Jeremaia 31:36 - Nobonob Baibel

³⁶ “Da aamnu nai bappaidmi, kalam, hoɗopai ele dilag nai bappaidmi, yunu nai ele bappaidmi; amu keeke amu ohnu ɗo nai mattien ɗo amu memi, ɗo amu iitta mekkulag dayeb, Israel ag da noolppa huu daatteb bia ii daamna. Amge anam iinab bema,” awa atte.

Jeremaia 31:36 Referans Kwoze

Sam 148:6

Yawe Nug keeke oh ag abenlagppa, appa hanhan daaglagnu maattom. Ao, Nug ɗo ag amuppa daaglagnu aum amu, nai amuam ii eɗuma.

Jeremaia 46:28

Anam amunu, O Jakop buɗub, ag dahilad maɗi nid amu, ag aib baɗappig. Aɗinu? Da ag ele daattem. Da heppi, ag gona, wan laalappa matatun daaglag amu, da wan amu oh hadappi, iitta mekkulagtai. Da anam hekkul oo iitta, amge da ag Jakop buɗub, da ahilagnu anam ii hepa. Da heppi, ag ii iitta memana. Da bu madakkul, amge da ahilag eheɗ hak eleleppa hein, nai doya mala hettoɗia epeɗia elele mettak kobol dim lamitten, ag toliatten, bu madakkul. Amu eɗittak ii madapa. Ag eheɗ heppig amunu, da anam hekkul. Da ahilag eheɗ haknu hamu bia doyen, bu ii madakkulnu ii hepa. Iitta. Da kobol eleleppa madakkul.” Yawe Nug anam awa atte.

Sam 119:89

O Yawe, nahip nai amu ii gog tema. Nug hab attan alet anam hanhan daakkuib.

Sam 102:28

Nahipad maɗi nid bekkalkad aɗelkad ele ag geha na noomppa ɠagattag daaglag. Ao, ag buɗulkad amu, ag geha na noomppa hanhan daaglag,” awe ami.

Sam 72:17

Danab ah ag hanhan king daulagppa dokkunu ool daatte. Ao, aam amahleb ukkeb ukkeb, batak haenppa batak, ag nuhignu daulagppa dokkunu ool hette. Wan atu ohppan danab ah oh nuhig itittak ena aon, ag nug binag mekkulagnu ool daatte.

Sam 72:5

⌊Danab ah ag anam anidna amu,⌋ ag butti aɗi, haen adekkuppa aam qauha, iitta mekku, amge aam ii iitta mette, haen gamag imuppa amu, aam neebeb, danab ah ag nahipnu ebehilag oh bodoetta le mekku. Ao, ag butti aɗi, haen adekkuppa kalam qauha, iitta mekku, amge kalam ii iitta mette, haen gamag imuppa amu, kalam lomppa haɗaɗa dayebeb, danab ah ag nahipnu ebehilag oh bodoetta le mekku. Amuam, hanhan ag anam dooglag.

Duteronomi 32:26

Da ag matatuadppi, ag tamtam gona daalob. Ao, da heppi, ag iitta mena autna aoppeg, hab waappa amu, danab laa nug ahilagnu baula dab-ii-melo.

Job 38:33

Ɗo daaegeg, hoɗoppai, aam, kalam ele ag attem attem gotteb amu, na ɗo amu oh doottemte? Ao, aam, kalam, hoɗoppai ele ag wannu attem attem hetteb amu, na appe, ag amu hekkulagnu elelete?

Aisaia 65:9

Da heppi, Jakop buɗub, amuppanu danab kuɗum bekkulag. Ao, Juda buɗub, amuppanu danab kuɗum dona, ag wan dahilppa daan oiglag. Danab ah da ag tituanadmi ele, ag dahil wanppa daan oiglag. Ao, dahilad maɗi nid maɗi ah ele ag aguppa daaglag.