Jeremaia 34:9 - Nobonob Baibel

⁹ Nug tituana nai qakkak Jerusalem danab ah, Sedekaia ele heppig amu, nai amuppa ag ohnab anen anen ag ahilkad Hibru begbeg maɗi nid, danabtai o ahtai, ag amu oh uhuqadppeg, hamu daappeg, ag oolagppa laippu laa nug Hibru nug begbeg maɗi nid daakkunu ii hema. Ag nai amu qagappig.

Jeremaia 34:9 Referans Kwoze

Pilipai 3:5

Aɗinu? Da anai ooppanu doi, deɗ eblaih aɗit ukke, deɗ eblaih ewamppa ag da gaɗal otaɗppig. Da am Israel danab, Israel dilag huu okkai Benyaminnu; da am Hibru danabnab daattem. Da am ɗo gumak danab-Parasia, da Juda dilag ɗo tutukkuib dim lamidmi ele.

2 Korint 11:22

Totol danab hambuppuak amu ag am Hibru danabte? Aria, da ele am Hibru danab. Ag Israel danabte? Aria, da ele am Israel danab. Ag am Abraham buɗubte? Aria, da ele am Abraham buɗub.

1 Korint 6:8

Amge ag anam ii hetteb. Ag akka akka Kristen lailkad dilagppa keeke yab aotteb. Ag akka akka Kristen lailkad dilagppa eheɗ hetteb. Ag anam henana, ag danab nau hetteb bia helob am ele ena iitta, amge ag naunab hetteb. Ag lailkad dilag, amuam Kristen laala, ahilagppa kobol nau amu hetteb.

Jeremaia 34:10

Kingnu ehanittak anuqak danab oh, danab ah laa oh ag nug tituana nai qakkak amunu oolag dayom amunu, ag ahilkad begbeg maɗi nid maɗi ah ele uhuqadppeg, ag ag waalagppa tuɗidna ii daamnanu appig. Ag oh anamnu oolag daye, amu hekkulagnu appig amunu, ag ahilkad maɗi nid uhupadppig.

Jeremaia 30:8

Haen amuppa amu, da Jakop buɗub ag danab laa waalagppa daamnanu da ehanadppi, ag anam ii daamna; danab nug doɗnu duugppan tuqai makau duugppanu loppaɗe, hamu oitte, amubia da hekkul. Jakop buɗub ag baula wan laihnu danab waalagppa daan, ahilag begbeg maɗi nid ii daamna.” Yawe Nukka Ɠagattag Oh Ele, Nug anam awa atte.

Jeremaia 27:7

Wanppan wan oh ag nug waappa maɗi nid daan, nuhig uɗat hekkulag; nug bekka, nuhignu ele anamib daanna; nug alag, nuhignu ele anamib daaglag. Aria, anam dayebeb ukkeb, Nebukatnesar alagnu haenppa Babilon bu awak haen beeb, wanppan wan anen anen kuɗum, ahilkad king ɠagattag ele ag ahan heppeg, Babilon ag waalagppa daaglag.

Jeremaia 25:14

Da heppi, wan laala, ahilkad king ebehilkad okkai ele ag gona heppeg, Babilon danab ah ag ahilkad begbeg maɗi nid daaglag. Da heppi, Babilon ag heppig bia, ag eppelagppa aɗi aɗi heppig bia ahilagppa bekku,’ awa atte.” Yawe Nug da Jeremaia, nug da amelppa anam aum.

1 Samuel 14:11

Jonatan nug anam a, aa heeh, Pilistia ag anatna, ag akka akka appig. “Antteg! Hibru danab ag wan oɗeppa akka akka lokkumppig eleppa, ag amuppanu aɗeɗe uɗitteb,” aon appig.

1 Samuel 4:9

Ag anam akka akka mattiona amu, ag nai tuɗidna, akka akka inam ele madippig. “Amge ig Pilistia danab, ig ɠagattag daatu! Ig danabnab daatu! Iitta dayeb amu, Hibru danab umu ag eɗigppeg, ag ihinig maɗi nid daappig amu, ig amubia ahilag maɗi nid daagnig. Anam bemanu amu, ig danabnab daat, ig ban ɠagattag hetu!” aon appig.

1 Samuel 4:6

Israel danab eegeg, Pilistia dilag daup ag daulagppa doon, ag akka akka nug oɗ medappig. “Diig aɗinu Hibru danab ag haen tutu dayaknu aab kalak ahilagppa daanna, huan etteb?” aon appig. Ag anam aeg, Yawenu Tituanak Nainu Kunup Israel dilag haen tutu dayaknu aab kalakppa uɗiom; ag nai amu uɗie doonna,

Duteronomi 15:12

Am Israel danabte, o ahte laa, nug nukka nahip maɗi nid, o maɗi ah daakkunu heeb, na daden mekkut dayeb, nug maɗ eblaih laippu ele uɗat heeb ukkeb, maɗ eblaih aɗitppa na maɗi nidte, o maɗi ahte amu heppe, nug uhuqak awaɗ!

Eksodas 3:18

Kayak Nug Moses amegppa, nug Israel dilag ikki danab amelagppa anam akkunu awowa, amu Nug nai baula tuɗitta, Moses amegppa aum. “Na ag amelagppa anam appe amu, geha ag doon, na oɗen dim lamidkkulag. Aria, na Israel dilag ikki danab amu diippe, ag Isip dilag king toppa gona, inam amegppa akkulag. ‘Yawe, Nug am ig Hibru, ihinig Kayak, Nug ig atu taɗakppa gota, doɗ mait, Nug mettata, Nug noobppa dup nota, Nug binag mekkunignu ig gumikka uɗia, ig amenigppa aum amunu, na ig paɗaigppe, ig atu taɗak ooppa deɗ ewam gota teta, appa ig doɗ mait, Yawe mettagnignu oɗ medattem. Nug am ihinig Kayak.’ Ag anam aon aig!

Eksodas 2:6

Awa do, Paro aɗeg nug kaleg awa, ameg matula, nug nid yuɗ, nug am nid danab amu, nug nid amu kaleg ooppa niieye anttom. Nug kaleg ameg matule, nid amu gayeye antta, Paro aɗeg nug oo doye, nug aum. “O gadon! Imuam Hibrunu nid laa,” awa aum.

Genesis 40:15

Aɗinu? Anukka laa ag Hibru wanppanu aɗailna awiɗna uɗieg, iikku daattem. Amu ippa ele da maniguittak nau gatatu ele imuppa daakkulnu kobol eheɗ laa ii hemi,” awa aum.

Genesis 14:13

King amu ag anam heeg ukke, Abram nug am Hibru danab amu, haen amuppa nug Mamrenu ad ok gukkuattak dayom. Dayeye amu, Amo danab onilag Mamre, Eskol, Aner ele, ag am eamakkud amu, ag Abram ele nug tituanak ena daanna oidppig. Anam daaegeg amu, bannu oolak danab laippu nug Abram gumitta ukka, nug amegppa aum. “Ag Lot aɗi ele diiadna goppig,” awa aum.