Jeremaia 34:21 - Nobonob Baibel

²¹ Gemu Babilon dilag king nug Jerusalemnu aha, laih ukkom, amge nug eɗua uɗikku. Amu da heppi, laa ag Juda dilag king Sedekaia, nuhikkud ehanittak anuqak danab ele aqappeg mauhkkulagnu hetteb, amuam Babilon dilag king, nuhikkud daup ele, ag ag eppelagppa daaglag,

Jeremaia 34:21 Referans Kwoze

Jeremaia 39:6

Babilon dilag king nug a, Ripla appa Sedekaia noobppa ag Sedekaia bekkod oh aqaeg mauheg, Juda dilag anuqak danab oh ele aqappig.

Esekiel 17:16

Amu Naɗi Yawe Nug anam awowa, Nug tuɗitta atte. “Da genab bau daattem, genab amubia Juda dilag king nug ena ii daama; nug Babilon dilag kingnu wanppa mauhkku. Babilon dilag kingnu amu, nug Juda dilag king amu king abenabppa me dayom. Nug king amu ele nug tituanya, nai qakkaya, Juda dilag king nug Babilon dilag king waappa daakkunu nuhig nai ɠagattag qetta aum, amge Juda dilag king nug nai ɠagattag qettak nuhig amunu ena iinab doyom. Nug Juda dilag king amu ele nug tituanya nai qagapiɗ, amge Juda dilag king nug nai amu bippiɗom.

Jeremaia 52:10

Ripla appa am, Babilon dilag king nug a, Sedekaia amegppa anattette, ag bekkod oh aqaeg mauheg, Juda dilag ehanittak anuqak danab oh ele aqappig.

Gayak Nai 4:20

Amu danab laa, Yawe nug ihinig king daakkunu goɗen gokkaɗakppa tituane, ig ehanikka auta autanab awom amu; kekeɗ ag ahilag pelem meeg, nug amuppa teum. Ig nuhignu, “Ig nug waappa daat; wanppan wan laa oh oolagppa ena daagnig,” dabmemut, ⌊amge iitta⌋.

Jeremaia 32:4

Nug aokku amu, Juda dilag king Sedekaia nug ele genabnab genab Babilon dilag daup eppelagppa daakku. Nug uug amu ii eɗidma. Iitta. Babilon dilag daup ag nug aɗan, ag aon gona, Babilon dilag king eppegppa meppeg, nug Babilon dilag king amegppanab antta, noobppa dayebeb, Babilon dilag king aɗi aɗi oɗ mettebeb, nai madikku.

2 King 25:6

amunu Babilon ag Sedekaia aɗappig. Ag nug aɗan, Babilon dilag king nug ⌊Hamat wanppa⌋ aab onig Ripla appa dayom amunu, daup ag Sedekaia aon gona, appa Nebukatnesar eppegppa meeg, nug ag nuhignu aɗi aɗi hekkulagnu aum.

Jeremaia 22:25

Laa ag nidappeg mauhkkutnu hetteb, na ag baɗadttem ele amu, da na ag eppelagppa meidkkul. Ge, da Babilon dilag King Nebukatnesar, nuhikkud daup ele eppelagppa meidkkul.

Jeremaia 32:3

Juda dilag king Sedekaia nug Jeremaia maniguittak daakkunu anan, Jeremaia amegppa inam aum. “Na dimppa aɗi bekkunu nai madittem amu, aɗinu na anam madittem? Na dimppa aɗi bekkunu nai mattinna, na danab ah amelagppa inam attem. ‘Yawe Nug inam atte. “Da aab okkai imu Babilon dilag king eppegppa meppi, nug eɗitta aokku.

Jeremaia 44:30

At am inam. Da heppi, Isip dilag Paro, Hopra, nug kekeɗ ag nug qeppeg mauhkkunu oolag hette, nug ag eppelagppa daakku. Babilon dilag king Nebukatnesar, nug Juda dilag king Sedekaia qeeb mauhkkunu oo he, da hei, Sedekaia nug Nebukatnesar eppegppa dayom, amubia Paro, nug kekeɗ nug qeppeg mauhkkunu oolag hette, nug ag eppelagppa daakku.” Yawe Nug anam awa atte.

Jeremaia 52:8

Ag anam oolppig, amge Babilon dilag daup ag dim lamadna gona, King Sedekaia nug uɗem okkai Jeriko guguittak appa ugekke, ag nug qe-eɗidppig. Sedekaianu daup oh ag laippu nug ele ii daappig; ag oolna, matatun laih laih gona daappig,

Esekiel 17:12

“Na Juda danab ah, ag am nai tappe nak danab ah amu, na ag amelagppa inam appe doyeg! ‘Ag nai amunu meu doottebte?’ aon oɗ matte! Na amu awona, na inam ele appe doyeg! ‘Nai amunu meu am inam. Babilon dilag king nug Jerusalem ukka, Juda dilag king, anuqak danab ele eppelag hippala, diia Babilon uɗiom.

Esekiel 17:20

Da heppi, Babilon ag nug danab doɗ uhuippa aotte bia nug aoglag. Ao, da heppi, Babilon ag danab doɗ pelemppa aotte bia nug aoglag. Da heppi, ag nug awona, Babilon aon goppeg, nug dahilnu oo metta ii uuak kobol ii dim lamitta heum amu, da amunu appa nug bu medakkul.