Jeremaia 36:8 - Nobonob Baibel

⁸ Jeremaia nug anam a, Neria bekka Baruk nug propet Jeremaia nug hekkunu aum bianab heum. Nug Yawenu mettid lakka ukka, appa nug Yawenu nai buk itoɗiak amuppa dayom amu, nug amu ebqeum.

Jeremaia 36:8 Referans Kwoze

Jeremaia 1:17

Amunu, Jeremaia, na meut oh dahil uɗat hekkutnu babaitte! Da na aɗi ag amelagppa appenab dooglagnu ippunadppi, na amu aakku a! Na ahilagnu aib eheɗ nau baɗame. Na amu dilag eheɗ nau baɗakkut dayeb amu, da heppi, na ag noolagppa daanna, na eheɗ nau baɗakkut.

1 Korint 16:10

Timotinu amu, nug Naɗinu uɗat da hettem amubia hette ele amunu, nug ahilagppa ta dayebeb, ag tutukku dabmeppeg, nug geha oo maɗoɗ ele ag oolagppa dayaɗ!

Matyu 16:24

Haen amuppa Jesus Nug nuhikkud ippunittak awak danab amelagppa aum. “Laa nug da dim lamiɗkkunu oo dayeb amu, nug nuhig dabmak dim lamidkkunu dab-iinab-mema. Iitta. Nug nuhig ad emaitak mawa, da dim lamiɗaɗ!

Jeremaia 36:4

Yawe Nug Jeremaia amegppa anam aum amunu, Jeremaia nug Neria bekka Baruk onigppa e uɗia dayeye, Yawe Nug nai oh Jeremaia amegppa mattiom amu, Jeremaia nug nai amu Baruk amegppa mattieye, Baruk nug buk itoɗiakppa yom.

Nehemaia 8:3

Nug ag noolagppa hibaitta daya, nug buttuanab digma, ɗo nai buk amu ebqe ukke ukke, aam ameg tutukku dayom. Nug haɗap Lenu Od guguittak daatte, nug haɗap amu neekkakka, danab, ah, nid ag nakok okkai mak, nai doon diig dooglagnu elele daappig, ag ele daaegeg ebqeum. Nug ebqeeqe, amu oh ag daulag human, Ɗo Nai Buk amunu nai dooppig.

Jeremaia 32:12

da pepa aɗit amu oh Neria bekka Baruk mettami. Neria mameg am Masea. Da amal Hanamel, laa ag pepa aɗit amuppa aɗi aɗi daatte anidna, onilag yaappig, amu Juda laa lag amunu haɗap-ppa daappig oh ele noolagppa da pepa aɗit amu Baruk mettami.

Jeremaia 36:6

amunu, na da abenal aon, appa gokkutnu ool daatte. Na ee ohnu kud ma dayaknu deɗ laappa, na deɗ amuppa buk na Yawe nai ippuniɗe, da ai, na yaame imu amu, na buk itoɗiak amu aon, Yawenu mettid lag, na amuppa gona, danab ah appa daatteb ele dooglagnu na buk amuppan nai ebqekkut. Juda danab ah ag ahilkad aab anen anennu uɗitteb ele amu, na ag amelagppa ebqeppe, ag doyeg!