Jeremaia 37:10 - Nobonob Baibel

¹⁰ Ag Juda, ag imu ii hemana, amge Babilon daup ag aab imuppan danab aqaglagnu ban hetteb amu, ag Juda ag ahan, ag eɗadna, kuɗumnab aqappeg mauhlob, laib laib guittak okkai eleib ahilkad peh lagppa daalob, laib laib anam ag appan ahan uɗin, ag Juda eɗadna, aab okkai imu manappeg eolo.” Yawe Nug anam atte.

Jeremaia 37:10 Referans Kwoze

Joel 2:11

Amu Yawe Nug nuhikkud daup noolagppa anuqa ugakka, Nug baag okkaippa hakkaɗ qette bia ette. Aɗinu? Nuhikkud daup dilag ebqak am huanaknab; ebqaknu elele iitta. Laa amu, laa Nug nuhig nai meu he bette ele, Nug am ɠagattag okkai ele. Laa ele amu, Yawenu deɗ naɗi am deɗ okkai ele. Deɗ amuam heeb, danab ebehi oh bodoetta le mekkunu deɗ amunu, auntai nug deɗ amu ɠagattag hibaitta daakkunu elele? Laa iitta.

Jeremaia 50:45

Anam amunu, O Babilon danab ah, ag Yawe, Nug ahilagnu aɗi maittak daatte amu, ag dabmak amu doyeg! Ao, Nug ag Babilon daatteb, Nug ag aɗi uug madakkunu dabmeum, dabmak amu ɠagattag eppom daatte amu, ag amu doyeg! Nug heeb, doɗ nau sipsip nakkud diia gotte, amubia Babilonnu amu, kekeɗ ag ahilkad nid aɗualadna, diin gokkulag. Amu Babilon ag eheɗ heegeg uɗie, gemu ele hetteb, diig amunu kekeɗ ag ahilag wan heppeg nauhkku.

Aisaia 30:17

Amu ag Juda danab 1,000 daappeg, kekeɗ laippuib uɗia heeb, ag Juda ag oolkkulag. Kekeɗ tanig eleib heppeg, ag Juda oh ag oolkkulag. Kekeɗ ag anam hebeppeg ukkeb, ag Juda ag laippu laippu, biidod laippu nukka qauko igippa daatte, ag amubia daaglag. Ao, anam hebeppeg ukkeb, ag Juda ag laippu laippu, pilak nukka qauko igippa daatte, ag amubia daaglag.” Yawe Nug anam atte.

Jeremaia 51:4

Kekeɗ ag heppeg, Babilon dilag daup ag Babilon aabnu ib ohppa guittak okkai aon, nena qena mauheg!” awa atte,

Jeremaia 49:20

Anam amunu, O Edom danab ah, ag Yawe, Nug ahilagnu aɗi maittak awom amu doyeg! Ao, Nug ag Teman daatteb, Nug ag aɗi uug madakkunu dabmeum, dabmak amu ɠagattag eppom daatte amu, ag amu doyeg! Nug heeb, doɗ nau sipsip nakkud diia gotte, amubia kekeɗ ag Edom, ahilkad nid diin gokkulag. Yawe Nug heeb, ag Edom, ag eheɗ heegeg uɗie, gemu ele hetteb, diig amunu kekeɗ ag ahilag wan heppeg nauhkku.

Jeremaia 37:8

Ag eɗun goppeg, Babilon daup ag eɗun uɗin, aab imuppan danab aqaglagnu ban hena, ag aab okkai imu eɗidna aon, manappeg eokku,’ ” awa atte.

Aisaia 14:19

King laala oh ag matmatppa anam niitteb, amge laa nug na gaɗan matmatppa ii meum. Iitta. Na gaɗan am hamu, miag daatte; doɗ laa mauha beɗeɗe, danab anidtte, amge nug keeke laa ii hette, na gaɗan am amubia daatte. O na gaɗan am ban haenppa kekeɗ ag ban gudkkudppa o latppa danab kuɗum aqaeg mauheg, laa ag mauhak gaɗalag amu moɗ hamuppa akkaeg nona daatteb, na gaɗan amubia daatte. O na gaɗan amu danab laa banppa oiye oiye, qeeg mauha, na qa wanppa niieye, ban danab laa ag baelagppa danab mauhom amu tappanna gotteb, na gaɗan am anam bia daatte.

Aisaia 13:15

Danab ah ag ii oolna goppeg, ban danab ag anadna aɗualadna, banppa yaaladppeg mauhkkulag. Ao, danab ah ag oolna gobeppeg, ban danab ag anadna aɗualadna, qep elabppa aqappeg mauhkkulag.

Aisaia 10:4

Ag am keeke laa hekkulagnu ib iittanab iitta. Geha kekeɗ ag ag aqaglag, o iitta ag aɗualadppeg, ag ag eppelagppa daaglag. Anam, amge amuppa Yawe Nug nuhig oo nauhak am iinab bodoettama. Iitta. Nug ⌊bu tuɗitta madakkunu⌋ eppeg huma daakku.

Jeremaia 21:10

Da heppi, kekeɗ ag aab okkai imu heppeg nauhkku. Da ag Juda, da ag ehanadppi, ena ii daamna. Da amu hekkulnu dabmak aoi ɠagattag eppom daatte amunu, da uuppi, aab imuam Babilon dilag king eppegppa daakku. Nug eppegppa dayebeb, nug maneb eokku,” ’ awa atte.

Jeremaia 32:29

Babilon daup, ag gemu aab okkai imuppan danab ah aqaglagnu ban hetteb, ag aab okkai imu eɗidna, ooppa uɗin, maippeg eokku. Ewebeb, Jerusalem danab ah ag lag laala koɗokkoppa tena, appa ag kalu danab ile muttuɗig enanag bette ele main, kayak hambuppuak Bal mettona, ag wain gokkaɗaknu ofa kayak hambuppuak laala dilagnu ele heeg, da oppoɗil beum amu, Babilon dilag daup ag lag amu ele maippeg eokku.

Jeremaia 37:11

Amu Babilon daup ag, “Paro, nuhikkud daup ele uɗitteb,” doon, ag ahan, Jerusalem uun, ag ag ele ban hekkulagnu goppig, amu dimppa

Gayak Nai 1:15

Naɗi Nug ig Juda, ihinig daup ɠagattagnab dimattom. Ao, Nug daup laa ag ig Juda, ihinkad nid bau maduduɗadkkulagnu onilagppa eum. Naɗi Nug danab grep meu tappa leppu awaknu abenppa grep meu baegppa tappe, meu nauhtte, amubia Nug he, Juda danab ah ag nauhadppig daatteb.