Jeremaia 4:11 - Nobonob Baibel

¹¹ Amu uug amu beebeb, Yawe Nug Jerusalem danab ah, Juda danab ah ele amelagppa inam akku. “Danab, nuhikkud daup ele uɗitteb amu, ag am ulah gakkaɗaknab atu taɗakppanu dahilad danab ah daattebppa uɗitte bia uɗitteb, amge ulah amuam danab ah ahilag uɗat hekkulagnu ehanadkkunu ii uɗitte.

Jeremaia 4:11 Referans Kwoze

Hosea 13:15

Epraim danab ah ag am Israel danab ah laa oh oolagppa enatai daaglag, ⌊amge diig amunu da geha ag bu madakkulnu ii uupa⌋. Amuam geha da heppi, kekeɗ ag kaɗag ulah atu taɗakppan, keeke kuɗum he nauhtte ele uɗitte, ag amubia uɗiglag. Le qeppuɗia bette am iitta mekku. Le moɗ ele qaɗaiedakku. Amu geha kekeɗ ag uɗin, ag ag Israel, ahilkad en aɗadna, akkan gokkulag.

Esekiel 17:10

Antte! Muɗi hiɗak anam dayeb, laa muɗi amu awa, baula ebakku, am muɗi am ena, elele bekkute? Ulah gakkaɗak uɗieb, muɗi am bunaɗa auta autanab iite aoma? Eppomppanab, appa am iite bunaɗma?’ ” Yawe Nug anam atte.

Luk 3:17

Awa anan amu, nug nai baula tuɗitta aum. “Nug ee aeg mumuɗaknu abenppa ulah ee aeg dappunkkeg iwale ukkaknu uɗat hekkunu daatte. Nug uɗat amu ha, elelenab mewowa, Nug wit meu oh ee aeg mumuɗaknu abenppanu awa ukka, ee maknu lakka mekku. Mewowa, Nug ee aeg dappunkkeg aab aɗu ii qauhtte eleppa maneb eweb, ee aeg mumuɗaknu aben amuam keeke iitta, oppiaawak daakku,” awa aum.

Matyu 3:12

Nug ee aeg mumuɗaknu abenppa ulah ee aeg dappunkkeg iwale ukkaknu uɗat hekkunu daatte. Nug uɗat amu ha, elelenab mewowa, Nug wit meu oh ee aeg mumuɗaknu abenppanu awa ukka, ee maknu lakka mekku. Mewowa, Nug ee aeg dappunkkeg aab aɗu ii qauhtte eleppa maneb eweb, ee aeg mumuɗaknu aben amuam keeke iitta, oppiaawak daakku,” awa aum.

Hosea 13:3

Israel danab ah ag anam hetteb amunu, ⌊ag bu aoglag.⌋ Ag buttuanu bud paha qaɗaiedatte bia iitta mekkulag. Ao, ag geha buttua baito paha qaɗaiedatte bia qettoɗkkulag. Ag geha ulah iwale, ee aeg dappunkkeg ee aeg mumuɗaknu abenppanu laih gotte, amubia ag iitta mekkulag. Ao, ag geha aab laa kahug qatia taata ukka, iitta mette bia hekkulag.

Esekiel 19:12

Muɗi amu enanag anam dayom, amge laa ag oppoɗilag be amelag kokoɗ eppe, ag hiɗan, wanppa buɗieg ukkom. Ag buɗieg ukka dayeye, kaɗag gakkaɗaknab uɗia he, bunaɗom. Ge, danab ag meu oh aoeg, ulah he, eppeg bunaɗeg, aab ewom.

Gayak Nai 4:6

Yawe Nug dahilad huu bu mattom amu; bu mettak amuam Sodom dilag eɗittom. Yawe Nug Sodom pahanab he nauhom; danab heeg, Sodom danab ah uug ii dooppig.

Gayak Nai 4:3

Doɗ jakal amu, doɗ amu anig ag nalkad atognoadna, huh madatteb; amge dahilad danab ah ag ahilkad nid dilagnu oolag ii madatteb; ag atu taɗakppan ai laa onig ostris, ⌊nug nakkud uuatta gotte,⌋ ag amubia daatteb.

Gayak Nai 3:48

Gadonnab gadon. Dahilad danab ah nauhppig daatteb; amunu da amel leb eheɗnab nette.

Gayak Nai 2:11

Kekeɗ ag heeg, dahilad danab ah ag padal meeg, nid naunau, nid yuɗ ele ag aabnu ibppa niinna, mauhkkulagnu hetteb. Ao, am anam amunu, da huan gaaiyi, da amel nauhom daye, da oolppa eheɗ nau doottem. Da mahiak huanak hettem.

Jeremaia 23:19

Danab nau hetteb ele amu, Yawe Nug amunu oppoɗi bak doyaya, Nug ulah huanak paha paha uɗitte bia ag bu madakku. Nuhig bu mettak am kilibob itoɗiaya nette, amubia nau hak danab qaɗelagppa daakku.

Jeremaia 14:17

Anam amunu, Jeremaia, na gona, danab ah imu amelagppa inam appe doyeg! ‘⌊Qinob, uug naunab amu beppeg, da akkul.⌋ O gadon, da amel leb huanaknab naɗ! Ao amun, tuqan ele anamib hanhan naɗ! Aɗinu? Dahilad danab ah, ag da ele tiinig laippu, ag am da aɗel, ah makkun dahil bia daatteb amu, ag makkuɗakppa ihilag nau ele daatteb. Ao ag maduduɗattakppa guittak okkainab aoppig.

Jeremaia 9:7

Amu Juda danab ah ag amu hetteb amunu, Yawe Nukka Ɠagattag Oh Ele Nug atte. “Antteg! Da ib laa iitta. Aɗinu? Dahilad danab ah ag hipunin hetteb amunu, da danab nug gol keeke babaitta epeɗia awak daakkunu uɗat hette, amubia da dahilad danab ah ma anttak madakkulnu, da ag dubuttid iitta daaglagnu, da amubia ahilagppa hekkul.

Jeremaia 9:1

O gadon, da tiinig laippu kekeɗ aqaeg mauhppig dilagnu amu, da ikkilppa le gottu dayeb, da amel leb ele le qeppuɗia bak dayeb, da amun, tuqan ele dahilad tiig laippu dilagnu gaappi, amel leb nekkunu ool daatte.

Jeremaia 8:19

Da ele tiinig laippu ag wan laa, umanab daatte, ag appa gaanna daatteb. Ag gaanna, “Yawe Nug Sion appa ii daattete? Ao, ahilag King, Yawe, Nug gemu appa ii daattete?” atteb, amge Yawe Nug nob ma atte. “Ag kayak hambuppuak dottolkad noolagppa dup nona binalag meppig amunu, da oppoɗil beum. Ao, ag dottolkad wan laih laihnu, ag ehanadkkulagnu elele iitta, ag amu noolagppa dup nona binalag meppig amunu, da oppoɗil beum. Ag anam aakku heeg, bu anam aakku aoppig. Ag aɗinu anam heppig?” awa atte.

Aisaia 64:6

Ig oh am oonigppa dubuttid ele na noomppa bemut daattem Keeke oh ig hetata, ihinig dabmakppa, ig kobol amunu am genab tutukku hak kobol doottem ele, keeke amu oh am lamen qatti dubuttid naunab ele bia na amenppa anidttem. Ig am ad uɗug mauɗna qaɗaiedatteb bia hettem. Ao, ulah ad uɗug bunaɗak iwale gotte, amubia hipunin ihinig he, ig iitta mettem.

Aisaia 41:16

Danab nug ulah ee aeg dappunkkeg iwale ukkaknu uɗat hette, amubia ag Israel ag ahilkad kekeɗ heppeg iitta mekkulag. Ulah ɠagattag ee aeg dappunkkeg mawa, umanab ukke, baula miag ii daatte, amubia ag Israel ag heppeg, ahilkad kekeɗ ag qettoɗna malaglag. Ag miag iinab daamna,” awa atte. Ag Israel, ag ahilkad kekeɗ ag anam daaglag. Ag anam daaglag, amge ag Israel, ag Yawenu oolag gamag ahakku. Ao, ag Yawenu, Nug am Israel dilag Kayak Oppiaawak Ele, Nug ag Israel, ag nuhikkud maɗi nid maɗi ah ele daaglagnu tituanattom amu, ag nuhignu oo gamag ahak huanaknab dooglag.

Aisaia 27:8

Nug heeb, Israel ag guittak aoglag, amge ag nauhna autnanab ii aomna. Nug heeb, kekeɗ ag uɗin, Israel eɗadna, diin gona maadppeg, Israel ag diia ukka laih me dayak danab ah wan laappa daaglag. Ge! Nug heeb, kaɗag ɠagattagnab uɗia, ad uɗug keeke iwale gotte, amubia Israel ag wan laappa maniguittak bia anam gona daaglag.

Aisaia 22:4

⌊Uug amu dahilad danab ah dilagppa anam beum, amge laa naunab ele bekku⌋ amunu, da attem. “Da oo doyak okkai, mua ele doye gayeye daappi, amel leb mua ele na, amel mua qeebeb daakkul amunu, ag da aib neekkiɗppig! Dahilad danab ah ag nauhkkulag; ag ena iinab daaglag amunu, ag heppeg, da ool mekkunu aib ool aoppig!” Da anam awe attem.

Gayak Nai 4:10

Kekeɗ ag daan, ban heeg, dahilad huu nauhppig, haen amuppa ah laala, ag anukka, uug naunab iitta haenppa ag oo bodoetta le mak kobol dim lamidppig amu; ah amu uug naunab haenppa ag nid naunau ahilkad diin, battiadna lappig.

Sam 11:6

Am kalu laa huana eotte onig salpa ewawa, ad ewatte nauhtteb, amu ulah gakkaɗak iwala, ad bau he qaɗaiedatteb, amubia Yawe Nug geha nau hak danab bu madakku.

Jeremaia 4:12

Iitta! Ulah amuam ulah ɠagattagnab, danab ah aqadtte. Ulah amuppa da ag Juda danab ah bu madakkul.

Jeremaia 13:24

Yawe Nug atte. “Da heppi, atu taɗakppan ulah ee aeg dappunkkeg iwale gotte, amubia ag, Juda danab ah, ag matatun gona daaglag.

Habakuk 1:6

Na ootppa genab ii doomnanu diig am, antte! Da heppi, Babilon danab ag ahan, ⌊ag Juda, ag bu mattaglag⌋. Babilon daup ag am ban danab, ag oo doyak ii doon nau hetteb. Ag aɗi hekkulagnu ahilag dabmakppa bette, ag ahan hetteb. Ag wan atu ohppa paha wana, eɗadna, ahilkad lag, wan keeke, ag aon, ahilag daakkunu aɗatteb.

Habakuk 1:11

Ag anam eɗadna aab aon, ag ulah gotte bia laippun ahan, laih gotteb. Ag danab nau, beɗulagppa aab ele. Ag ɠagattag ahilagnu, ‘Ihinig kayak,’ doon, ag ahilag ɠagattag binag metteb.” Yawe Nug anam aum.

Hosea 4:19

Am ag anam hetteb amunu, ag geha kilibob ɠagattag keeke diia, laih gotte, amubia ag nauhkkulag. Ao, ag kayak hambuppuak dottolkad dilagnu mana mettak hetteb amunu, ag uɗa nak aoglag.” Yawe Nug anam atte.