Jeremaia 34:14 - Nobonob Baibel

¹⁴ “Maɗ eblaih laippu ele ukkeb, maɗ eblaih aɗitppa Hibru danab, o Hibru ah auntai nug he, nug ag oolagppanu laa waappa nuhig maɗi nid daatte amu, ag anen anen ag danab ah amubia uhuqadppeg, ag ag waalkadppa, ahilkad maɗi nid tuɗidna aib daappig. Ag uhuqak dayeg! Danab o ah amubia ag maɗ eblaih laippu ele ahilkad maɗi nid daan, ahilag uɗat hekkulag, amge maɗ eblaih aɗitppa ag tuɗidna ahilkad maɗi nid ii daamna. Ag uhuqak aon, hamu daaglag, amu ag laa ag uhuqadkkulagoitte ami. Da anam ami, amge ag mamelkad aɗi ag da oɗel ii dooppig. Ag daulag human, nai doon, elele ii dabmedappig.

Jeremaia 34:14 Referans Kwoze

Duteronomi 15:12

Am Israel danabte, o ahte laa, nug nukka nahip maɗi nid, o maɗi ah daakkunu heeb, na daden mekkut dayeb, nug maɗ eblaih laippu ele uɗat heeb ukkeb, maɗ eblaih aɗitppa na maɗi nidte, o maɗi ahte amu heppe, nug uhuqak awaɗ!

1 King 9:22

Amge Solomon nug he, Israel nid laa nug begbeg maɗi nid dayaya, uɗat ii heum. Iitta. Nug Israel amu he, laa ag nuhikkud ban danab daappig, laa ag nuhikkud ehanittak anuqak danab daappig, laa ag ban daup ikki digdig daappig, amu laa ag daup ag bannu karis attan daan, ban heppig, daup ag hos attan daan, ban heppig ele, ag amu dilag ikki danab ele daappig.

Rom 7:24

Gadonnab! Da qagaiettaknab daattem! Da dakka dabmak dahilppa Kayaknu ɗo waappa daattem, amge ool alagppa amu, da hipuninnu ɗo waappa daattem. Aun nug da ehaniɗeb, da baula hipuninnu ɗo, nug he da mauhttem ele amu, da nug waappa ii daapa? Amu da Kayak amegppa, “Ena heme,” awe attem. Aɗinu? Jesus Kristus, ihinig Naɗi, nuhigppa da uhuqak ena aomi daattem.

Amos 8:6

Ag daɗek danab ah ahilkad maɗi nid daaglagnu silwappa daden maadtteb. Ge, ag laa keekenu tutu mak daatteb ele, ag nob honapnab, baeg gaɗa, amuppaib ag ahilkad maɗi nid daaglagnu daden metteb. Ag ele ee aeg mumuɗak abenppa wit, kinipap ele tatakppa awak, ag amu meegeg, laa ag daden metteb.

Amos 2:6

Yawe Nug inam atte. “Israel danab ag hipunin kuɗum heppig amunu, da ool nauhtte. Da ool nauhtte amunu, da bu madakkul. Da oppoɗi bak dahil heppi, iitta ii mema. Hipunin laa ag hetteb am, ag genab tutukku hak danab aɗualadna, genab tutukku hak danab ag laa dilag maɗi nid daaglagnu maatteg, laa ag silwa men doɗoppa daden metteb. Ao, Israel ag daɗek danab aɗualadna, daɗek danab ag laa dilag maɗi nid daaglagnu maatteg, laa ag baeg gaɗappa, men doɗo iittappa, baeg gaɗappaib daden metteb.

Esekiel 20:8

Da anam ami, amge ag dahil nai tappaeg neum. Ag dahil nai dooglagnu uuppig. Ag dottolkad uɗig wak ele, ag dottolkad amu binalag mekkulagnu oolag okkai daatte amu, ag dottolkad amu ii akkaeg goppig. Ag Isip dilag kayak hambuppuak dottolkad binalag mekkulagnu ii dimadppig. Ag amu heppig amunu, da oppoɗil be, bu okkainab madakkulnu ami. Ao, da ool nauhehe, da ahilag hak naunu nob naunab madakkulnu ami.

Esekiel 20:4

Amu Nug da amelppa aum. “Na Israel danab ah ag bu aoglagnu nai appe doyeg! Ge, danab bekka, na Israel danab ah ag bu aoglagnu nai appe doyeg! Na anam henana, na ag mamelkad aɗi ag kobol digdig, da kobol amunu oolppa uuaknab doottem amu, ag kobol amu heegeg ⌊uɗie, gemu batak anamib daatte⌋, na amu ippunatte!

Jeremaia 32:30

Israel huu, Juda huu ele ag memetalkad anukkanab, ag digmena, kobol digdig, danab nug kobol amu hette nug da neegttemppa eheɗ hette amu, ag kobol amu aakkuib heegeg uɗie, gemu ele hetteb. Genab, ag eppelagppa kayak hambuppuak dottolkad bappaidna, ag heegeg, da oppoɗil beum daatte.

Aisaia 58:6

Da kobol anamnuib amu, da ool ii hette. Kud ma dayaknu da ool hette ele am inam. Danab nug eheɗ laa ii heum, amge nug hippalak daatte amu, ag danab laa baegppanu sen uhuqeg, hamu daatte, amubia ag uhuqppeg, hamu dayaɗ! Amu doɗnu duugppan tuqai makau aɗit duultippa qakkak daatte, danab ag muɗi amu uhuqtteb, ag amubia danab ah uhuqatteg! Amu ag danab ag laa eppelagppa daan, uug dootteb amu, ag ehanadna, danab ag doɗnu duugppan tuqai qiialatteg netteb, ag amubia uugppanu uhuqatteg!

Aisaia 50:1

Yawe Nug atte. “Danab laa nug wau nuhigppa eheɗ heum doya he, aha gotte amu, da amubia hemi amunu, ag gona, wan laappa maɗi nid daattebte? Iitta! O iitta, danab laa nug laa eppegppanu lon awa, eɗua medakkunu elele iitta amunu, lon mameg nug danab lon awom wau, bekkod ele laanu maɗi nid daaglagnu me, daden mette ele amu, da anam bia hemi amunu, laa ag Juda, ag ag diiadna goppigte? Iitta! Amu ohnu am iittanab iitta! Ag hipunin heppig amunu, ag laa eppegppa daatteb. Ag hipunin heppig amunu, ag gona, diia ukka laih me dayak danab ah wan laappa daatteb.

Nehemaia 9:30

Ig mamenkad aɗi ag anam heegeg, maɗ kuɗum na oot bodoette, bu ii mattame. Ag oolag eɗueb, na dim lamidkkulagnu haen mattame. Nahip Ouɗi Nug propet danab ehanatte, na propet danab amu oɗelagppa danab amu daulag batame. Na anam heme, amge ag dab-ii-medappig amunu, na hee, ag kekeɗ ag taliliadna daappig ele eppelagppa daappig.

2 Stori 36:16

Anam maatte goppig, amge Juda danab ag Kayaknu nai awa ukkak danab nai aon goppig ele, ag nai amunu ena iinab doon, ag Yawenu danab amu aon aon aqanna, ag Yawenu propet ele aon aon aqaegeg, Yawe Nug amunu oppoɗi bak doya, bu madakkunu dabmak awe, laa heeb bu ii aomnanu ib laa ii dayom.

2 Stori 28:10

Ag nau amu oh hena, gemu ag heppeg, Juda danab ah imu, laa Jerusalemnu, laa Juda wanppa laih laihnu, ag ahilkad begbeg maɗi nid daaglagnu dabmenan hetteb. Ag amu hetteb, amge ag ele ag Yawe, ahilag Kayak, ag nuhigppa hipunin iite heppig? Ag beɗulagppa aab iite daatte?

1 King 21:25

Haen Ahap nug king dayom amu, Nug Kayaknu neekkakppa genabnab genab nug kobol eheɗib nuhig ɠagattag ohppa hekkunu dabmaama oiya, amu haknu danab laa oh eɗattom. Yawe Nug nuhig neekkakppa kobol amunu am nauib dootte. Aria, nug wau Jesebel amu, nug anam hekkunu duttunak ele heum.

Jeremaia 35:15

Da haen kuɗum dahilad maɗi nid, ag propet amu, da ag maatti, ag gona, ag Israel, ag amelagppa inam appig. ‘Ag anen anen ag nau hak ahilag uun, ii henana, ag ena hak henana, ag kayak laa dim lamadna, waappa daan, ag oɗelag dim lamidkkulagnu aib heppig. Ag amu hekkulag dayeb amu, ag haen elab wan imuppa, da wan imu ag mamelkad aɗi mattami amu, ag wan imuppa haen elab daaglag.’ Da propet oɗelagppa haen kuɗum anam ami, amge ag daulag human, nai dahil ii dabmedappig. Ag dahil nai ii dooppig.

Lewitikas 25:10

Ag maɗ amu Kayaknu tituana mettak daakkunu tituaneg! Ag Israel danab laa, ag Israel laa ag ahilkad maɗi nid daan, uɗat hetteb ele amu, ag Israel laa ag ag uhuqadppeg, baula ag waalkadppa ii daamnanu daatte. Maɗ amuam ahilag maɗoɗnu gamag ahak dayaknu maɗ tituanak daatte. Aria, gamag ahaknu maɗ amuppa amu, ag oolagppanu laa ag wan ahilkad uun gona, laa dilag maɗi nid daappig ele amu, ag gamag ahaknu maɗ amuppa eɗun gona, memetalkad dilag wanppa, ahilkad aab ikki, amuppa daaglagnu daaglag.

Duteronomi 15:1

Maɗ eblaih laippu ele ukkeb, maɗ eblaih aɗit ele iitta mekkunu heebeb amu, ag anen anen ag men doɗo Israel danab laa lon medappig, ag men doɗo amu eɗun mattaglagnu daatteb amu, ag lon amu hamu obippeg, iitta maɗ!

Duteronomi 15:9

Am ag dabmen autna aweg! Am ag dabmak nau aon aɗan, akka akka ahilagnu inam aib appig. “Nakok laa ele amu maɗ eblaih aɗit ele, amuam lonnu hippalakppanu uhuqaknu maɗ amu, maɗ amu digmekkunu daatte, am da men doɗo dahil eɗuen aokkulnu elele iittatai.” Dabmak amuam ena iitta. Ag amubia dabmena, ag daɗek keeke laa ii mattaglag am eheɗ. Danab amu amu, ag am ag lailkad, am ag ii ehanadkkulag dayeb amu, ag eheɗ heppignu Yawe oɗ mettaglagnu elele daatte. Ag anam heppeg, Kayak Nug ag eheɗ heppig akku.

Jeremaia 11:7

Aɗinu? Haen da ag, Israel, ag mamelkad aɗi Isipnu omalatti uɗippig, haen amuppa da digmein, nau aomnanu dabmettak nai haen kuɗum ag amelagppa matti uɗie, gemu batak. Da nau aomnanu dabmettak nai mattieye, da, “Ag da oɗel dim lamitteg!” ami.