Jeremaia 36:32 - Nobonob Baibel

³² Yawe anam a, Jeremaia nug nai amu doyom amunu, nug buk itoɗiak ele laa awa, Neria bekka Baruk, nug am yaak danab, nug mette awe, Jeremaia nug nai mattieye, aakku nug bukppa yom. Buk itoɗiak laa tatamnu, buk amuppa nai oh daye, Juda dilag king Jehoiakim aab aɗuppa mane ewom ele amu, nug nai amu oh buk imuppa eɗua yom. Nug amu ye, Jeremaia nug nai laa amubia kuɗum laa ele tuɗitta a ne, nug amu ele yom.

Jeremaia 36:32 Referans Kwoze

Jeremaia 36:4

Yawe Nug Jeremaia amegppa anam aum amunu, Jeremaia nug Neria bekka Baruk onigppa e uɗia dayeye, Yawe Nug nai oh Jeremaia amegppa mattiom amu, Jeremaia nug nai amu Baruk amegppa mattieye, Baruk nug buk itoɗiakppa yom.

Jeremaia 36:18

Ag anam oɗ mettaeg, Baruk nug aum. “Ao, nug nai imu oh mattieye, da buk itoɗiak eleppa inkppa aakku yaami,” awa aum.

Revelesen 22:18

Danab oh ag Kayak nai buk imuppa yaak daatte amu ag ebqena dooglag ele amu, da nau aomnanu nai imu ahilagnu inam attem. Aun laa nug nai buk imuppa niitte ele amu awa, nai laa ele tuɗidkku amu keeke nau kuɗum, Kayak Nug buk imuppa amunu aum ele amu, Kayak Nug danab amu nuhigppa keeke nau amu oh qagmekku.

Rom 16:22

Aria, da Tertius, da Pol oɗe awe, nai imu ahilagnu yaami amu, da ag ele, ig oh Jesusnu oonigppa genab doottem amu, da ag humadttem.

Daniel 3:19

Satrak, Mesak, Abetnego ele ag anam aeg, Nebukatnesar nug oppoɗi be ameg kokoɗ eppe, nug nuhig dabmak nid ewam dilagnu am eɗua, nug danab uɗat amu gumappig ele ag heppeg, aab ewak huan ewom ele amu, aab amuam huanak naunab nau heppeg eokkununab aum.

Jeremaia 36:23

King nug aab anam uɗikka dayeye, Jehudi nug buk itoɗiak ele ebqaaqa, nug maha ewam o waɗele ebqa male, king nug buk amu awa, qep nagppa maha ebqa malom ele okkula awa, aabppa buɗie te ewewe, Jehudi baula maha ewam o waɗele ebqe, nug baula anam heum. Anam heeh ukke, king buk oh aabppa mane ewom.

Lewitikas 26:28

da ool nauheb, ahilag kekeɗ daakkul. Da geha ahilag hipuninnu bu huanaknab madakkul. Da bu mettak amibia amu eblaih aɗit laippu ikki aɗak, anam bia bu madakkul.

Lewitikas 26:24

da geha ahilag kekeɗ daye, da geha ag hipunin hettebnu bu awak eleleppa bu huanaknab madakkul. Da bu mettak amibia amu eblaih aɗit laippu ikki aɗak, anam bia bu madakkul

Lewitikas 26:21

Da amu hekkul dimppa, ag dahil kekeɗ tuɗidna daan, nai dahil ii dim lamidkkulag dayeb amu, da geha ag hipunin hettebnu bu awak eleleppa, bu huanaknab madakkul. Da bu mettak amibia amu eblaih aɗit laippu ikki aɗak, anam bia bu madakkul.

Lewitikas 26:18

Da heppi, uug nau amu oh ahilagppa beeb, ag nai dahil ii dim lamidkkulag dayeb amu, da geha ahilag hipuninnu bu huanaknab madakkul. Da bu mettak amibia, amu eblaih aɗit laippu ikki aɗak, anam bia bu madakkul.

Eksodas 34:1

Amu Yawe Nug Moses amegppa inam aum. “Na men maha aɗit, na aoɗatme ele amu, na men maha aɗit amubia otaɗna bappaidna diiatppe, aria geha da nai anukka ye otaɗmi, amuib da eɗue ye otaɗkkul.

Daniel 7:1

⌊Amge amu oh ii nak haenppa,⌋ Babilon dilag king Belsasar nug king abenab awa, maɗ laa ii ukkom, nuhig king dayaknu maɗ tatamnu amu, Daniel nug tul niiom. Nug niiak abenppa niiaya, tul niia, tuleglegppa keeke digdig anttom. Nug tul anam niia, aɗi aɗi anttom amu, nug amunu nai ikki ikki am yom.