Jeremaia 35:13 - Nobonob Baibel

¹³ “Da, Yawe Dakka Ɠagattag Oh Ele, da Israel dilag Kayak, da inam attem. ‘Jeremaia, na ahan gona, Jerusalem danab ah, Juda danab ah laa oh ele amelagppa inam appe doyeg! “Ag kaya imuppa ippunittak aon, dahil nai dim lamidkkulagnu dabmak iite aoglag?

Jeremaia 35:13 Referans Kwoze

Jeremaia 32:33

Ag da dimeɗan, ag dahilppa doaknu uuppig. Da ippunittak haen kuɗum ag madakkulnu hemi, amge ag dooglagnu daulag ii human dooppig. Da ag toliatte, bu mattami, amge ag oolag ii eɗuom. Iitta.

Jeremaia 5:3

Yawe Nug anam a amu, da Nug amegppa ami. “O Yawe, na danab aun aɗi ag doyak diig genabib dim lamidkkulagnu hetteb ele, na danab ah amubia mattiadttem, ⌊amge nahip danab ah ag amubia ii hetteb⌋. Na bu mattame, amge ag eheɗ heppignu oolagppa guittak ii dooppig. Na oɗoɗadme, amge ag bu mattak nahip amu ii dabmena, oolag eɗukkunu uuppig. Ag heeg, ag na oɗen dim lamidmananu dabmak ahilag ɠagattag eppom. Ag oolag eɗukkunu uun, iinab heppig,” awe ami.

Hibru 12:25

Amunu ag dabmeig! Ag aib daulag itun, Kayak nai maditte qeppeg neum. Anukka wan imuppa Sinai appa amu, Kayak Nug nai ɠagattag danab amelagppa aum, amge ag nuhig nai tappaeg neum. Ag tappaeg neum amunu, ag ahilag hipuninnu nob nau qe-eɗidna gokkulagnu elele iitta daappig. Gemu Kayak Nug hab aabppa dayaya, nai ɠagattag ig megatte amunu, ig Nug dimettata, ig oolta hipunin ihinignu nob nau qe-eɗidkkunignu elelete? Iittanab!

Jeremaia 9:12

⌊Amu qinob laa nug oɗmak inam hekku.⌋ “Yawe Nug he, wan imu nauhakib daatte. Nug he, wan imuam nauhaknab, atu taɗak nau, danab appa oikkunu elele iitta daatte. Nug anam heum, amge diig aɗinu Nug anam heum? Danab laa nug amunu diig dookkunu doyak dabmak ena ele elele aɗattete? Yawe Nug laa ippunittom, amu nug amunu diig doya, ab doot, oonig maidkkunu elete?” ⌊Nug oɗmak anam hekku.⌋

Aisaia 42:23

Ag Juda danab ah, ag oolagppa aun nug uug amunu dabma, butti amu, aɗi kobol bekkunu ele dabma auttanab aokku?

Prowerb 19:20

Na ulum nai ena doon aon, ippunittak nai ena ele aon aɗakkut dayeb; gog takppa na doyak dabmak ena ele daakkut.

Prowerb 8:10

Doyak dabmak ena ele am men laa onig rubi, daden nob okkainab ele, am amu eɗidtte. Aɗi keeke laa na aokkutnu oot huan daatte ele amu, keeke amu doyak dabmak ena ele ii eɗidtte amunu, na dahil ippunittak nai aokkutnu anuqak doon, silwa aokkutnu am anuqak aib doome. Ao, na doyak ena aokkutnu anuqak doon, na gol enanag aokkutnu anuqak aib doome.

Jeremaia 35:12

Rekap buɗub ag anam aeg, Yawe Nug nuhig nai imu Jeremaia mettom.

Jeremaia 25:2

Nug Yawe oɗeppanu nai laa amu awom amunu, propet Jeremaia nug danab ah Jerusalem daappig, amu Juda danab ah laa oh ele amelagppa aum.