Jeremaia 4:10 - Nobonob Baibel

¹⁰ Yawe Nug anam a, da ami. “O Naɗi Yawe, na ib oo ii neme amunu, laa ag Juda danab ah imu hambuppunna, ‘Maɗoɗ ahilagppa daakku,’ aegeg, danab ah imu ag amunu oolagppa genab dootteb, amge qep elab ig baanigppanab aakku daatte,” awe ami.

Jeremaia 4:10 Referans Kwoze

Jeremaia 5:12

Juda danab ah ag Yawe, nuhignu hambuppun atteb. “Ig eheɗ hettemnu amu, Nug keeke aɗitai laa ii hema. Uug laa ihinigppa ii bema. Kekeɗ ag uɗin, ii iqamna. Enug haen ihinigppa ele ii bema. Iitta.

Aisaia 37:35

Da aab okkai imu ehanitte, guppiɗ bia daabppi, ena daakku. Da, da laa ag dahilnu dabmak pehettak iitta aomnanu, da amunu dabmak anuqak awewe, aab imunu guppiɗ dayeye, da dahil maɗi nid Dawit amegppa keeke laa hekkulnu ami amu, da amunu ele dabmak anuqak awewe, aab imunu guppiɗ daakkul.” Yawe Nug anam atte.

Rom 1:28

Laa ele amu, ag Kayaknu dabmak aɗan oiglagnu uuppig amunu, Kayak Nug ag ahilag kobol nau, dabmak nauppanu bette, ag amu dim lamidkkulagnu uuattom. Amu ag kobol nau, danab ag hekkulagnu elele iitta amu, aakku hetteb.

Rom 1:26

Danab ag anam eheɗ heppig amunu, Kayak danab amu uuatte, ag dubuttid kobol ooppa daappig. Ah ag danab uuadna, ag nug awak kobol tutukku uuna, danab ele iitta, ah lailkad ele gappai heppig.

Rom 1:24

Ag anam heppig, amunu Kayak Nug uuatte, ahilag dabmak nau amuib dim lamittegeg, kobol nau ag eeɗatteg, ag akka akka ag beɗulkadppa gappai kobol nau hena, dubuttid tak daappig.

Esekiel 11:13

Yawe Nug tuleglegppa da amelppa anam akkulnu aum, da propet nai amu mattiyi, Benaia bekka Pelatia nug mauhom. Nug mauhe, da laippun gatel qaun oin, gomelen, iɗul wanppa mein, da baal okkaippa emi. “O Naɗi Yawe, na heppe, Israel danab ah oɗo yaak daatteb oh mauhkkulagte?” awe emi.

Gayak Nai 2:21

Nid bau, kaino ele ag oh laippu ibnu gappudppa nena qena, mauhadppig niitteb. Juda dilag nid bau, ah makkun ele qep elabppa mauhppig niitteb. O Yawe, na Juda dilag hipuninnu oot nauhe, amu babaittak deɗppa na he, kekeɗ ag aqaeg mauhadppig. Ao, na oo gai-iitta doya oo metta ehanittak kobol ii dabmena he, kekeɗ ag aqaeg mauhadppig.

Jeremaia 32:17

“O Naɗi Yawe, na ɠagattag nahip-ppa, nakka ebehinppa ele hab, wan ele heme. Aɗi keeke uug ele na hekkutnu elele iitta laa ii daatte.

Jeremaia 23:17

Propet amu ag laa dahilnu ena iinab dootteb ele amelagppa, “Yawe Nug atte, ‘Ag maɗoɗ ele daaglag,’ aon atteb. Ag amu dilagnu anam anana, ag laa ag oɗe dim lamidmananu dabmak ahilag ɠagattag eppe, aɗi hekkulag dabmakppa daatte amu, ag amuib dim lamidtteb, ag amelagppa, ‘Uug laa ahilagppa ii bema,’ ” aon atteb.

Jeremaia 8:11

Ag dokta nug danab beɗuppa guittak okkainab awom antta, hamu bia doya, itak nakoknabib qataqette, ag dahil danab ah dilagppa anam hetteb. Ag, “Ig maɗoɗib daagnig, ig maɗoɗib daagnig,” anan daatteb, amge maɗoɗ laa ii daatte.

Jeremaia 6:14

Ag dokta nug danab beɗuppa guittak okkainab awom antta, hamu bia doya, itak nakoknabib qataqette, ag dahil danab ah dilagppa anam hetteb. Ag, ‘Ig maɗoɗib daagnig, ig maɗoɗib daagnig,’ anan daatteb, amge maɗoɗ laa ii daatte.

Jeremaia 4:18

O Juda danab ah, ag eheɗ henan daappig amunu, ag beɗulagppa uug imu ahilagppa bekku. Imuam ahilag bu awak aakku. O gadonnab gadon, am mua naunab ele. Bu amuam ag meulagnab guittak medakku.” Yawe Nug anam awa atte.

Jeremaia 1:6

Nug anam a, da ami. “O Naɗi Yawe, da am nid nakok aakkuib amunu, da nai anam madikkulnu elele ii doottem,” awe ami.

Aisaia 63:17

O Yawe, da ig ib nahip ii ettamtanu, na ib laa oɗe oo ii nettemnu diig dookkulnu ool daatte. Ao, ig ebehinig oh bodoetta le mak kobol nahipnu dim ii lamidtutut, na ib amu oɗe ii oo nettemnu diig dookkulnu ool daatte. Ig am nahipad maɗi nid maɗi ah ele, amu na eɗun ehanigkkutnu oɗ medattem. Ao, ig Israel dilag huu okkai oh, ig am danab ah nahipadnab daattem, amu na eɗun ehanigkkutnu unuqidttem.

Aisaia 30:10

Ag Yawenu propet amelagppa, “Ag baula Yawenu nai tuleglegppa aib anidppig,” atteb. Ao, ag propet danab amelagppa, “Ag baula Yawenu nai genab tutukku ele tuleglegppa aib anidna, ig amenigppa madippig,” anam maditteb. Ag mattina, ag tuɗidna Yawenu propet amelagppa atteb “Ag Yawe oɗe aon, nuhig nai uug ele aib madippig. Ag keeke ena, keeke ig oonig hette ele, ag amu mattieg!

Eksodas 9:14

⌊Aɗinu na paɗadppe gokkulag?⌋ Na ii paɗadppe gokkulag dayeb, na geha wan ohppa aun laa da bia ii daatte tutukku dookkutnu, da eheɗ naunab na metten, nahipad ehanittak anuqak danab ele matten, danab ah nahipad ele madakkul.

Eksodas 5:22

Ag anam aeg amu, aria Moses nug eɗua, Yawe gumitta ukka, nug aum. “O Naɗi, aɗi diignu na nahipad danab ah inam eheɗ nau hadattem? Na aɗi diignu he, da ippa uɗimi?