Jeremaia 36:21 - Nobonob Baibel

²¹ Ag aeg doya, nug Jehudi nug buk itoɗiak ele amu awa dokkunu me, nug ukka, buk amu awa uɗiom. Buk amuam king laugppa oo laappa, nai yaak danab Elisama, nug oo amuppa uɗat hette ele, nug buk amu oo amuppanu awa doa ebqe, king, am nuhikkud ehanittak anuqak danab oh king guguittak hippaidna daappig ele, ag oh dooppig.

Jeremaia 36:21 Referans Kwoze

2 King 22:10

Nug anam ana amu, Sapan, nug nai yaak danab amu, nug nai amu tuɗitta, king amegppa inam aum. “Mana mettak ikki danab Hilkaia nug buk laa da meɗom,” awa aum. Nug anam awowa, aria nug buk amu kola, king dookkunu ebqeum.

2 Stori 34:18

Nug anam a amu, nai yaak danab Sapan tuɗitta, king amegppa aum. “Ele amu, mana mettak danab Hilkaia nug buk imu da meɗom,” awa aum. Nug anam ana, nug buk amuppanu nai king amegppa ebqeum.

Jeremaia 36:15

Nug appa ukka te, ag nug amegppa appig. “Na heɗep nena daan, buk amu ebqeppe doognignu oonig daatte,” appig. Ag anam appig amunu, nug aakku ebqeum.

Jeremaia 26:2

Nug da amelppa inam aum. “Jeremaia, na ahan, da, Yawe, da laulppa Israel danab dilag haɗap-ppa daanna, na danab ah Juda aab anen anennu uɗin, ag da Yawe, ag da laulppa da noolppa dup nona binal mekkulagnu uɗitteb ele amelagppa da na aɗi nai na amenppa akkutnunab attem amu, na amu madippe doyeg! Na nai da ippunidkkul amu, na nai amu huppu nakok laa aibnab tippalme.

Jeremaia 23:28

Propet aun laa nug tul niia, nug tul niiak amuam dahilppanu uɗiom ii dookku dayeb amu, nug, ‘Tul niiak imuam dahil tul niiak,’ aakkuib akkuoitte, amge propet aun laa nug dahil nai doyom dayeb amu, nug tutukku, genabnab mehuqaɗ! Wit gumu am keeke hamu, wit aeg am keeke enanag, amubia.

Jeremaia 36:14

Ag amu doon, kingnu ehanittak anuqak danab ag Netania bekka Jehudi, nug alag am Selemia, dokkiab am Kusi, ag nug ukka, Baruk amegppa, “Na buk itoɗiak ele na danab ah amelagppa ebqeme ele amu, na buk amu aon do!” akkunu meeg ukkom. Ag meeg ukka, Baruk amegppa anam aum amunu, Neria bekka Baruk nug aha, buk amu aɗaɗa, ag gumatta ukkom.