Jeremaia 36:31 - Nobonob Baibel

³¹ Da nug, nug bekkod amu nuhikkud ehanittak danab laa, ag nau heppig amunu, nau hak amunu da ag bu madakkul. Da Jehoiakim aɗi dilagppa, danab ah Jerusalem daatteb, amu Juda danab ah ele, da uug naunab digdig ahilagppa hekkulnu ami amu, uug amu oh, da heppi, ag aakku bekkulag. Ag dahil nai dooglagnu uun ii dooppig amunu, da anam aakku hekkul.’ ” Yawe Nug anam aum.

Jeremaia 36:31 Referans Kwoze

Prowerb 29:1

Danab nug oo eɗukkunu daug batak kuɗum awawa, hamu bia doyaya, nug oo eɗumanu dabmak nuhig ɠagattag eppe oitte, nug guittak okkai awa nauhkku; nauhaknu aɗi keeke bette amu, baoliaknu ib laa iitta.

Jeremaia 35:17

Ag amu hetteb amunu, da, Yawe, da am Kayak Dakka Ɠagattag Oh Ele, da Israel dilag Kayak, da attem. “Doyeg! Da heppi, uug naunab oh, amu da Jerusalem danab ah oh dilagppa, amu Juda danab ah laa oh ele dilagppa bekkunu ami amu, uug amu oh am bekkulag. Da ag amelagppa nai mattimi, amge ag daulag ii human dooppig. Da ag onilagppa emi, amge ag nai nob laa ii meɗappig.” Da Kayak, da anam awe attem.

Jeremaia 23:34

Amu Yawe Nug atte. “Propet, o mana mettak danab, o auntai nug aha, ⌊hambuppua,⌋ ‘Nai imu da madittem ele, nai amuam nai meunab ele, Yawe oɗeppanu,’ ab amu, da danab amu bu medappi, nug baekkudppa ele ag uug aoglag.” Yawe Nug anam atte.

Jeremaia 19:15

“Yawe Nukka Ɠagattag Oh Ele, Israel dilag Kayak, Nug inam atte. ‘Doyeg! Juda danab ah ag da oɗel dim lamidmananu dabmak ahilag ɠagattag eppe, ag dahil nai doyak uun, ii dim lamidtteb amunu, da aɗi uug naunab aab okkai imuppa, aab talilidna daatteb ele dilagppa bekkulagnu ami amu, da heppi, uug amu oh genab anamib bekkulag,’ ” awa atte.

Matyu 23:37

O Jerusalem, Jerusalem, na propet aqae mauhtteb, maɗi nid Kayak nahip-ppa maatte uɗitteb ele, na ag ele menppa aqae mauhtteb. Da haen kuɗum na begapad, matuk anig nakkud haugppa qagmaatta tonadtte, amubia qagmaadkkulnu hemi, amge ag uuppig.

Jeremaia 17:18

Na ehaniɗppe, da uɗa nak ii doopa, amge na heppe, laa ag eheɗ heiɗtteb ele ag uɗa nak aoglagnu oɗ medattem. Ao, na ehaniɗppe, da baɗak eheɗ nau ii doopa, amge na heppe, laa ag eheɗ heiɗtteb ag baɗak eheɗ nau dooglagnu oɗ medattem. Na heppe, laa eheɗ heiɗtteb amu, uug naunab ahilagppa bekkunu oɗ medattem. Ge, na heppe, ag padal mena autna autnanab aoglagnu unuqidttem,” awa unuqittom.

Jeremaia 11:8

Da anam hemi, amge ag dahil nai doyaknu uun, ag dab-ii-medappig. Iitta. Ag da oɗel dim lamidmananu dabmak ahilag ɠagattag eppe, ag aɗi eheɗ hekkulagnu oolag dayom amu, ag heppig. Ag nug tituana nai qakkak amu ii dim lamidppig amunu, nug tituana nai qakkak amu ooppa, nai da ag dim lamidkkulagnab ami amu, laa nug nai amu ii dim lamidkku dayeb, nuhigppa aɗi eheɗ laa awaknu anak daatte amu, da hei, eheɗ amu ahilagppa aakku beum.’ ” Yawe Nug anam atte.

Lewitikas 26:14

Amge, ag da oɗel ii dim lamidkkulag dayeb, ag dahil nai haknunab attem amu ii dim lamidkkulag dayeb,

Jeremaia 29:32

da genabnab genab Nehelam baekkudppan laa, Semaia, amu nug buɗub ele bu madakkul. Nug ag dahil nai tabappeg nekkunu nai mattiom amunu, da heppi, nug, amu nug buɗub oolagppan laa nug dayaya, kobol ena da dahilad danab ah dilagppa hekkul anidkkunu ii daama. Iitta! Ag oh tatam iitta mekkulag.” ’ ” Yawe Nug Semaianu anam awa atte.

Jeremaia 52:2

Sedekaia nug Yawenu neekkakppa eheɗ heum; nug King Jehoiakim heum bia, nug heum.

Sam 94:23

Yawe Nug nau hak danab ah bu madakku. Ao, Nug ahilag nau haknu hatteb nauhkkulag. Ge, Yawe, ihinig Kayak, Nug ag hatteb nauhkkulag.

Esekiel 7:8

Da oppoɗil be, bu madakkulnu hettem. Ao, da ool nauhe, da ahilag hak naunu nob madakkulnu hettem. Da epeɗiatten, ahilag hak naunu nob elele madakkul. Ao, da ahilag hak laala, da hak amunu oolppa uuaknab doottem, hak amunu da ag bu elele madakkul.

Esekiel 7:9

Da ag anatte, oo doyak ii doopa! Ge, da ag anatte, bu madakkulnu ii uupa. Da genab ahilag hak nau anitten, bu elele madakkul. Ao, da ahilag hak, da hak amunu oolppa uuaknab doottem amu, da hak amu ele anitten, da nob elele madakkul. Da amu heppi, ag dooglag, da Yawe, da nob nau amu mattami.