Jeremaia 35:6 - Nobonob Baibel

⁶ Da anam ami, amge ag appig. “Ig wain ii lattem. Aɗinu? Anukka ig mamenig laa, nug am Rekap bekka Jonadap, nug haknunab nai imu ig mekkom. ‘Ag amu, ag buɗulkad ele ag wain aib lappig!

Jeremaia 35:6 Referans Kwoze

Luk 1:15

Nug Naɗi noobppa onig am binag ele daakku. Nug wain amu kaaka qaknu le laa oh ele ii lama. Nug anig ooppa dayebeb amu Kayak Ouɗi am nug ooppa ambekku.

1 Stori 2:55

amu aab ikki laa ag yaak danab daan, Jabes appa daappig ele. Nai yaak danab amu ag am Tirat danab, Simeat danab, am Sukat danab ele. Aab ikki amu oh memetalag anukkanu am Ken danab onig Hamat. Hamat nug am Rekap danab ele memetalag.

2 King 10:15

Jehu nug nuhikkud ban danab ele ag appanu ahan, Jehu nug ukka, Rekap bekka Jonadap, nug Jehu anidkkunu ugekke antta, Jehu nug humittatta, amegppa inam aum. “Da nahip dabmak amunu ool huan daatte, amge na dahilnu attem doottem? Da keeke hemi amu, na amunu na oo gamag ahak doottem, o iitta?” awa oɗ mettom. Jehu nug Jonadap anam oɗ mette, Jonadap nug Jehu aum am nob ma, inam aum. “Ao, da na ele i oonih laippu daatte,” awa aum. Nug anam a, aria Jehu nug amegppa aum. “Ena, amu na anam doottem dayeb, na eppen meppe doob, i eppeg aɗak heɗu!” awa aum. Awa a, aakku Jehu nug Jonadap eppegppa aɗa eeɗe, bannu karis attan te,

Ikki Danab 13:14

Nug grep meu, o grep meu qaɗaiettak, o aɗi keeke laa grep-ppa hak, o wain, o le ɠagattag laa, o nug doɗ ii lanaknu epeɗiak daatte amu, nug amu oh iinab lakkuoitte. Na waat nug haknunab nai oh da mettami dim lamitta, tutukku hekkuoitte,” awa aum.

Ikki Danab 13:7

amge nug aum. ‘Na geha oot ele daan, nid danab laa menukkut. Amunu na wain, o na le ɠagattag laa, o na doɗ ii lanaknu epeɗiak daatte amu iinab lakkutoitte. Aɗinu? Na bekkat nug nuhig doakppanu ukkeb, nuhig mauhak batak nug Kayaknu danab, Nasarait atteb, nug anamib daakku aum,’ ” awa aum. Manoa wau anam Manoa amegppa aum.

Lewitikas 10:9

“Na, amu na buɗunadppa ele ag iinab wain, o le ɠagattag laa lawona, mettid haknu peh lag danab ah appa qagmetteb ele, ag lag amu ooppa nokkulagoitte. Ag anam lawona, mettid haknu peh lag ooppa ii nokkulag dayeb amu, ag ii mauhmana. Ɗo imu buɗub buɗub doobob, ahilagnu hanhan daakkunu daatte.

1 Pita 2:11

O lailad, ag laihnu danab, aab diig danab iitta wan imuppa daatteb amunu, da ag beɗulagnu kobol nau, kobol amuam ag hanhan ig Kayak amegppa danab ena daamtanu wagai metteb ele amu, ag kobol amu ii hemananu dabmak maɗettak nai iikku madattem.

Jeremaia 35:10

Ig peh lagppaib daaut uɗie, gemu ele anamib daattem. Ig mamenig anukkanu, Jonadap, nug haknunab anak amu ig mekkom, amu aakkuib ig iikku dim lamidttem.

Sam 105:12

Yawe Nug nai imu haen Abraham buɗub ag tutuib daaegeg aum. Ao, ag aab diig danab iitta Kanan wanppa, danab ameg nakokib daappig.

1 Stori 16:19

Yawe Nug nai imu haen Abraham buɗub ag tutuib daaegeg aum. Ao, ag aab diig danab iitta Kanan wanppa, danab ameg nakokib daappig.

2 King 10:23

Aria, dimppa Jehu nug Rekap bekka Jonadap ele aa Bal laug amu ooppa noya, Jehu nug danab ag Bal noobppa dup nona binag metteb ele, nug ag amelagppa aum. “Laala ag Yawe noobppa dup nona binag metteb ele, ag ag oolagppa daaglag am ena iitta amunu, ag akka akka neegna oin, nug italna anidna autna aweg! Laa ag Bal noobppa dup nona binag metteb, ag aakkuib dayeg!” awa aum.

Eksodas 20:12

Na mamen, anin ele binalah mate! Ge! Na paha ii mauhmananu, na wan laappa, da Yawe, nahip Kayak, da na medakkulnu hettem amu, na appa haen elab daakkutnu, na anam hekkut.

Genesis 36:7

Aɗinu? Jakop, Esau ele amu, aa oh keeke, doɗ ele kuɗum amunu, aa wan laippuppa daaglahnu elele iitta.

Genesis 25:27

Dimppa aa ena meya, Esau nug hikan danab dayom. Nug dad okkaippa oiyom, amge Jakop nug toetta dayak danab; nug ag daappigppa dayom.

Jeremaia 35:14

Rekap bekka Jonadap, nug nug bekkod ag wain ii lamananunab ag amelagppa aum, amu ag haknunab anak nuhig aakku dim lamitteg uɗie, buɗub gemu ele dim lamidtteb. Ge, Jonadap nug haknunab anak amu aum amunu, nug buɗub ag digmena, wain ii laeg uɗie uɗie, gemu ⌊nai imu yaak haenppa⌋ ele, ag anamib hetteb. Amge da Yawe, da ag Israel amelagppa haen kuɗum ag aɗi aɗi hekkulagnu nai mattii, ag da oɗel ii dim lamidna, gemu ele ii hetteb.