Jeremaia 32:39 - Nobonob Baibel

³⁹ Ag, amu ag buɗub dimppa dokkulag ele, ag dahilnu ebehilag oh bodoetta le mekku dayeb amu, ag ena, elele daaglag. Anam amu, ag dahilnu ebehilag oh bodoetta le mekkunu da heppi, ag oolag unuqagppa, ahilag dabmakppa ele ag da noolppaib dup nona, da binal mekkulagnu, ag da oɗelib dim lamidkkulagnu dabmak anam daakku.

Jeremaia 32:39 Referans Kwoze

Aposel 4:32

Danab ah ag oolagppa genab dooppig ele ag anam aakku henana, ag oh dabmak laippuppa oolag laippu dayeye, amu danab laa nug keeke ele nug nuhignuib ii aɗom. Iitta. Keekeppa amu ag nug ehanitteg,

Jon 17:21

O Mame, na dahilppa daattem, da nahip-ppa daattem, amubia ag oh laippu daaglagnu unuqidttem. Amu laa ele, wanppan danab ah wannu kobol dim lamadtteb ele ag na da meiɗe uɗimi oolagppa genab dooglagnu amu, dahilad ag ihinihppa daaglagnu ool daatte.

Esekiel 37:25

Ag anam henana, ag wan ag mamelkad aɗi daadppigppa, wan amu da Jakop mettami amu, ag amuppa daaglag. Ag, ag bekkalkad, ag alalkad uma ukkak ele ag hanhan wan amuppa daaglag. Ag anam daappeg, dahil maɗi nid Dawit, nug hanhan ahilag okkai daakku.

Esekiel 36:26

Da amu hewoya, da ag oolag alag hiɗe, oolag bau madakkul. Da heppi, ag dabmak laa ele aɗan oiglag. Ag oolag alag am ɠagattagnab, men bia, amge da amu hiɗen, oolag bau, oolag ena, ɠagattagnab men bia iitta, oolag amu da ag madakkul.

Hibru 10:20

Jesus Nug ib bau, ib amuppa ig bauklel aottem ele buua mekkom. Anukka danab ag Oo Gunnab Eleppa gokkulagnu am ib keldoak dayom. Lamen naɗi laa aihak dayom ele amu, nug ib amu keldoum, amge Jesus Nug mauhak nuhigppa lamen naɗi amu pattiɗa, ib babaitta mekke, ig Oo Gunnab Eleppa nokkunignu elele daattem.

Jon 14:6

A amu, Jesus Nug nob ma aum. “Da am ⌊Kayak gumitta ukkaknu⌋ ib. Laa ele amu, da am doyak diig genabibnu diig, amu da bau dayaknu diig ele. Danab nug Kayak gumitta gokkunu amu, daib nug ehanidppi gokkunu elele daattem.

Jeremaia 32:40

Da heppi, da ag ele ig nug tituana nai qakkak hekkunig amu, nai qakkak amuam hanhan alet daakku. Nai amuppa da hanhan enaib hadakkul; da kobol amu ii tuqe aopa. Ag da dimeɗan, kayak laa dim lamidmananu da heppi, ag dahilnu ebehilag oh bodoetta le mekku.

Prowerb 23:17

Na hipunin danab dilagnu aib amen qe, oot elele ii dayom; iitta, na hanhan Yawenu ebehin oh bodoetta le mekkunu yag-nab-bak doye!

2 Stori 30:12

King, nuhikkud ehanittak anuqak danab ele ag Yawe Nug ag Pasowanu aɗi hekkulagnu ippuanattom hekkulagnu haknunab appig amu, Juda appa Kayak Nug he, Juda danab ah ag nai amu dim lamidkkulagnu dabmak amu aon dayeg, dabmak amu ɠagattag dayom.

1 Korint 7:14

Amu ag doyeg! Danab nug Naɗinu ooppa genab ii dootte, amge ah nuhig nug ooppa genab dootte, gamu nug ahppa Kayaknu tituanak daatte. Aria, amubia ah nug ooppa genab ii dootte, amge nug gamu nug ooppa genab dootte, wau nug danabppa Kayaknu tituanak daatte. Anam iitta amu, haen aa nid menuadkkulah, ag am Kayak ele ouqa dayaknu elele iitta, amge anam iitta. Nid amu ag Kayaknu tituanak daatteb.

Aposel 13:33

amu haen Nug he, Jesus eɗua hibaittom, amuppa Nug ig, danab amu bekkalkad, Nug ihinignu aakku he, nai amu meu oum. Amuam nai Sam aɗitppa daatte bia. Nai amuam inam. ‘Na am da Bekkal; gemu amu, da na Mamen bemi daattem.’

Aisaia 35:8

Amu Yawe heeb, wan enanag dayeb, amuppa ib naɗi enanag ele daakku. Ib amu onig am Danab Oppiaawak Ba Daakkunu Ib. Danab ah ag Yawenu neekkakppa ag oolagppa dubuttid teum daatteb ele, ag ib amuppa ii oimna. Iitta. Ib amuam danab ah ag Kayakib dim lamidna, hipunin ii hetteb ele, ag ippulag aakkuib daakku. Nau hak danab ag Yawe dab-ii-mena ii dim lamidtteb ele, ag amuppa nakok laa oiglagnu elele iitta.

2 Korint 13:11

O lailad, da gemu nai bagqein, da ag humadttem. Ag tutukku elelenab bena daaglagnu dabmak aon oiyeg! Ag da nai attem imu doona, ag dabmak laippu aɗan, oolag laippu mena, maɗoɗ dayeg! Ag anam heppeg amu Kayak, Nug oo mauhak diig, oo maɗoɗ diig ele daatte, Nug ag ele oh daaglag.

Rom 11:16

Bret maha nakok laa tatamnu Kayak medappeg, amu nuhig daatte dayeb amu, bret kunum oh am Kayaknu ele daatte. Ad laa diɗilkad Kayaknu daatte dayeb amu, ad eppekkud oh amu Kayaknu ele daatteb. ⌊Amubia Abraham, Aisak amu Jakop ele ag oolagppa genab doona, Kayaknu danab oppiaawak ele daappig amunu, ag buɗulkad ele anam daaglag.⌋

Aposel 9:31

Aria, amu dimppa amu, laih Juda appa, Galili appa amu Samaria ele, aben amu ohppa haen amuppa Kristen tamaniakppa maɗoɗ dayom. Kayak Ouɗi danab ah amu ehanatta ag oolag ɠagattag qe, ag Naɗinu ebehilag oh bodoetta le meeme, danab ah kuɗum ag Kristen tamaniak ooppa noppig.

Aposel 3:26

Anam amunu Israel danab, Kayak Nug heeb, ag oh anen anen ag hak nau ahilag uun, Nug dim lamidkkulagnu itittak amu madakkunu, Kayak Nug nuhig maɗi nid otia, ahilagppa tatam me uɗiom,” awa aum.

Aposel 2:39

Am Kayak Nug anukka nuhig Ouɗi ag, ag bekkalkad, amu wan laa adeppan danab ah, ag ele madakkunu nai qakka aum. Yo, Naɗi, ihinig Kayak, Nug aun aɗi ag onilagppa ette amu, Nug nuhig Ouɗi ag madakkunu nai qakka aum,” awa aum.

Esekiel 37:22

Da anam heine, da heppi, ag huu laippu, wan laippuppa, amuam Israel wan, ag aguppa daaglag. Ag amuppa daappeg, ahilag king laippu ag atognoattebeb, ag baula huu aɗit ii daamna. Ag baula wan aɗit iitta; laippuib.

Jeremaia 6:16

Yawe Nug inam atte. “Da ami. ‘Ag ib oɗatleppa daanna, ag pehettan neegna antteg! Ag, “Ig alankad ib attenppa oippig? Ib atten am ib ena?” ag oɗmak amu heig! Ag oɗ mattan, ib atten am ib ena doon, ag amuppa oinna, ag maɗoɗ aoglag,’ ami. Da anam ami, amge ag uuppig. Ag, ‘Ig ib amuppa ii oimta,’ appig.

Aisaia 52:8

Ag Juda danab ah, ag daulag human doyeg! Ahilag aɗi uɗitte anittak danab ag ⌊laa nai ena awa uɗieb anidna, nuhig nai doon,⌋ ag Yawe Nug eɗua, Sion daakkunu uɗieb, ag amelagppanab anidkkulagnu dooglag. Anam amunu, ahilag aɗi uɗitte anittak danab ag gamag ahak doon, huan ekkulag. Ao, ag gamalag aheb, ag ekkulag.

Sam 128:6

Na haen elab daanna, alanad anadkkutnu ool daatte. Ao, Israel oo maɗoɗppa daakkunu ool daatte.

Sam 112:1

Ag Yawe binag meig! Danab nug Yawenu ebehi oh bodoetta le mette, nug itittak ena awom daatte. Ao, danab amu nug Yawenu ɗo ohnu enanagnab doyaya oitte ele, amu nug itittak ena awom daatte.

Duteronomi 5:29

O gadon, Israel danab ah ag haen oh inamib henan daalobnu ool daatte. Da ag dahilnu ebehilag oh bodoetta le meeb, ag dahil ɗo oh dim lamidlobnu ool daatte. Ag anam hekkulag dayeb amu, ag, am ag buɗulkad ele haen oh eleleib henan daalob.

Genesis 22:12

Abraham anam a amu, engel nug amegppa aum. “Na nid aib yaappe mauhom. Na keeke eheɗ laa ele nuhigppa aib heme. Aɗinu? Na nid nahip laippunab genab meɗame amunu, da geha iikku na da, Kayak, na dahilnu ebehin oh bodoetta le mette amu, da doottem,” awa aum.

Genesis 18:19

Aɗinu? Da Abraham doottem, nug, nug bekkod, nug laugppanu ele, ag da, Yawe, ag dahil ib dim lamidkkulagnu ippunadkku. Ippuanatteb, ag kobol tutukku, amu nai doya mala hettoɗia epeɗia elele mettak kobol ele dim lamidkkulag amunu, da nuhigppa aɗi hekkulnu nai ain qakkami amu, da amu hekkul,” awa aum.

Genesis 17:7

Da na, na buɗunad ele dilag Kayak daakkulnu, da heppi, nug tituana nai qakkak nai dahil, nai amu nahip-ppa, na buɗunad gemunu, dimppanu ele dilag haen oh daakku.

Duteronomi 6:24

Anam daye, Yawe, ihinig Kayak, Nug ig nuhig ɗo imu oh dim lamidkkunignu, ig nuhignu ebehinig oh bodoetta le mekkunu, Nug ig ɗo mekkom. Ig amu hekkunig dayeb amu, Nug heeb, ig bau daat, ig gemu ena daattem bia haen oh ena daagnig.

Sam 86:11

O Yawe, da nahip doyak diig genabib dim lamidkkulnu amu, na nahip ib ippuniɗkkutnu oɗ medattem. Ao, da nahipnu ebehil oh bodoetta le mekkunu na heppe, da na dim lamidkkulnu oo laippu dayak dayeye oikkulnu unuqidttem.

Aisaia 65:23

Ag uɗat hamu ii hemana; am meu okku. Ag nid ahilkad uugppa daaglagnu ii menuadmana. Aɗinu? Da Yawe, da itadkkul. Da ag, ag buɗulkad dimppanu ele, da ahilagnu ele anam hekkul.

Jeremaia 31:33

Amu Yawe Nug imu ele atte. “Anam amunu, nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ahilag dabmakppa daakku. Ao, da heppi, dahil ɗo oh ag oolagppa daakku. Da ahilag Kayak daakkul, ag am dahilad danab ah daaglag.

Duteronomi 6:2

Ag, nid ahilkad, amu ag alalkad ele, ag oh ag Yawe, ahilag Kayak, ag nuhignu ebehilag oh bodoetta le mekkunu, ag bau daanna, ag nuhig haknunab anak, nuhig ɗo oh ele, ag amu oh dim lamitteg! Ag anam dim lamidna oinna, ag haen elab wanppa daaglag.

Jeremaia 24:7

Da heppi, ag da Yawe, ag da dooiɗkkulagnu, ag oolag okkai daakku. Ag oolag eɗueb, ag meulag ohppa dahilnu daaglagnu oolag daakku amunu, ag dahilad danab ah daaglag, da ahilag Kayak daakkul.

Esekiel 37:24

Da anam heppi, dahil maɗi nid Dawit, nug ahilag king dayaya, nugib ahilag gumak danab, danab sipsip gumadtte bia, daakku. Anam amu Israel ag dahil ɗo iɗu iɗu elele dim lamidkkulag.