Jeremaia 36:19 - Nobonob Baibel

¹⁹ Baruk ag amelagppa anam a, ag nug amegppa appig. “Na Jeremaia ele aa goya, aben adekkuppa aa lokkumak dayeɗ! Laa nug aa adekkuppa daattep amu, aa aibnab ippunidpiɗ!” aon appig.

Jeremaia 36:19 Referans Kwoze

1 King 17:3

“Na laih imu uun gona, Jodan le heqo laih aam bedeppanu, le nakok Kerit oolnu noakppa, na appa le guguittak lokkumna daye!

Jeremaia 36:26

King nug danab ewam dilag nai doya, kobol ena laa ii heum. Iitta. Nug nug bekka laa Jeramel, Asriel bekka Seraia, amu Apdel bekka Selemia ele, ag ahan gona, yaak danab Baruk, amu propet danab Jeremaia ele aɗalatna, maniguittakppa maatkkulagnunab amelagppa aum. Nug ag amu hekkulagnu aum, amge Yawe Nug danab aɗit amu lokkumatom amunu, ag mattialatna anatkkulagnu elele iitta.

1 King 18:10

Am Yawe, nahip Kayak, Nug genab bau daatte, genab amubia King Ahap nug na eɗua anidkkunu oo huan daye, nug na wan atu ohppa na anidkkunu mattiak uɗat naɗi heum. Nug anam haaha, nug he, danab ag wanppan wan ohppa gona, na mattidppig. Amu aɗi wan laa, amuppa ag nahipnu, ‘Nug ippa ii daatte,’ aeg amu, Ahap nug he, ag genab na mattidna anidkkulagnu elele iitta, ag ahilag nai amu ɠagattag qena appig.

1 King 18:4

Amu haen kuin Jesebel nug Yawenu propet danab aqeeqe, Obadaia nug propet danab amunu 100 diia, men oɗe aɗit, amuppa lokkumattom. Nug propet danab 50 laa amu men oɗe laappa lokkumattowa, 50 laa amu men oɗe laappa lokkumatte daaegeg, bret, le ele matte, lanan daappig.

Aposel 5:40

Gamaliel nug anam a, ag nuhig nai dim lamidna, totol danab 12 ii aqappig, amge ag diin ag, laa ag bu qaun eleppa eheɗ mataɗattona, nai Jesus onignu amu ii mattimnanu haknunab nai ag amelagppa awona, heeg goppig.

Luk 13:31

Jesus Nug nai amu mattia male, haen amuppa ɗo gumak danab-Parasia laala ag dona, nug amegppa appig. “Na laih imu uun, ahan laih ukke! Herot Antipas nug na nitteb mauhkkutnu hette,” aon appig.

Amos 7:12

Amasaia nug nai amu me ukke, nug Amos amegppa inam aum. “Propet, na ahe! Na eɗun gona, Juda wanppa appa propet nai madippe, ag na amunu nob daden metteg!

Prowerb 28:12

Haen genab tutukku hak danab ag okkai danab betteb amu, danab ah oh ag gamag ahak aotteb; amge haen nau hak danab ag gumak aben aotteb amu, danab ah ag wana lokkumtteb.

2 Stori 25:15

Nug anam heum amunu, Yawe Nug Amasaianu oo huanak nauhom. Nug oo huanak nauhe, Nug propet laa me ukka, propet amu nug Amasaia amegppa aum. “Kayak hambuppuak amu ag ahilkad danab ah na eppenppa padal memananu ehanadkkulagnu elele iitta daappig amunu, aɗinu na kayak amu ag ulum nai mettaglagnu oɗ madattem?” awa oɗ mettom.

Jeremaia 26:16

Jeremaia nug ag amelagppa anam a amu, kingnu ehanittak anuqak danab, danab ah oh ele ag mana mettak danab, amu propet danab ele amelagppa appig. “Ig danab imu qepput mauhkkunu keeke laa ii heum. Nug Yawe, ihinig Kayak, nug Nug onigppa ig amenigppa nai mattiom,” aon appig.