Jeremaia 4:20 - Nobonob Baibel

²⁰ Dahil neekkakppa da kekeɗ ag eɗikkon, baula eɗigna, eɗun baula eɗikkegeg anidttem. Dahil neekkakppa ihinig wan oh nauhakib daatte anidttem. Dahil neekkakppa ag ihinkad peh lag paha heeg nauhppig anidttem. Ao, dahil neekkakppa kekeɗ ag ihinkad dayak pahanab heeg nauhppig anidttem.

Jeremaia 4:20 Referans Kwoze

Sam 42:7

Kayak Nug le unuqag hatta, le baippa nonana, oqotti huana otteb ele hattom. Danab laa nug le amu ooppa nokku dayeb amu, le amu nug laitta tonakku. Anam amu, uug da toniɗom daatte ele amu, amuam le naɗi da toniɗlo bia doottem.

2 Tesalonaika 1:9

Naɗi Nug danab amu nob nau, padal mak hanhannu matteb, ag Nug toppa, nuhig ɠagattag okkainabppa ele ii daamna.

Matyu 10:28

Laa ag beɗulag aakkuib qekkulagnu elele, ag dottolag qekkulagnu elele iitta amu, ag amu dilag aib baɗappig. Iitta. Laa nug beɗulag, dottolag ele oh heeb, padal mak abenppa padal mekkulahnu elele amu, ag nuhignu baɗeg!

Joel 1:15

Yawenu deɗ naɗinu am gadonnab gadon. Aɗinu? Deɗ am miag uɗiom daatte. Deɗ amuam Laa Nukka Ɠagattag Oh Ele Nug he, nauhak okkai naunab daatte, am deɗ amubia.

Esekiel 14:21

Aɗinu? Naɗi Yawe Nug inam atte. “Bu mettak nau waɗele amu oolagppa laippu bekku dayeb am uug nau ele, amge da heppi, waɗele amu oh Israel danab ah aqadkku amu, amuam uug naunab nau. Bu mettak waɗele amuam ban, enug, doɗ nau, oɗe nau danab kuɗum aqe mauhtteb ele. Da heppi, bu mettak waɗele amu oh Israel danab ah, ahilkad doɗ ele ag mauhkkulagnu aqaglag.

Gayak Nai 3:47

Ig baɗak eheɗ nau doot, ig neta qekkunignu oita; ig nauhta, padal memut.” Ig anam aot unuqidtu!

Jeremaia 17:18

Na ehaniɗppe, da uɗa nak ii doopa, amge na heppe, laa ag eheɗ heiɗtteb ele ag uɗa nak aoglagnu oɗ medattem. Ao, na ehaniɗppe, da baɗak eheɗ nau ii doopa, amge na heppe, laa ag eheɗ heiɗtteb ag baɗak eheɗ nau dooglagnu oɗ medattem. Na heppe, laa eheɗ heiɗtteb amu, uug naunab ahilagppa bekkunu oɗ medattem. Ge, na heppe, ag padal mena autna autnanab aoglagnu unuqidttem,” awa unuqittom.

Aisaia 33:20

⌊Genab, Yawe Nug anam heeb, danab nau amu ii daamna,⌋ na neegppe ukkeb, Sion anidkkut; Sion appa amu, ig ihinig qagmak gamag ahak ele hettem. Ao, na neegppe ukkeb, na Jerusalem anidkkut. Na neegna anidna, Jerusalem am aab maɗoɗ daatte anidna, na Jerusalemnu, aab amuam peh lag hanhannu bia anidkkut. Aab amuam danab nug pehnu pin elab wanppanu ii aotte, peh hanhan aguppaib daatte, aab amuam anamib daakku. Ao, peh laanu muɗi ii pagutte, peh am hanhan qappakib daatte amu, aab amuam anamib daakku.

Aisaia 13:6

⌊O Babilon danab ah,⌋ ag huan gayeg! Aɗinu? Yawenu deɗ naɗi miag doum. Deɗ amuppa amu Laa Nukka Ɠagattag Oh Ele Nug geha keeke kuɗum heeb nauhkkulag.

Lewitikas 26:24

da geha ahilag kekeɗ daye, da geha ag hipunin hettebnu bu awak eleleppa bu huanaknab madakkul. Da bu mettak amibia amu eblaih aɗit laippu ikki aɗak, anam bia bu madakkul

Lewitikas 26:21

Da amu hekkul dimppa, ag dahil kekeɗ tuɗidna daan, nai dahil ii dim lamidkkulag dayeb amu, da geha ag hipunin hettebnu bu awak eleleppa, bu huanaknab madakkul. Da bu mettak amibia amu eblaih aɗit laippu ikki aɗak, anam bia bu madakkul.

Lewitikas 26:18

Da heppi, uug nau amu oh ahilagppa beeb, ag nai dahil ii dim lamidkkulag dayeb amu, da geha ahilag hipuninnu bu huanaknab madakkul. Da bu mettak amibia, amu eblaih aɗit laippu ikki aɗak, anam bia bu madakkul.

Eksodas 33:5

Aɗinu? Yawe Nug matu Moses amegppa, nug Israel amelagppa akkunu ana, ahilagnu inam aum. “Ag am oɗe dim lamidmananu dabmak ɠagattag eppak danab ah amunu, da ag ele oh haen tutuib ouqeta golom, am da paha heppi, ag padal melobtai. Anam amunu, ag beɗulagppanu gol ring keeke, ag amu oh uhuqadppeg neeb, da geha ahilagppa aɗi hekkulnu dabmak awen hekkul,” awa aum.

Habakuk 3:7

Da neekki ukke, Kusan danab ag uug nau doon daappig anidmi. Ao, Midian danab ag guittak okkainab ele daaegeg anadmi.

Jeremaia 4:6

Ag laa ag ib epponaknu at ib daugppa, o qauko igippa metteb ele, ag danab ah ag Sion ukkak ib anidkkulagnu at amu qappeg! Ag Juda danab ah ⌊Sion nakok guguittak daatteb,⌋ ag paha aab ahilag anen anenppanu, ag ena daaglagnu, ⌊ag aab amuppa⌋ paha oolna ukkeg!” Yawe Nug da anam akkulnu amelppa aum. Yawe Nug anam da amelppa ana malowa, Nug nai tuɗitta aum. “Juda danab ah, ag amu hekkulag diig am inam. Da hei, laa yawalti uɗitteppanu nug eheɗ hadakkunu uɗitte. Nug keeke kuɗum loppaɗeb nauhkkulag ⌊amunu ag padal mena autna aomnanu, ag anam ooleg⌋!” Yawe Nug anam da amelppa aum.

Aisaia 54:2

Ag dahilad, ag ahilag peh lagnu aben heppeg, okkai maɗ! Ag peh lagnu lamen tuɗidppeg, elab maɗ! Ag amu hekkulagnu aib uuppig! Ag peh lag qappak daakkunu muɗi heppeg, elab maɗ! Ag pin elab, aguppa ag peh lagnu muɗi taietta qakkak daakkunu ele amu, ag pin amu ɠagattag ele bappalatteg!

Aisaia 47:9

Uug pahanab, deɗ laippuppa, laippun ahilagppa bekku. Uug amuam laa ag uɗin, ah gamu heeg mauhe, bekkod ele aqaeg mauhtteb, diin ele gotteb, uug amubia ahilagppa bekku. Ag, Babilon, ag uug amu bemanu emaɗ hak digdig henan, baɗ mak uɗat ɠagattag digdig ele hekkulag, amge amuppa ag ehanittak ii aomna. Iitta. Uug amu anam ba, okkai elelenab ma tonadkku.

Sam 72:19

Nug onig am binag amahlak oppiaawak ele; ag Nug hanhan binag meig! Wan atu ohppan danab ah ag Nug binag amahlak oppiaawak ele amu, ag amu anidkkulagnu ool daatte. Genab anam dayaɗ! Genab, anam dayaɗ!

Namba 16:45

“Aa qe meya, danab ah imu uuadya waya, laih daapeɗ, da laippun heppi, danab ah imu mauhkkulag,” awa aum. Yawe Nug anam aum, amge Moses, Aron ele aa gatelah qaun o gomelya iɗulah wanppa mepiɗ.

Namba 16:21

“Da danab imu pahanab hadappi nauhkkulagnu, aa awaidya laih dayeɗ!” awa aum.

Lewitikas 26:28

da ool nauheb, ahilag kekeɗ daakkul. Da geha ahilag hipuninnu bu huanaknab madakkul. Da bu mettak amibia amu eblaih aɗit laippu ikki aɗak, anam bia bu madakkul.

Aisaia 15:5

Moap danab ah oolna gona, laih daaglagnu hena gona amu, ameg laa ag oolna gona, Soar batak tekkulag. Ameg laa ag oolna gona, Eklat Selisia batak tekkulag. ⌊Gadonnab,⌋ da Moap dilagnu oo doyak huan doottem. Aɗinu? Laala ag gona, Luhit tenana, ag qananna qananna gokkulag. Ele amu, laala ag Horonaim gokkulagnu gonana, ag ibppa gonana, ag eheɗ aoppignu qanaglag.

Jeremaia 4:21

Da neekkak dahilppa anam andette, da kekeɗ dilag pilak ele ge iitta anatten, ahilag trampetnu gayak ele anamib doottem; amu haen gane laa ele ukkeb, da amu baula ii anidkkul, baula ele ii dookkul?

Jeremaia 4:27

Keeke anam bekku. Aɗinu? Yawe Nug inam awa atte. “Dahil oo nauhak huanaknab am heeb, wan oh nauhkku, amge da heppi, wan am nauha auta autanab ii aoma.

Jeremaia 12:11

Danab amu ag heppeg, dahil wan oh am wan meu waknu nakokib elele, am anam daakku. Wan amuam da noolppa wan qaɗaiettaknab, wan hele-ettak daakku. Appa danab wan atognokkunu ii daama amunu, wan oh am nauhahkib daakku.

Jeremaia 9:18

⌊Amu da attem.⌋ “Heppeg, paha uɗieg! Ag uɗin, ihinignu qaneg! Ag qanappeg, ig amenig leb huanak naɗ! Ao, ig amenig leb, le ugakka gotte bia naɗ!” da anam awe attem.