Jeremaia 39:17 - Nobonob Baibel

¹⁷ Yawe Nug anam anana, Nug imu ele atte. “Amge nahipnu amu, da ehanidppi, na baɗadttem ele amu, laa ag na amu eppelagppa ii meidppeg daamna.

Jeremaia 39:17 Referans Kwoze

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Jeremaia 1:19

Ag na ele ban hekkulag, amge ag na ii eɗidmana. Aɗinu? Da na ele daattep. Da ehanidppi, na padal ii menana.” Yawe Nug anam awa aum.

2 Samuel 24:14

Gad nug anam a, Dawit nug aum. “Da uug naunab nau doottem. Amge Yawe Nug oo gai-iitta doya oo metta ehanittak kobol okkainab aɗa dim lamidtte amunu, ig Nug eppegppa bu aognignu ool hette. Da danab eppelagppa bu aognignu ool ii daatte. ⌊Nug heeb, oɗe ig iqakkunu ool hette⌋,” awa aum.

Jeremaia 38:9

“O dahil naɗi, na king, danab ag propet Jeremaia, nuhigppa kobol digdig heppig amu, ag nau heppig. Ag nug aon, le moɗppa buɗieg noum daatte. Nug le moɗppa daatte amunu, aab okkai imuppa ee iitta meeb, nug aakku enugppa mauhkku,” awa aum.

Genesis 15:1

Dimppa Yawe Nug tuleglegppa nuhig nai imu Abram mettom. “Abram na aib baɗame. Guppiɗ nahip, nob ena okkainab awaknu diig nahip ele amu, am da iikkuib,” awa aum.

Matyu 25:40

Ag anam appeg amu, da ag oɗelagppa awe akkul. ‘Da genab ag amelagppa attem. Ag keeke aɗi laa da lailad, onilag iitta ele, ag oolagppanu laippu laa ag nuhigppa heppig amu, ag dahilppa heppig,’ awe akkul.

Daniel 6:16

Ag anam aeg, ɗo anam dayom amunu, king nug haknunab nai anana, ag Daniel aon uɗieg, king Daniel amegppa aum. “Nahip Kayak, na Nug hanhan Nug waappa daan, nuhig maɗi nid daattem amu, Nug heeb, na ena daakkutnu ool daatte,” awa aum. Nug anam awa a, ag nug moɗ naɗi laion daattebppa buɗieg noum.

Jeremaia 38:1

Aria, deɗ laa Matan bekka Sepatia, Pasur bekka Gedalaia, Selemia bekka Jehukal, amu Malkiya bekka Pasur ag Jeremaia nug Juda danab ah amelagppa aɗi aɗi nai mattiom amu, ag dooppig.

1 King 18:15

Obadaia anam a amu, Elaiya nug inam amegppa aum. “Yawe Nukka Ɠagattag Oh Ele, da nuhig maɗi nid daattem amu, Nug genab bau daatte, genab amubia da gemu Ahap gumitten goppi, Ahap nug da aniɗkku,” awa aum.

1 King 18:16

Aakku Obadaia nug King Ahap anidkkunu ukka antta, nug Ahap amegppa, “Elaiya uɗiom,” awa aum. Amu Ahap nug Elaiya uɗa tekkunu ukkom.

2 King 6:16

Nug anam aum, amge Elisa nug aum. “Aib baɗame. Aɗinu? Ban danab ig ehanigkkulag ele amu, ag am ameg okkainab oo mekkan taliligppig daatteb amu, ag am eɗattak,” awa aum.