Jeremaia 33:20 - Nobonob Baibel

²⁰ Nai mette amu, Jeremaia nug inam doyom. “Da, Yawe, da inam attem. ‘Da amahlak hanhan amunppa, nuhig haenppa daakkunu, gatatu hanhan tuqan, nuhig haenppa daakkunu ele nai qakkami, amu laa nug heeb, amun, tuqan ele aa ahilah haenppa ii daaglahnu am elele iitta.

Jeremaia 33:20 Referans Kwoze

Sam 89:37

Kalam daatte, amubia king dayaknu ehah amu nuhigppa hanhan daakku. Ao, hab daatte, amubia king dayaknu ehah amu nuhigppa hanhan daakku.’ ” Kayak Nug anam aum. Sila.

Genesis 8:22

Wan nug dayebeb, ee eppak haen, ee awak haen, oug haen, gakkaɗak haen ele, gu haen, aam haen, tuqan, amun ele, keeke amu oh iitta ii mema; anamib daakku,” awa aum.

Genesis 1:17

Kayak Nug anam haaha, Nug amahlak amu oh, ag wan amahlak mettaglagnu, aam nug amunppa amahalkkunu, kalam, hoɗopai ele, ag tuqan amahalkkulagnu, ag amun, tuqan ele oppatkkulagnu habppa maattom. Keeke amu oh anam beeg, Kayak Nug ena anttom.

Lewitikas 26:44

Amge ag kekeɗ wanelagppa daappeg, da ag dimattena, ahilagnu ena iinab doyeye heppi, ag iitta ii memana. Iitta. Ag diia ukka laih me dayak danab ah daan, haen ag ahilkad kekeɗ dilag wanppa daappeg amu, da hei, da ag ele nug tituana nai qakkak hemut am ii tippalpa. Da anam helom amu, da ag ohnab aqalom, amge da anam ii hepa. Aɗinu? Da am Yawe, ahilag Kayak.

Sam 89:34

Da hei, da nug ele nug tituanɗa, nai qakkamuɗ ele amu, da nai amunu hamu bia doyen, ii tippalpa. Ao, da nai ami amu, da iinab baolipa.

Sam 148:6

Yawe Nug keeke oh ag abenlagppa, appa hanhan daaglagnu maattom. Ao, Nug ɗo ag amuppa daaglagnu aum amu, nai amuam ii eɗuma.

Jeremaia 33:19

Amu deɗ laa Yawe Nug nuhig nai imu Jeremaia mettom.

Aisaia 66:22

Yawe Nug ele atte. “Amu hab bau, wan bau da hekkul ele amu, keeke aɗit amu hanhan da noolppa daaglah, amubia amu, ag Israel ag onilag am hanhan dayebeb, ag buɗulkad ele am iitta ii memana.