Jeremaia 33:22 - Nobonob Baibel

²² Da heppi, dahil maɗi nid Dawit buɗub, amu Lewi buɗub, ag dahil ɗo maɗoɗnu uɗat da noolppa hetteb ele amu, ag appatna daaglag. Ahilag ebqak am hoɗoppai habppa daatteb, o yu ihippa abuɗ niitte bia, ag amubia daaglag.’ ” Yawe Nug Jeremaia nai amu mettom.

Jeremaia 33:22 Referans Kwoze

Genesis 22:17

amunu, diig amunu da genabnab genab na itidkkul. Da itidppi, na buɗunad ag appatna, abuɗ le ihippa, o hoɗoppai bia kuɗum daaglag. Ag kekeɗ eɗadna, ahilkad aab diiglag,

Hibru 11:12

amunu, danab laippu amu nuhigppa danab appatna, kuɗumnab daatteb. Nug am mauhom bia dayom, amge nug buɗub ag gemu ebqaknu elele iitta daatteb. Ag hoɗoppai habppa daatteb dilag ebqak bia, amu yu ihippa abuɗnu ebqak bia daatteb.

Genesis 15:5

Awowa amu, Nug Abram omala, dimittim noa, amegppa aum. “Na neegppe teeb, habppa hoɗopai daatteb ele umu, na ebaqadkkutnu elele daattem dayeb amu, na ebaqe! Na buɗunad amu, geha ag anam daaglag,” awa aum.

Jeremaia 31:37

Anam amu, Yawe Nug imu ele atte. “Danab laa nug hab genab melemel ma, elab amu gane dookku dayeb, o danab nug wannu ukku ohnu keeke hettoɗia, amu oh doya malakku dayeb amu, da Israel dilag eheɗ hak dabmein, Israel buɗub oh geɗadkkul, amge anam iinab bema,” awa atte.

Aisaia 66:21

Ag diin uɗippeg, da amunu laa ag Lewi buɗubppan mana mettak danab daappeg, amu laa ag Lewi buɗubppan mana mettak danab iitta, ag anam daaglagnu otiadkkul,” Yawe Nug anam awa atte.

Sekaraia 12:8

Yawe Nug Jerusalem danab ehanatteb, kekeɗ eɗaɗkkulag, deɗ amuppa amu Nug aun aɗi Jerusalem daatteb, Nug amu dilag guppiɗ daakku. Nug ehanatteb, aun laa nug ɠagattag iittanab ele ag oolagppa daatteb, ag ɠagattag ahilag am Dawitnu bia oiglag. Amu Dawit buɗub ag Jerusalem danab ah gumadkkulag. Ahilag gumak, amuam tatam Yawenu engel laa ag omalatta gumattom, ag amubia gumadkkulag; Kayak gumadtte bia daakku.

Hosea 1:10

Anam aakku, me geha haen laa uɗieb, Israel am wan laa onig okkai ele daakku. Deɗ amuppa nuhig danab ah geha yu ihippa abuɗ huanak daatte, amubia ag huanak daaglag. Geha huanaknab, ebaqaknu elele iitta daaglag! Amu aben da ag amelagppa, ‘Ag amu dahil danab ah iitta,’ ami, aben amuppa geha da ahilagnu, ‘Ag amu da Kayak bauklel ele, ag da bekkalad,’ akkul.

Esekiel 44:15

Lewi buɗub amu, ag amu hekkulag, amge Lewi buɗub laa, ag Sadok buɗub amu, ag am mana mettak danab daaglag. Haen Israel laa ag da uuiɗna, uma ukkaeg amu, Sadok buɗub ag ahilag uɗat da noolppa mettid lag dahilppa hekkulagnu dayom amu aakku heppig. Ag amu heppig amunu, ag da gumiɗna uɗin, da noolppa dahil ɗo maɗoɗnu uɗat hekkulag; ag doɗ ittag manan meɗan, ag tiig ele gokkaɗkkulagnu aakku daatteb.” Naɗi Yawe Nug anam atte.

Sam 89:29

Da geha heppi, nug buɗub oolagppanu laala ag ahilag haen anen anenppa, ag Israel dilag king hanhan bena daaglag. Yo, da geha heppi, hab dayebeb amu, king dayaknu ehah am nug buɗuppudppa hanhan daakku.

Sam 22:30

Laa butti aɗi dokkulag, ag Nug waappa daan, nuhig maɗi nid maɗi ah ele daaglag. Yo, laa amu ag Naɗi aɗi aɗi heumnu appeg dooglag.

Genesis 28:14

Na buɗunad ag wan gappud bia appatna, wan aben imuppanu qaban uɗitteppanu daatte, wan kaɗag uɗitteppanu daatte, wan yawalti uɗitteppanu daatte, amu wan yau uɗitteppanu daatte ele aoglag. Aoppeg amu, wan laa ohnu danab ag na, na buɗunadppanu ele itittak ena aoglag.

Genesis 13:16

Da heppi, na buɗunad appatnana, kuɗumnab, ebaqak ahilag am wan kalu bia bekkulag. Danab laa nug wan ohppan kalu ebaqa dookkunu elele daatte dayeb amu, nug Abram buɗub ebaqakku.

Aisaia 48:19

Ag anam helob amu, ag buɗulkad ag yu ihippan abuɗ bia daalob. Ag dimulagppa uɗiglag amu, ebqak ahilag am abuɗnu ebqak bia daalob. Ag anam helob am da heppi, laa ag uɗin heppeg, ahilag wan am padal ii melo. Da noolppa iitta ii melo,” awa atte.

Jeremaia 30:19

Da anam ehanadppi, Jakop buɗub ag ahi ettanna, ag ahi amuppa, ‘Ena hen mekkame,’ da amelppa akkulag. Ag oo gamag ahak okkai doon, gamag ahaknu heppeg, oqotti okku. Da heppi, ag appatna, kuɗum daaglag. Ag ahilag ebqak am tutu ii mema. Da heppi, ag danab onilag ɠagattag ele daaglag; danab laa ag ahilagnu, ‘Ag binalag ele,’ dooglag.

Jeremaia 33:18

Anam daakku amu, anamib mana mettak danab, ag ele Lewi buɗub amu, ag da noolppa hanhan daan, manaknu ofa, ee aegnu ofa, amu doɗ laala manan meɗaglagnu ele hekkulagnu aakku daaglag. Lewi buɗub ag daanna, uɗat amu hekkulagnu ii iitta memana,’ ” awa atte.

Jeremaia 33:23

Amu Yawe Nug nuhig nai imu Jeremaia mettom.

Esekiel 37:10

Yawe Nug da anam hekkulnunab aum amunu, da dimppa aɗi bekkunu nai Nug da amelppa aum amu, da nai amu ami. Da nai anam mattiyi, ouɗi beɗulkad amu ooppa noa ukke, beɗulkad amu ag eɗun bau daanna, ag baelkadppa hippaidna daappig. Ag kuɗumnab, ban daup ebqak kuɗum daatteb bia daappig.

Sekaraia 2:4

engel da ele nai mattimuɗ nug engel laa amegppa aum. “Na paha gona, nid bau melemel doyaknu muɗi aɗatte amu, na nug amegppa inam appe doyaɗ! Deɗ laa dimppa danab ah huanak, doɗ manan ele Jerusalem appa daaglag. Ag kuɗumnab Jerusalem daaglagnu henana, ag oh aab ooppa daaglagnu elele iitta amunu, kuɗum ag aabnu aɗ dimittim daaglag.

Sekaraia 10:8

Da ag onilagppa ein qagmaadkkul. Ge, haen amuppa da qagaiettakppanu eɗua uhuqak hekkul amunu, ag appatna, kuɗum bena, anukka kuɗum daappig bia daaglag.