Jeremaia 37:15 - Nobonob Baibel

¹⁵ Nug eppelagppa me, ⌊ag nug Jeremaianu nai aum am doon,⌋ ag oolag nauhe, ag heeg, laa ag Jeremaia ad mahappa makkuɗeg, ag Jeremaia aon gona, nai yaak danab Jonatan laugppa meppig. Aɗinu? Okkai danab ag matu heeg, lag amuam maniguittak lag dayom.

Jeremaia 37:15 Referans Kwoze

Jeremaia 38:26

na, ‘Da king nug heeb, da Jonatan laugppa eɗue ukken, appa mauhpan nug oo doyakppa unuqitten daami,’ appe doyeg!” awa aum

Aposel 5:18

Anam amu ag ahan, totol danab 12 aɗualadna, danab oh dilag maniguittak, ag amuppa maadppig,

Matyu 21:35

Ag ukkaeg amu, dad uɗat danab ag nuhikkud maɗi nid amu diin, laa makkuɗna, laa qeeg mauhe, laa amu menppa makkuɗppig.

Jeremaia 26:16

Jeremaia nug ag amelagppa anam a amu, kingnu ehanittak anuqak danab, danab ah oh ele ag mana mettak danab, amu propet danab ele amelagppa appig. “Ig danab imu qepput mauhkkunu keeke laa ii heum. Nug Yawe, ihinig Kayak, nug Nug onigppa ig amenigppa nai mattiom,” aon appig.

2 Stori 18:26

aa amelahppa inam appeg doyeɗ! ‘King nug inam atte. Aa danab imu aoya, maniguittakppa mewoya, bret, le ele nakokib medapeɗ dayebeb ukkeb, ban maleb, da maɗoɗ ele eɗue uɗikkul batak,’ ” awa aum.

2 Stori 16:10

Propet danab nug anam a, Asa doya, nug nuhignu oo nauhom. Nug oo huana nauhom amunu, nug Hanani maniguittakppa me dayom. Amu haen amuppa Asa nug eheɗ laa ele ha, nug Juda danab laala, ag nug waappa gai-iitta daappig amu, nug ag eheɗ hattom.

Genesis 39:20

Oo huan nauhe, nug Josep awa, maniguittakppa meum. Paro nug ele hanhan nuhikkud danab ag eheɗ heppig ele amu diia, maniguittak amuppa meum. Potipar nug Josep maniguittakppa anam me dayom, amge

Revelesen 2:10

Nakok laa ele ag Smerna, ag uug baula maoglag, amge ag keeke amunu aib baɗappig. Doyeg! Ag Smerna daatteb, ag ahilag ooppa genab doyak am genab, o genab iitta doyaknu, ag ma anttak aoglag. Amuam Satan nug heeb, ahilkad kekeɗ ag oolagppanu laala maniguittakppa maadkkulag. Laa amu, ag deɗ 10 ag Smerna eheɗ hattaglag. Na oo metta ii uuak kobol dim lamidna, ootppa genab doyak ɠagattag aɗappe ukkeb, haen na mauhttem, amuppa amu da na bauklel hanhannu medakkul.

Aposel 5:40

Gamaliel nug anam a, ag nuhig nai dim lamidna, totol danab 12 ii aqappig, amge ag diin ag, laa ag bu qaun eleppa eheɗ mataɗattona, nai Jesus onignu amu ii mattimnanu haknunab nai ag amelagppa awona, heeg goppig.

Aposel 5:28

“Amu ig ag amelagppa ag Jesus onigppa nai baula danab ah iinab ippunadmananu amut. Aɗinu ag anam heegeg, danab ah oh Jerusalem daatteb ele aakku dooppig. Amu ag danab ag ihinignu, ‘Jesus Nug danab ena, ag qeeg mauhom,’ aon akkulagnu dabmak aoeg ɠagattag eppom daatte,” awa aum.

Jon 18:22

Jesus Nug anam a amu, daup laa hibaitta dayom ele nug eppeg oohap ta, hippeg mataɗaɗa aum. “Na mana mettak ikki danab nai amuppate nob medattemte?” awa aum.

Luk 22:64

Ag lamenppa ameg qakkan, eppelagppa Nug iɗu owona amu, ag appig. “Kayak na ehanitteb, aun nug na oittom appe dootu!” aon appig.

Matyu 23:34

Amunu ag doyeg! Da propet, amu danab doyak dabmak ena ele, ag Kayak nai tutukku dootteb, amu ippunittak danab ele ana maadppi, ahilagppa uɗiglag. Uɗippeg amu ag laa aqappeg mauhppeg, laa ag ad emaitakppa atuladna, ag laa ahilkad nai doyak lag ooppa bu qaun eleppa eheɗ mataɗadkkulag. Ag mataɗadna, ag lamadppeg, ag aab okkai laappa goppeg, baula lamadppeg, aab okkai laappa gona, anamib oiglag.

Jeremaia 38:6

Sedekaia anam aum amunu, danab amu ag muɗi aon, le moɗ laa daup king gumappig laulag haɗap-ppa dayom, le moɗ amuam king bekka Malkiyanu amu, ag muɗi amuppa Jeremaia paɗaeg no, le ii dayeye, lekkoh gai-iittaib dayom amunu, Jeremaia beɗu laih am lekkohppa noum.

Jeremaia 37:20

Amge, o dahil naɗi, na king, gadon, na dahil nai dookkutnu oɗ medattem. Na uuiɗppe, na dahilnu keeke laa hekkutnu oɗ medakkulnu ool daatte. Na heppe, da nai yaak danab Jonatan laugppa eɗue ii gopanu oɗ medattem. Da eɗuen, appa gokkul dayeb amu, da mauhkul,” awa aum.

Jeremaia 18:23

O Yawe, na ahilag maittak, ag heppeg mauhkkulnu dabmetteb ele amu, na amu doottem. Na doottem amunu, na ahilag hipunin ii uhuqna mattamnanu, na ahilag hipunin na noomppa daan, ii iitta memananu da na oɗ medattem. Na ahilag haknu oo nauhak doonna, na heppe, ag nena qena, padal mena autna aoglagnu oɗ medattem,” awa unuqittom.

Jeremaia 37:4

Haen amuppa ag Jeremaia maniguittakppa ii meeg dayom amunu, nug adeppa adeppa danab ah gumatta oikkunu gun laa ii dayom.

Jeremaia 32:2

Haen nug Jeremaia amegppa amunu aum amu, Babilon dilag king, amu nuhikkud daup ele ag Jerusalem oo mattan, aqaglagnu maadna daaegeg, propet Jeremaia nug King Sedekaia oɗeppan nai bia, nug Juda dilag daup king gumappig ele laulag, lag amuam Juda dilag kingnu lag enanagnab guguittak, nug lag amunu haɗap-ppa maniguittak dayom.

Jeremaia 39:15

Amu Jeremaia nug daup ag king gumappig laulag haɗap-ppa maniguittak dayom, haen amuppa Yawe Nug nuhig nai imu Jeremaia mettom.