Jeremaia 37:13 - Nobonob Baibel

¹³ Nug anam heum, amge haen nug aabnu aɗ od laa onig Benyamin od, nug appa ta, aab dimittim gokkunu ukke, daup od amu gumappig ele dilag okkai Iriya, nug Jeremaia aɗom. Iriya mameg am Selemia, nug alag am Hanania. Iriya nug Jeremaia aɗa, nug aum. “Na ahan, Babilon daup gumadna goppe, ag ele daaglagnu hettem,” awa aum.

Jeremaia 37:13 Referans Kwoze

Sekaraia 14:10

Juda wanppa yawalti uɗitteppanu Geba daatteppa ukka, Jerusalem daatteppanu yau uɗitteppanu Rimon daatteppa amu, aab aɗit amu gamalahppa wan amu oh am eɗua, wannu laih onig Araba daatte, am amubia, ⌊honap⌋ daakku. Wan amuam wannu laih onig Araba daatte, am amubia, ⌊honap⌋ daakku, amge Jerusalem am nuhig abenppa, attan daakku. Jerusalemnu tom am aɗnu od laa onig Benyaminnu Od, amuppa digma ukka, od laa onig Alagnu Odppa ukka, aria, appanu tom am od laa onig Daugppan Od, amuppa ukka, amuppanu am lag attan ta ukkak menppa hak onig Hananelnu Lag, amuppa ta ukka, appanu kingnu grep meu tappa leppu awaknu abenppa batakku.

Jeremaia 38:7

Ag amu heeg, Jeremaia anam dayom, amge Ebetmelek, nug Kus danab, nug Juda dilag kingnu lag enanagnabppa king ehanitta, uɗat heum amu, nug ag Jeremaia le moɗppa meppig doya, king nug aabnu aɗ od onig Benyaminnu Od, nug amuppa heɗep na dayeye,

Aposel 24:13

Amu gemu ag nai da beɗulppa yaan maditteb amu, ag heppeg, na nai diig aakku am genab anidkkutnu laa iitta.

Aposel 6:11

Ag anam anidppig amunu, ag kobol hambuppuakppa hena, danab laala eeɗatteg ahan appig. “Ig Stiven nug Moses, Kayak ele dilahnu dabittak nai mattie doomut,” aon appig.

Luk 23:2

Ag gona, appa ahan, nug beɗuppa nai huanak yaan appig. “Ig danab imu anittutut, Nug ihinkad danab hambuppualadtte. Nug ig Sisarnu takis mematanu gun ma, Nug nugakka hume attan te, Nug atte. ‘Da Kristus, da king laa,’ awa aum,” aon appig.

Jeremaia 38:1

Aria, deɗ laa Matan bekka Sepatia, Pasur bekka Gedalaia, Selemia bekka Jehukal, amu Malkiya bekka Pasur ag Jeremaia nug Juda danab ah amelagppa aɗi aɗi nai mattiom amu, ag dooppig.

Jeremaia 21:9

Aun aɗi ag aab okkai ooppaib daaglagnu dabmenana, ag aab ooppa daanna, ag qep elabppa, enugppa, amu oɗe nau danab kuɗum aqe mauhtteb, amuppa ele mauhkkulag. Amge aun aɗi ag ahan, aab dimittim gona, akka akka ag Babilon dilag daup ag aab oo mattan, aqaglagnu maadna daatteb ele, ag akka ag beɗulag ag eppelagppa maadkkulag amu, ahilkad keeke padal mekku, amge ag ii mauhmana. Ag bau daaglag.

Jeremaia 20:10

Danab ah ag dahilnu otiptip-ppa mattiegeg doomi. Ag atteb. “⌊Nug ig padal mekkunignu, nug amuib maditte.⌋ Nug mattieye, nai amu he, danab ah oh ag eheɗ nau baɗatteb amunu, ig okkai danab amelagppa nai nug atte amu amelagppa apput, ag nug aɗaglag,” aon atteb. Ag anam aegeg, da lailad, ⌊ag oɗelagppaib da lailad daatteb amu,⌋ ag ele da nein qekkulnu oolag daatte. Ag anam henana, amu ag atteb. “Aria, ig hepput, nug kobol eheɗ laa heeb, ig nug eɗidta, ⌊nug nai eheɗ atte amu, ig⌋ amunu nob nau laa mettagnig,” aon atteb.

Jeremaia 18:18

Amu danab laa ag appig. “⌊Jeremaia atte am genab iitta.⌋ Mana mettak danab ag Yawenu ɗo ippunigtteb amu, kobol amu ii iitta mema. Danab doyak dabmak ena ele ag ulum nai ena megatteb amu, amu ele ii iitta mema. Propet danab ag Yawenu nai mehuqeg doottem amu, kobol amu ele anamib daakku, ii iitta mema amunu, ahappeg, ig hepput, Jeremaia hettoɗiakppa dayaya nauhaɗ! Ig amu hepput, nuhig nai ig daunigppa baula ii daama,” aon appig.

2 Korint 6:8

danab laala ag ig oninig humaegeg amu danab laala ag am ig oninig aɗaeg notte eleppa, amu danab laala ag am nai nau ig dimunigppa mattiegeg, danab laala ag ig kobol ena hettem amunu maditteb eleppa, ig amu ohppa ig am Kayaknu maɗi nid daattem ippunadttem. Am laala ag ihinignu hambuppuak danab anam doigtteb, amge ig am anam iitta, ig nai genabnabib madittem.

Amos 7:10

Amos nug nai amu mattie, Amasaia, Betelnu mana mettak danab, nug nai imu Israel dilag king Jeroboam toppa me ukkom. “Amos nug Israel danab ah oolagppa noa he, ag na kekeɗ mettaglagnu daatteb. Nug nai huan huan maditte, amu na nug uuidppe daakku, nuhig nai heeb, wan imu nauhkku.

Jeremaia 38:4

Kingnu ehanittak anuqak danab waɗele amu ag amu doon, ag gona, King Sedekaia amegppa appig. “Ig Jeremaia qepput mauhkku am ena. Aɗinu? Nug nuhig naippa nug he, ihinkad daup danab aab okkai imuppa daatteb ele, ag oolagppa gai-iitta daatteb, danab ah ele anamib. Nug mauhkkunu diig laa ele amu, danab amu nug Juda danab ah ag ena daaglagnu ib ii maditte. Iitta. Nug ag nauhkkulagnu hette,” aon appig.

Jeremaia 36:12

Baruk nug ebqa male, Mikaia nug aha, kingnu lag enanagnab, appan nai yaak danabnu oo laa, nug oo amuppa ukkom. Kingnu ehanittak anuqak danab oh ag aguppa daappig. Ag daappig ele am nai yaak danab Elisama, aria Semaia bekka Delaia, Akbor bekka Elnatan, Sapan bekka Gemaria, Hanania bekka Sedekaia, amu kingnu ehanittak anuqak danab laa oh ele.

Jeremaia 28:14

Amu bekkunu diig am, Yawe Nukka Ɠagattag Oh Ele, Israel dilag Kayak, Nug inam atte. “Da wanppan wan ohppan danab ah ag Babilon dilag king Nebukatnesar waappa maɗi nid daan, nuhig uɗat hekkulagnu ag duulkadppa doɗnu duugppan tuqai laa aenppa hak meppi, ag nug waappa maɗi nid daan, nuhig uɗat hekkulag. Da amuib ii hepa. Iitta. Da ele heppi, doɗ dakkuɗ ele ag nug oɗe dim lamidkkulag,” awa atte.

Jeremaia 27:6

Aun nug okkai daakkunu am dahilppa daatte amunu, da ahilkad wan anen anen oh Babilon dilag king Nebukatnesar, dahil maɗi nid, da nug eppegppa meppi, ag nug waappa daaglag. Da amuib ii hepa. Iitta. Da ele heppi, doɗ dakkuɗ ele ag nug oɗe dim lamidkkulag,

Jeremaia 20:2

nug he, ag Jeremaia, nug propet amu, ag nug eheɗ makkuɗnana, ag aon gona, Yawenu mettid lagnu aɗnu od laa onig Benyaminnu Od Attan, ag aben amuppa ag nug eppeg, baeg ele ad mahappa qagappig.

Gayak Nai 4:18

Kekeɗ ag meigna daan aut aotna aoegeg; ig lag dimittim, aabnu ibppa oignignu elele iitta daamut. Ihinig haen aakku iitta meum. Ig eɗut, ena daagnignu ib laa ii dayom; amunu diig am, ihinig gog tak aakku uɗia dayom.