Jeremaia 33:14 - Nobonob Baibel

¹⁴ Amu Yawe Nug atte. “Deɗ laa uɗitte amu, deɗ amuppa da aɗi nai enanag dahil ɠagattag qetten, Israel danab ah, amu Juda danab ah ele amelagppa ami amu, deɗ amuppa da heppi, meu okku.

Jeremaia 33:14 Referans Kwoze

Jeremaia 23:5

Da Yawe, da inam attem. “Haen laa dimppa amu, da geha heppi, danab laa Dawit buɗubppanu bekku; ad diigppa ita bau bette, amubia bekku. Danab amu nug genab tutukku hak danab, amu nug geha king dayaya, nug geha doyak dabmak ena ele dim lamitta, nai doya mala hettoɗia epeɗia elele mettak kobol, kobol genab tutukku ele dim lamitta, nug danab ah gumadkku.

2 Korint 1:20

Ao, Kayak Nug keeke oh hekkunu nai qakka aum amu, ag oh Kristus nuhigppa meu otteb. Kristus nuhigppa, ig “Genab, anam dayaɗ!” atata, nai amuppa ig Kayak binag mettem.

Jeremaia 29:10

Amu Yawe Nug inam ele atte. “Babilon nug ɠagattag maɗ 70 dayebeb, nuhig ɠagattag dayak haen amu iitta mekku amunu, haen amuppa da ag Juda, gemu Babilon wanppa diia ukka laih me dayak danab ah daatteb, da ag gumatten ukken heppi, da kobol ena ahilagppa hekkulnu nai ain qakkami am meu ob, ag eɗun ippa uɗiglag.

Genesis 49:10

Juda nug hanhan kingnu qakun aɗa daakku. Ao, Juda buɗub laa ag hanhan king daan oiglag. Ag anam daappeg ukkebeb, dimppa laa nug kingnu qakun mamegnab nug uɗia aweb batakku. Nug uɗieb amu, wan laalappan oh ag nuhig nai dim lamidkkulag.

Genesis 22:18

amu da heppi, na buɗunppa wan ohppan danab ag itittak ena aoglag. Aɗinu? Na nai dahil dim lamidme.’ Yawe Nug anam awa atte,” awa aum.

Amos 9:11

Yawe Nug atte. “Ag Israel, ag Edom danab oɗo yaak daaglag gumaglagnu, ag wan atu laa oh danab ag anukka da onil waappa daappig ele, ag ag ele gumaglagnu da danab lag na qeum bappaitte, eɗua enanag daatte, laih atten nauhak daatte bappaitte, dayom bia eɗua daatte, da amubia ag Israel, da ahilagppa hekkul.” Yawe, Nug keeke amu oh heeb bekku amu, Nug anam awa atte.

Revelesen 19:10

Anam a amu da nug noobppa dup noin binag mekkulnu nug baegppa laippun gatel qaun oin gomelen, iɗul wanppa memi, amge nug da amelppa aum. “Na anam ii hemana! Da na, amu na laipad ele, ag oh Jesusnu oolagppa genab doonna, nuhignu mehuqtteb ele, da na ag ele, ig oh am Kayaknu maɗi nid. Na Kayak noobppa dup nona binag me! Aɗinu? Propet ag Kayak Ouɗi ɠagattagppa Jesusnu mehuqak heppig, amubia Jesusnu mehuqak oh am Kayak Ouɗi ɠagattagppa bette,” awa aum.

1 Pita 1:10

Eɗua diiak amunu amu propet, ag Kayaknu ehanittak okkai hamu mettak, ag gemu nai imu ebqetteb ele, ag amu aoglagnu dayeye, propet ag amu ii uɗiak haenppa amunu mehuqppig ele amu, ag eɗua diiak amunu diig dooglagnu, ag hettoɗin autnanab aoppig.

Hibru 11:40

Aɗinu? Kayak Nug ag haen Nug tituanom ele amu haen amu ameg mebeppeg, ag ig ele oh, ig haen amuppa elelenab beta daagnignu dabmeum.

Luk 10:24

Da ag amelagppa attem. Anukka propet kuɗum, king ele ag keeke gemu ag anidtteb ele imu anidkkulagnu oolag dayom, amge ag ii anidppig. Ag nai gemu ag dootteb amu, ag amu dooglagnu oolag dayom, amge ag ii dooppig,” awa aum.

Malakai 3:1

Yawe Nukka Ɠagattag Oh Ele Nug atte. “Antte! Da heppi, dahil nai awa ukkak danab laa nug ukka, dahil ib da nool awa bappaidkku. Nug anam heeb amu, da Naɗi, ag da aniɗkkulagnu mattiɗtteb amu, da pahanab da laulppa uɗikkul. Ao da, da am nug tituana nai qakkak nainu Okkai daattem, ag dahil uɗiaknu oolag huana hette ele amu, antteg! Da uɗikkul.” Yawe Nukka Ɠagattag Oh Ele Nug anam awa atte.

Maika 5:2

Amu Yawe Nug atte. “Amge ag danab ah Betlehem Eprata daatteb, ag Juda wanppan aab ikki laa oh oolagppa aab ikki nakoknab daatteb, amge dimppa laa Nug ag oolagppanu, Nug Israel dilag okkai danab dayaya, gumak uɗat amu ha meɗakkunu bekku. Laa amu hekku, Nug mamekkud huu am tumaiib ii digmeppig; iitta, Nug mamekkud am anukkanab digmeeg uɗie uɗie, gemu ele daatteb. Nug huu amuppa bekku.” Yawe Nug anam atte.

Daniel 9:25

Daniel, na keeke doon, diignu doyak tutukku aɗe! King laa nug Juda, Israel ele ag gona, Jerusalem eɗun bappaidkkulagnu ɗo laa meeb, haen amuppa digmeeb ukkeb, laa king daakkunu goɗen gokkaɗakppa tituanak ele, nug nuhig gumak abenppa tekku amu, amuam haen maha 7, amu haen maha 62 laa ele; oh am 69 aakku. Ag Jerusalem eɗun bappaidnana, ag aab ooppan ib hena, ag aab dimittim daug daug ohppa, kekeɗ ag talilidna, aab ooppa gomananu le moɗ ele buuglag. Ag haen uug eleppa aab okkai amu eɗun bappaidnana, amu hekkulag; uug haenppa ii helob bia, amge ag anam hekkulag.

Aisaia 7:14

Na atnu oɗmak hekkutnu uume amunu, Naɗi Nug nukka geha at laa na ippunidkku. At amuam inam. Ah makkun laa nug oo ele daya, geha nug nid danab menua, nid onig Imanuel ataɗkku.

Jeremaia 31:27

Amu Yawe Nug atte. “Haen laa uɗitte amu, haen amuppa da heppi, Israel danab ah, Juda danab ah ele ag wanelagppa daanna oinna, ag, amu ahilkad sipsip, makau keeke ele oh kuɗum appatna daaglag.

Daniel 2:44

Baeg wan tabatte, wan aab aɗuppa ewom, aen ele qataqak am king laala ag laippu daaglagnu hekkulag, amge laippunab ii daamna ippunigtte, haen ag amu henan daappeg, haen amuppa Kayak hab attan daatte, Nug ɗo maɗoɗ laa daakkunu heeb, ɗo maɗoɗ amuam hanhan daakku. Ɗo maɗoɗ laa wan atu gumaglagnu ahan, ɗo maɗoɗ amu eɗidna ii aomna. Ɗo maɗoɗ amuam ɗo maɗoɗ oh heeb, iitta mekkulag, amge ɗo maɗoɗ amuam hanhan daakku.

Jeremaia 32:42

Amu Yawe Nug atte. “Da hei, uug naunab imu danab ah imu dilagppa iikku beum daatte, amubia da eɗue, ena hadappi, enanag daaglagnu nai dahil, da nai amu mattie, ɠagattag qettami amu, nai dahil amu ele am meu okku.

Jeremaia 33:9

Da Israel danab ah dilagppa, Juda danab dilagppa ele anam hewoya, da Jerusalemnu dabmein, da gamag ahak dookkul. Amu wanppan wan ohppan danab ah ag kobol ena ena da Jerusalem appa hekkul anidna, ag onig okkai, binag ele da meɗaglag. Ge, ag da maɗoɗ okkai, enub okkai ele Jerusalem danab ah madakkul anidna, ag dahilnu ebehilag oh bodoetta le meebeb, ag beɗulag hahaɗkku.” Yawe Nug anam atte.