Nug a, da hettem. Da ii mehuqlom amu, dahilnu gadonnab gadon.

Matyu 21:5

Nai amuam inam. “Ag danab ah Sion daatteb amelagppa appeg doyeg! ‘Antteg! King ahilag Nug ahilagppa aakku uɗitte. Nug nukka nug onig qe ne, ⌊Nug danab onig iitta bia,⌋ Nug donki laa attan dayaya, aakku uɗitte. Yo, Nug donki nag laa ⌊nakok okkai meum⌋ attan dayaya, aakku uɗitte’ ”

Maika 7:1

Da oolppa uug naunab, guittak bia, doottem! Aɗinu? Da am danab aam haenppan ad fig meu aotte bia daattem. Da ad fig meu tatam oɗutte laa awatte lalomnu ool okkai daatte, amge gemu meu amu laa ii daatte amunu, da ii lattem. Ao, da am uɗat nid grep meu laippu laippu uuppig daaegeg aotte bia daattem. Da grep meu aɗa auta awak laa awe lalomnu ool daatte, amge meu amu laa ii daatte amunu, da ii lattem.

Hosea 13:13

Israel danab ah ag am bau daaglagnu ib ele, amge ag ib amuppa ukkaknu ag doyak dabmak ena ele iitta; appa ii oitteb. Aɗinu? Ag am nid yuɗ laa menuaknu daatte, amge nid loabppan dokkunu uua daatte, ag amubia daatteb.

Gayak Nai 2:21

Nid bau, kaino ele ag oh laippu ibnu gappudppa nena qena, mauhadppig niitteb. Juda dilag nid bau, ah makkun ele qep elabppa mauhppig niitteb. O Yawe, na Juda dilag hipuninnu oot nauhe, amu babaittak deɗppa na he, kekeɗ ag aqaeg mauhadppig. Ao, na oo gai-iitta doya oo metta ehanittak kobol ii dabmena he, kekeɗ ag aqaeg mauhadppig.

Gayak Nai 1:20

O Yawe, ig Juda, ig oonigppa uug nau doottem anidkkutnu oɗ medattem. Ig oonigppa guittak nau doottem, ig oonigppa maɗoɗ nakok laa ii daatte. Aɗinu ig anam daattem? Ig nahip nai tappaut na auta awom. Lag dimittim appa ig qep elabppa mauhttem, lag ooppa ig mauhak anidtata oittem.

Jeremaia 50:43

Babilon dilag king nug daup amunu nai dookku amu, nug aɗi keeke hekkunu laa iitta, nug gai-iitta daakku. Nug ooppa guittak naɗi dookku; ah nid aokkun haaha, guittak dootte, guittak amubia nug ooppa dookku.

Jeremaia 49:24

Damaskus danab ah ag gai-iitta daaglag. Ag oolkkulagnu henana, baɗak naɗi okkai doon, ag guittak nau ele aoglag; guittak amuam ah nid aokkun haaha, guittak nau dootte, amubia.

Jeremaia 49:22

Antteg! Ai igel hagagaɗa oiyaya, doɗ aokkunu noa ukka, eɗua tette, amubia kekeɗ ag Bosra danab ah diiadppeg, ag eppelagppa daaglag. Amu beeb, deɗ amuppa Edom dilag daup ag ah nid aokkun hette bia daaglag.

Jeremaia 48:41

Kekeɗ ag uɗin, Keriot eɗadna, wan amuppan aab aɗ ɠagattagnab ele aoppeg, Keriot danab ah ag eppelagppa daaglag. Amu beeb, deɗ amuppa Moapnu daup ag ah nid aokkunu hette bia daaglag.

Jeremaia 45:2

“Baruk, Yawe, Israel dilag Kayak, Nug na amenppa inam atte.

Jeremaia 30:6

Oɗ mattan doye! Danab nug ah nid menutte bia nid menukkunu elelete? Iitta amunu, aɗinu da danab ɠagattag ohnab anen anen ag ah nid aokkun oo eppegppa lamuhitte bia, ag oolag lamuhieg anadttem? Aɗinu da danab ɠagattag iɗulag oh hakkab eppom anidttem.

Jeremaia 22:23

Lag ahilagppa ad sida Lebanonnu kuɗum daatte; ag amuppa enanag daatteb, amge gadon, uug amu ahilagppa beeb, ag aiqakkak nau, ah nid aokkunu hette, ag amubia hekkulag.” Yawe Nug da amelppa Juda danab ah dilagnu anam aum.

Jeremaia 18:21

amunu, na heppe, nid naunau ahilkad ag enugppa, o qep elabppa mauhppeg, danab amu ag laa eppelagppa guittak aon mauhppeppeg, ahilkad ah ag ah qab, nid iitta daappeg, ag bekkalkad nid bau, ag ele banppa mauhkkulagnu oɗ medattem.

Jeremaia 15:18

Da anam aakku daami amunu, da tuɗid eleib guittak doyeye oittem, da amunu diig amu, da ool ii maidtte. Ao, laa ag da ihil meɗaeg ii qaɗaiedatteb amu, da amunu diig ele, da ool ii maidtte. Le okkai laala ag qaɗaiettaeg, danab ah appa le ii aotteb. Ao, le qeppuɗia bak laala ag qaɗaiettaeg, danab ah ag le appanu ii aotteb. Am amubia na dahilnu hekkutte?” Da anam ami.

Jeremaia 14:18

Da aab okkai uuen, aab dimittim oiyeye amu, da laa ag qep elabppa mauhppig anadttem. Da aab okkai ooppa oiyeye amu, laa enugppa mauhppig, mauhkkulagnu oitteb ele anadttem. Aɗinu? Propet danab, mana mettak danab ele ag daanna, maɗi ahilag hetteb, amge ag diig doon ii hetteb. Iitta. Ag hamu hetteb,’ ” ⌊awe akkul.⌋

Jeremaia 10:19

⌊Amu Jerusalem danab ah ag oɗelag oohona, inam akkulag.⌋ O gadonnab gadon, da guittak aomi daattem. Da guittak aoi, ihil mettom ele amu, laa nug heeb, ihil amu qaɗaiedakkunu elele iitta. Anam, amge da dagakka, da amelppa ami. “Imuam dahil oɗe. Da maokkulnu daattem.

Jeremaia 6:2

Sion aab am aab, neekkak nuhig enanag, amge da heppi, kekeɗ ag heppeg nauhkku.

Aisaia 42:14

Yawe Nug ⌊nuhikkud danab ah Israel, Nug ahilagnu⌋ inam atte. “Haen elabnab da toetten dayeye, ⌊da ahilag kekeɗ ag ag aladppig ele, da ag ii hatti nauhppig⌋. Yo, da dakka oɗel qamute dayeye, ⌊da ahilag kekeɗ, ag ag hatteg nauhppig ele, da ag hadappi nauhkkulagnu ib amu, da oo nein,⌋ hamu daami. Amge gemu amu, da ah nug nid menukkunu wagai maama, ewawa, hik qe, hik huana awawa hette, amubia da uɗat okkai, guittak ele doyeye, ag ehanadkkul.

Aisaia 21:3

Yawe keeke amu ippuniɗaɗa, nuhig nai amu a doomi amunu, da beɗulppa guittak okkai doottem. Ao, da ah nid aoglagnu guittak dootteb bia guittak doottem. Da nai doomi am he, da nein qekkulnu hettem. Ao, keeke da anidmi am he, da dabmak huanaknab aottem.

Aisaia 13:8

Baɗak okkai, eheɗ naunab tonatteb, geha guittak okkai dooglag. Ag geha ah nid aokkunu guitte, beɗu itoɗia akkoniaya bia hekkulag. Ag akka akka nug iɗu neekkidna, iɗulagppa haen naunab aakku beum anidkkulag. Ag geha anam anidna ag geha nau, eheɗnab baɗaglag.

Aisaia 6:5

Amu oh be, da inam emi. “Dahilnu am gadonnab gadon! Da aakku nauhmi daattem! Aɗinu? Da am danab oppiak ele iitta, amu danab ah da ag oolagppa daattem ele, ag am danab ah oppiak ele iitta, amge da king, Nug Yawe Nukka Ɠagattag Oh Ele, da Nug anidmi,” awe emi.

Sam 120:5

Dahilnu am gadonnab gadon. Aɗinu? Da danab ah oolagppa daattem amu, ag am Mesek danab ah bia. Ao, danab ah imu, da ag ele daattem amu, ag am Kedar danab ah bia.

Job 10:1

Da bau daattemnu amu, da eheɗ nau doottem. Ao, da anam doottem amunu, dahil naittuɗ mak ii lokkumpa. Ge, da oolppa ninig bia doottem amunu, da amu dabmein madikkul.

Genesis 27:46

Rebeka nug Jakop amegppa awowa, nug ukka Aisak amegppa aum. “Da Hit ahnu ool bahi yaatte. Jakop nug ag oolagppanu ah laa aolo amu, da mauhlom am ena,” awa aum.

Aisaia 26:17

⌊Na noomppa ig eheɗ heut,⌋ na bu mekkame ⌊amunu,⌋ ig ah nid aokkunu guitte, beɗu itoɗia akkoniaya, gayaya hette bia na noomppa hetat daamut. O Yawe, ig guittak okkai nau aota, ig dabmak ihinigppa, “Keeke ena laa geha bekku,” doomut, amge iitta. Ig ehanitteb padal ii maknu uɗat laa wanppa heut ii beum. Ig kekeɗ tappaladpput noppeg, ig hepput, ihinig dayak ena bekkunu amu, ig ii heut beum.

Maika 4:9

⌊Israel danab ah⌋ aɗinu ag huan gaatteb? Ag king laa iitta amunute? ⌊Yo, diig amunu ag gaatteb.⌋ ⌊Israel danab ah⌋ aɗinu ag ah nid aokkun guittak dootte bia guittak dootteb? Ag ahilag ulum mettak danab ag oh mauhppig amunute ag anam dootteb? ⌊Yo, ag oh mauhppig.⌋

Maika 4:10

O Israel danab ah, kekeɗ ag heppeg, ag aab okkai ahilag uun, laih gona daaglagnu gonana, ag ib daugppa dad okkaippa haen tutu dayaknu aab nakok kalan daan, ahan gona, baula anamib henana gokkulag amunu, ag ah nid aokkun guittak nau doyaya, beɗu itoɗitte, ag amubia guittak doyeg! Kekeɗ ag heppeg, ag Babilon appa diia ukka laih me dayak danab ah daaglagnu gokkulag, amge Yawe Nug amunu qagaiettakppanu eɗua uhuqak ha madakku. Ao, Nug qagaiettakppanu ehanittak okkaippa uhuqatteb, ag ahilkad kekeɗ eppelkadppa ii daamna.