Jeremaia 32:19 - Nobonob Baibel

¹⁹ Amu na doyak dabmak ena okkai ele nahip-ppa, ɠagattag okkai nahip-ppa ele kobol danab haknu elele iitta hettem. Na danab oh neekkadna, ag aɗi aɗi hetteb amu, na ahilag hak amuppa na ag epeɗiadna, nob eleleib madattem. Laa na ahilag hak anidna, na nob ena madattem, laa na ahilag hak anidna, na nob nau madattem.

Jeremaia 32:19 Referans Kwoze

Jeremaia 17:10

Anam, amge Yawe Nug atte. “Da Yawe, da danab, nuhig hak aɗi ippuniɗtte amu, da amu dabmein, nob tutukkuib medakkulnu, da nuhig kobol aɗi ippuniɗtte amu, da amu ele dabmein, nob tutukkuib medakkulnu, da danab oolag unuqag andette, da ahilag dabmak ele anidttem.

Matyu 16:27

Danab Bekkalag da, da Mamelnu binag amahlak oppiaawak ele uɗippi, engel ele uɗignig, amu haen amuppa da danab ah dilag hak, amu nob eɗue madakkul.

Aisaia 28:29

Doyak imu oh am Yawe Nukka Ɠagattag Oh Ele, nuhigppanu uɗitte. Nug ulum ena ena ele megatte. Nug doyak dabmak okkai okkai, laa oh eɗattak ele.

Sam 62:12

Ge, O Naɗi, oo mauhaknab kobolnu diig am naib. Am genab, na danab anen anen aɗi hetteb anidnana, ag nob tutukku madattem.

Revelesen 22:12

Nug anam a amu Jesus Nug aum, “Doyeg! Haen elab iitta da ana uɗikkul. Da nob ena, nob nau ele awe uɗikkul, amu da danab anen anen aɗi heppig, da amunu nob madakkul,” awa aum.

Jeremaia 16:17

Da ahilag hak oh anidttem; ag heppeg, ahilag hak laa lokkumeb, da ii anidkkulnu am iitta. Ahilag hipunin ele, da oh anidttem, laa lokkumak ii daatte.

Job 34:21

Kayak Nug danab ah dilag oiyak anidtte; Nug ahilag kobol oh amegppa anidtte, lokkumak laa iitta.

Revelesen 2:23

Da nuhikkud nid ele heppi mauhkkulag. Amuppa Kristen tamaniak oh ag dooglag, da danab oolag, amu ahilag dabmak ele epeɗie aute aottem. Amu ele, da Taiataira daatteb, da ahilag hak attemu amu, da amuppa nob madakkul.

Hibru 4:13

Amu keeke laippu laa Kayak Nug amegppa lokkumak iinab daatte. Iitta. Keeke oh am Nug amegppa miagib amahlakppa daatteb. Amu dimppa ig Nug noobppa daata, ihinig haknu Nug amegppa mattignig.

Jeremaia 23:24

Da aben ohppa daattem amunu, danab laa da nug anidpanu aben lokkumakppa nug nugakka appa lokkumidkkunu elele iitta. Da hab attan, wanppa ele, da appa ana aben ohppa daattem.

Aisaia 40:13

Aun laa nug Yawenu dabmak oh anttom? Aun laa nug nuhig ulum mettaknu danab dayaya, ulum nai laa mettom?

Aisaia 9:6

Aɗinu? Ihinigppa ah laa nid danab menukku. Ge, nid amu Yawe Nug ihinignu meeb uɗikku. Nug ihinig king daakku. Nug onig anaknu laala inam: Ulum Ena Mettaknu Danab Enanagnab, Kayak Nukka Ɠagattag Ele, Mamenig Hanhannu, King Maɗoɗ Ele.

Prowerb 5:21

Aɗinu? Yawe Nug keeke oh danab laa hette am Nug anidtte. Ao, Nug danab aɗi hette ele amu tutukku hettoɗidtte.

Epesus 1:11

Ig Kristusnu uɗat okkaippa Kayak bekkod daattem. Kayak Nug keeke oh attem bekkunu dabmette amu, anamib bette amunu, Nug ig nuhikkudnab daagnignu dabmaama meikkom daatta, ig Nug bekkod daattem.

2 Korint 5:10

Aɗinu? Ig doottem, geha ig oh Kristusnu hettoɗiak abenppa daagnig. Aria haen ig beɗunig imuppa daatta, ig kobol nau hettem ele dayeb amu, geha ig amunu nob nau aognig. O iitta ig daatta, ig kobol ena hettem dayeb amu, geha ig amunu nob ena aognig. Yo, ig geha anen anen kobol hemutnu nob amuib aognig.

Daniel 4:35

Danab ah wanppa daatteb ag Nug bia iitta. Ag Nug ele ouaqattak daalob, am danab ah ag ii daalob bia daalob. Nug habppan ɠagattag oh, wanppan danab ah ele gumattette, ag Nug waappa daatteb, Nug ag aɗi hekkulagnu dabmette amu, Nug he, ag hetteb. Kayak Nug aɗi hekkunu dabmette amu, laa nug heeb, ii hemanu elele iitta. Laa aitta, Nug amegppa, ‘Aɗinu na anam heme?’ akkunu elelete? Iitta!

Eklisiastis 12:14

Diig laa na anam hekkutnu am, Kayak Nug keeke oh ig danab, ig hettem ele epeɗiadkku. Nug keeke ig miag atiak hemut epeɗiadkku, amge amu aakkuib iitta. Iitta. Nug keeke ig lokkumakppa hemut ele epeɗiadkku. Nug ig keeke ena hemut epeɗiadkku, amu Nug keeke eheɗ ig hemut ele epeɗiadkku,” awa atte.

Sam 34:15

⌊Aɗinu?⌋ Yawe Nug laa ag kobol genab tutukku hetteb ele, Nug ag dabmatta atognoadtte. Ao, Nug ahilag unuqittak doya, ag ehanadtte.

2 Stori 16:9

Aɗinu? Yawe Nug aun nug Nugib dim lamidkkunu meu ohppa dabmette ele antta, nug ɠagattag medakkunu hanhan danab wanppa oitteb ele neekkadtte. Nug na ele kekeɗ eɗadkkutnu ɠagattag mettalo. Na heme am, na dabmak tutukku iittappa heme amunu, na hanhan ban anidnan daakkut,” awa aum.

1 King 8:32

Yawe na hab aabppa daanna, na nai amu doon, na hettoɗiak tutukku henana, na danab amu nug hambuppua, nai hambuppuak ɠagattag qetta mattiom, nug eheɗ amu genab heum anidttem dayeb amu, na eheɗ hak nuhig amunu na eheɗ mettan, nob nau medakkutnu oɗ medattem. Amu danab amu nug genab eheɗ ii heum anidttem dayeb amu, da na nuhignu, ‘Nug eheɗ laa ii heum,’ appe, danab ag nug eheɗ ii heum dooglagnu unuqidttem.

Eksodas 15:11

O Yawe, kayak laa, na bia, nug adeppa daatte? Am laa iitta! Na oppiaawak daanna, na dagom onin ɠagattag ele daattem. Nahip binag amahlak oppiaawak ele am okkainab, danab ah ag amu anidna, ag amunu ebehilag oh bodoetta le mette Na am keeke danab haknu elele iitta iɗu iɗu kuɗum hettem!

Job 34:11

Amuam genab daattenu diig am, Nug danab aɗi kobol hette amu, Nug kobol amunu nob danab amu medatte. Ao, danabnu hak attem daatte, hak amunu nob elele aakkuib Kayak medatte.

Prowerb 8:14

Danab ulum nai ena mettak, aria epeɗia ha dabmak ena awak ele dahilppa daattep. Ge, diignu doyak tutukku, amu ɠagattag ele dahilppa daattep.

Jeremaia 21:14

Da ahilag hak naunu bu madakkulnu daatte amu, da bu anam madakkul. Da heppi, ag atuelag ewebeb, aɗi keeke ag taliliadna daatteb amu ewa malakku.’ Yawe Nug anam awa atte.” Jeremaia nug danab aɗit amu amelahppa anam aum.

Daniel 2:45

O king, na men, laa Nug qaukoppanu okkula awom, amge laa amu heum am danab iitta, na tulelegppa anidme, na men amu dottognu aen, bras, wan aab aɗuppa ewom ele, silwa, gol ele he, huppu nakok nakok neum ele anidme amu, tulegleg amunu meu am aakku. Kayak, Nug onig, ɠagattag ele, Nug dimppa aɗi bekku am aakku na ippunittom. Tul niiak amuam keeke genab ippunigtte, meu da na amenppa ami ele am genab; na amu ootppa genab dookkutnu elele.” Daniel nug King Nebukatnesar amegppa anam aum.

Sam 92:6

Am danab ah ag dabmak pehettak ii aon oitteb ele ag imu ii dootteb. Ao, danab ah ag Kayak dab-ii-menan ii dim lamidtteb ele ag dabmak imunu diignu doyak tutukku laa iitta.

Sam 111:2

Yawe Nug keeke okkainab hette. Danab ah ag nuhig uɗatnu enanagnab dootteb ele, ag nuhig haknu tutukku dabmenan oitteb.

Aisaia 59:18

Nug nuhig kekeɗ, ag kobol aɗi aɗi heppig amu, Nug amu andatta amunu, bu elele madakku. Nug danab ah ag nuhig kekeɗ daan oitteb ele, Nug amu dilagnu oppoɗi beebeb, bu madakku. Ao, Nug laa ag nuhignu, “Ihinig kekeɗ,” dootteb amu, Nug ahilagnu ag eheɗ heppignu dabmaama, bu madakku. Nug danab ah wan miagnu, wan umanu ele, Nug ag nob atten awaknu daatteb amu, nug anamib madakku.

Jeremaia 25:14

Da heppi, wan laala, ahilkad king ebehilkad okkai ele ag gona heppeg, Babilon danab ah ag ahilkad begbeg maɗi nid daaglag. Da heppi, Babilon ag heppig bia, ag eppelagppa aɗi aɗi heppig bia ahilagppa bekku,’ awa atte.” Yawe Nug da Jeremaia, nug da amelppa anam aum.

Sekaraia 9:1

Yawe Nug wanppan danab ah oh, Israel danab ah oh ele, neekkadtte amunu, Yawenu nai imuam Aram wan, Aramnu aab okkai Damaskus ele, amu oh dilag bu awaknu nai uug ele.