Jeremaia 36:26 - Nobonob Baibel

²⁶ King nug danab ewam dilag nai doya, kobol ena laa ii heum. Iitta. Nug nug bekka laa Jeramel, Asriel bekka Seraia, amu Apdel bekka Selemia ele, ag ahan gona, yaak danab Baruk, amu propet danab Jeremaia ele aɗalatna, maniguittakppa maatkkulagnunab amelagppa aum. Nug ag amu hekkulagnu aum, amge Yawe Nug danab aɗit amu lokkumatom amunu, ag mattialatna anatkkulagnu elele iitta.

Jeremaia 36:26 Referans Kwoze

Sam 91:1

Laa nug Kayak Attannab Laa Oh Eɗattak guppiɗ dimugppa daatte amu, nug Kayak Nukka Ɠagattag Oh Ele, nug nuhig dabmettak waappa daakku.

1 King 19:14

Yawe Nug anam oɗ mette, Elaiya nug nob ma aum. “O Yawe Kayak Nakka Ɠagattag Oh Ele, da na oɗen haen oh dim lamidkkulnu yag-nab-bak doyen hettem, amge Israel danab ah ag na hee, na ag ele ag nug tituanna nai qagappig amu, ag nai amu tippalna ii dim lamidtteb. Ag amu henana, ag qaɗab nahip ele loppaɗna, ag nahipad propet laa oh ele aqaeg mauhppig; da dakka iikku daattem, amu gemu ag da ele iuppeg mauhkkulnu hetteb,” awa aum.

1 King 19:10

Yawe Nug anam oɗ mette, Elaiya nug nob ma aum. “O Yawe Kayak Nakka Ɠagattag Oh Ele, da na oɗen haen oh dim lamidkkulnu yag-nab-bak doyen hettem, amge Israel danab ah ag na hee, na ag ele ag nug tituanna nai qagappig amu, ag nai amu tippalna ii dim lamidtteb. Ag amu henana, ag qaɗab nahip ele loppaɗna, ag nahipad propet laa oh ele qep elabppa aqaeg mauhppig; da dakka iikku daattem, amu gemu ag da ele iuppeg mauhkkulnu mattiɗtteb,” awa aum.

1 King 17:3

“Na laih imu uun gona, Jodan le heqo laih aam bedeppanu, le nakok Kerit oolnu noakppa, na appa le guguittak lokkumna daye!

Aposel 12:11

Aakku Pita nug aɗi kobol beum amu doya aum. “Herot nug da aɗailele, Juda danab ag da eheɗ heiɗkkulagnu dabmeppig, amge gemu da genab doottem, Naɗi Nug he, engel nuhig uɗia, da ag eppelagppanu awiɗom,” awa aum.

Aisaia 26:20

O danab ah dahilad, ag laulag ooppa nona, od maneg! Ag lokkumna haen nakokib oppoɗi bak haen imu iitta mekkunu ameg meig!

Sam 64:2

Nau hak danab ag eheɗ heiɗkkulagnu maidtteb; na heppe da ag eppelagppa ii daapanu oɗ medattem. Ao, na ehaniɗppe, da danab ag muttub qenan, eheɗ hetteb amu, da eppelagppa ii daapanu unuqidttem.

Sam 27:5

Aɗinu? Da Yawenu mettid lag, amuppa ena anam daakkul dayeb amu, uug haenppa Nug da atognoiɗebeb, da eheɗ laa ii anidpa. Yo, Nug da nuhig mettid haknu peh lagppa lokkumiɗeb daappi, uug laa da ii aniɗma. Ge, Nug heeb, da danab laa men okkai attan ena daatte, da amubia ena daakkul.

Jon 8:20

Nug nai amuam Kayaknu mettid lag nuhig tomppan keeke oh ele ooppa, men doɗonu kunup guguittak dayaya ippuanattom, amge Nug mauhkkunu haen ii malom amunu, laa Jesus aɗakkun ii heum.

Jeremaia 36:19

Baruk ag amelagppa anam a, ag nug amegppa appig. “Na Jeremaia ele aa goya, aben adekkuppa aa lokkumak dayeɗ! Laa nug aa adekkuppa daattep amu, aa aibnab ippunidpiɗ!” aon appig.

Jeremaia 36:5

Nug anam mattia male, Baruk nug nai amu oh ya male, Jeremaia nug amegppa aum. “Danab okkai ag da Yawenu mettid lakka gokkulnu aib aeg, da appa gokkulnu elele iitta

Sam 57:1

O Kayak, da nahip-ppanu padal mak eɗitteb ena dayaknu ehanittak aottem amunu, na dahilnu oot gai-iitta doon oot meɗan ehaniɗkkutnu oɗ medattem. Ao, na dahilnu oot gai-iitta doon oot meɗan ehaniɗkkutnu unuqidttem. Da padal mepanu, matuk nag anig haug waappa daatte bia, da na guguitten daakkul. Ao, da anam hebippi ukkeb ukkeb, uug naunab amu oh qe-eɗilkkulag.

Sam 32:7

Na aakkuib na dahil lokkumak aben, dahil guppiɗ ele daattem! Ao, na da ehaniɗe, nauhakppa ii daattem amunu, diig amunu da ehanittak nahip-ppanu ahi edattem.

1 King 18:4

Amu haen kuin Jesebel nug Yawenu propet danab aqeeqe, Obadaia nug propet danab amunu 100 diia, men oɗe aɗit, amuppa lokkumattom. Nug propet danab 50 laa amu men oɗe laappa lokkumattowa, 50 laa amu men oɗe laappa lokkumatte daaegeg, bret, le ele matte, lanan daappig.

Jon 11:57

Am mana mettak danab okkai amu ɗo gumak danab-Parasia ele ag tatam danab amelagppa, danab laa nug Jesus adeppa daatte amu doya amu, nug ag amelagppa ab, Jesus aon maniguittakppa mekkulagnu appig.

Jon 8:59

Nug anam aum amunu, Juda ag Nug makkuɗkkulagnu men agappig, amge Jesus Nug danab kuɗum oolagppa beɗu lokkumittatta, Kayaknu mettid lakkanu aha ukkom.

Jon 7:32

Danab ah kuɗum ag Jesusnu anam mattiegeg, mana mettak danab okkai amu ɗo gumak danab-Parasia ele ag danab ah nai kuɗum mattiegeg doona, ag ahilag daup laa Jesus aɗaglagnu maatteg uɗippig.

Jeremaia 2:30

Da ag Israel ag oolag eɗukkunu bu mattami, amge ag oolag eɗukkunu uuppig. Ag laion doɗ laa aqe mauhtteb, amubia ag qep elabppa dahil propet aqaeg mauhppig.

Jeremaia 1:19

Ag na ele ban hekkulag, amge ag na ii eɗidmana. Aɗinu? Da na ele daattep. Da ehanidppi, na padal ii menana.” Yawe Nug anam awa aum.

1 King 17:9

“Na ahan, laih Saidon appa gona, Sarepat aabppa daye! Aab amuppa ah qab laa, da ah amu nug na eeppa ehanidkkunu tituanmi daatte,” awa aum.

Sam 121:8

Na laih wanan, appanu eɗun uɗippe, Yawe Nug na atognoidkku. Nug gemu, butti ele hanhan anamib hekku.

1 King 22:26

Amu oh ba male, aria King Ahap nug laa amelagppa haknunab aum. “Ag Mikaia aɗan, aon aab okkai gumak danab anuqak Amon, am da bekkal Joas ele gumatna gona,

2 King 11:2

Amge ag laippu ii qeppig. Atalia nug he, laa ag oh Juda dilag king ele tiig laippu aqappeg mauhkkulagnu heegeg, King Jehoram aɗeg laa Jehoseba, nug Ahasia ele aa am eappinag, nug Ahasia bekka Joas lokkuma awa, nug ah Joas gumom ele, Atalia nid amu qeeb mauhmanu, nug niiaknu oo laappa lokkumate, ag nug qeeg ii mauhom.

2 Stori 18:26

aa amelahppa inam appeg doyeɗ! ‘King nug inam atte. Aa danab imu aoya, maniguittakppa mewoya, bret, le ele nakokib medapeɗ dayebeb ukkeb, ban maleb, da maɗoɗ ele eɗue uɗikkul batak,’ ” awa aum.

Sam 105:15

Nug okkai danab amelagppa aum. “Ag dahilad, da goɗen gokkaɗakppa tituanadmi amu, ag amu dilagppa eheɗ laa aib heppig. Ao, ag dahil propet guittak aib madappig,” awa aum.

Jeremaia 26:24

Ag Uraianu anam heppig, amge Sapan bekka Ahikam nug Jeremaia ehanitte, danab ah ag nug qeppeg mauhkkunu heppig ele, amu eppelagppa ii meppig.

Jeremaia 38:6

Sedekaia anam aum amunu, danab amu ag muɗi aon, le moɗ laa daup king gumappig laulag haɗap-ppa dayom, le moɗ amuam king bekka Malkiyanu amu, ag muɗi amuppa Jeremaia paɗaeg no, le ii dayeye, lekkoh gai-iittaib dayom amunu, Jeremaia beɗu laih am lekkohppa noum.