Jeremaia 31:32 - Nobonob Baibel

³² Nug tituana nai qakkak bau amu, da tatam ag mamelkad aɗi anukka haen da eppelag aɗen omalatti, Isip wan uun, ahan goppig ele, haen amuppa da ag ele nug tituanta nai qakkamut, am amubia iitta. Haen amuppa amu, da danab nug ah nuhig atognotte, amubia da ag gumadmi, amge ag nug tituana nai qakkak amu tippalppig,” awa atte.

Jeremaia 31:32 Referans Kwoze

Duteronomi 5:3

Yawe Nug, nug tituana nai qakkak amu anukka ig mamenkad aɗi ele ii heppig. Iitta! Nug ig gemu bau daattem, Nug ig ele hemut.

Duteronomi 1:31

Am anamib Yawe, ahilag Kayak, Nug nid mameg nuhig nid atognotte bia, Yawe Nug atu taɗakppa ag tuɗid ele mawatta atognoattatta, diiatta, aben imuppa uɗiom ag anidppig bia hekku.” Da ag amelagppa anam ami.

Eksodas 19:5

amunu, gemu ag dahil nug tituana nai qakkak ɠagattag aɗan, dahil nai tutukku dim lamidkkulag dayeb amu, ag geha dahiladnab danab ah daaglag. Aɗinu? Wan ohppan danab ah ag ele am dahilad daatteb, ⌊amunu da aun otikkul hein amu, da otikkul⌋.

Esekiel 16:8

Na anam ena mena dayeye, dimppa da baula laih gokkulnu na daameppa uɗie, da neekki ukke, na anitten, na elele ena mena, na danab aokkutnu elele daame anidmi. Da anam anitte, da na dahil ah daakkutnu tituanitten, bam iitta daamnanu lamen mette, da nahip danab daakkulnu dahil nai ɠagattagnab qetten mattii, na da ele ewau daagnihnu i nug tituanɗa nai qakkaɗa, na dahil aakku daame.’ ” Naɗi Yawe, Nug anam awa atte.

Jon 3:29

Amunu amu da am nid baunu kadoi bia. Nid bau nug ah aotte amu, ah amuam nuhigib, amge kadoi nuhig nug layag ah aotte doya, maɗoɗppan gamag ahak dootte. Nid baunu kadoi nug maɗoɗppan gamag ahak amu dootte, amubia da Jesusnu oolppa maɗoɗppan gamag ahak okkainab doottem.

Hosea 3:1

Aakku Yawe nug da Hosea, da amelppa aum. “Danab laa nug na waatnu oo hette, nug nug ele oittep. Na waat nug am ah ewau pakkua gappai hette me, na nug omalna, nagatop uɗin, na nuhignu oot mauhaɗ! Da Yawe, da Israel danab ah ag kayak laala noolagppa dup nona binalag metteb, ag keeke ena ena kayak amu ahilag daakkunu hamu madatteb me, da Israel dilagnu ool mauhtte. Aakku, da hettem bia amu, na waatnu oot mauhaɗ!”

Jeremaia 3:14

O Israel danab ah, ag da dimeɗona kayak hambuppuak laala dim lamadppig ele, da Yawe, da ag amelagppa attem. Ag eɗun, dahilppa uɗieg! Aɗinu? Ah nug gamunu daatte, amubia ag am dahilad daatteb. ⌊Ag eɗun, dahilppa uɗiglag dayeb,⌋ ag oolagppan aab anen anennu laippu da nug tituane, omalen, Sion uɗikkul. O ag oolagppanu aab ikki anen anennu aɗit laa da tituanate, da omalatten, Sion uɗikkul.

Lewitikas 26:15

ag dahil ɗo iɗu iɗu uun, ɗo amunu oolagppa ena iinab dooglag dayeb, ag dahil nai haknunab attem amu dim ii lamidna amu, ag nug tituana nai qakkak am tippalkkulag. Ag keeke amu hekkulag dayeb amu,

Hibru 8:9

Nug tituana nai qakkak bau amu, da tatam ag mamelkad aɗi anukka haen da eppelag aɗen omalatti, Isip wan uun, ahan goppig ele, haen amuppa da ag ele nug tituanta nai qakkamut, am amubia iitta. Haen amuppa amu, ag nug tituana nai qakkak nai dahil ii dim lamidppig amunu, da dimattami.’ Naɗi anam awa atte.”

2 Korint 11:2

Kayak Nug ig danab ihinignu huana dabmaama, Nug nukka ig nuhignu tituanikkom, amubia da ele ahilagnu anamib dabmettem. Ao, da ah makkun, oiyak nuhig oppiakib, nug mameg danab laanu ah daakkunu nug baeg aɗatte bia, da ag oppiak amubia daabppeg, ag Kristus medakkulnu hettem.

Mak 8:23

Ag unuqeg amu Jesus Nug danab amu eppeg aɗa, omala aab dimittim ukka, Nug waɗu hunue, danab amegppa no, Nug eppeg danab qaɗeppa ma oɗ mettom. “Na keeke laa anidttemte?” oɗ mettom.

Hosea 11:1

Yawe Nug atte. “Haen Israel danab ah ag nid nakok daatteb bia daappig, da ahilagnu ool mauhom. Ao, da ool mauhom, da Israel dilagnu, ‘Nid danab dahil,’ doomi amunu, da nug Isip uua dokkunu onigppa emi.

Hosea 2:2

Amu Yawe Nug ⌊danab ah nuhikkud amelagppa Hosea, Gomer ele dilah oiyakppanu Nug, Israel ele dilagnu nai dottog laa⌋ mattia, inam aum. “Ag dahilad, ag anilag nug da waal dayom, amge gemu nug da waal ii daatte. Ao, da nug gamu daami, amge gemu da nug gamu ii daattem. Anam amunu, ag anilag ag daug bateg! Ge, ag daug bateg! Ag anilag nug am ah ewau pakkua gappai hette. Nug baubau amu hekkunu nug danab laa nug antteb, ameg qeeb, nug ele niiglahnu bala mette. Anam amge, ag anilag nug amubia hak uuaɗ! Ge, nug gamu uuitte, danab laa ele oittepnu hak am uuaɗ!

Esekiel 23:4

Ee makkeg apag amu onig Oholah; makkeg onig am Oholibah. Ah aɗit aa am da Yawe, dahilaɗ daapiɗ. Aa anam daayya, aa nid danab, nid ah ele menuatpiɗ. ⌊Amge ah aɗit am piksa ippunittak daattep.⌋ Oholah nug Samaria ⌊Israel danab ahnu piksa⌋ daatte, amu Oholibah am Jerusalem ⌊Juda danab ahnu piksa⌋ daatte.

Esekiel 20:37

Amu Naɗi Yawe Nug atte. “Da sipsip gumak danab nug nuhig sipsip ebaqatte, amubia da anen anen doyatten, da hei, da ag ele nug tituanta nai qakkamut amu, da heppi, ag nai amuppa daan oiglag.

Jeremaia 34:14

“Maɗ eblaih laippu ele ukkeb, maɗ eblaih aɗitppa Hibru danab, o Hibru ah auntai nug he, nug ag oolagppanu laa waappa nuhig maɗi nid daatte amu, ag anen anen ag danab ah amubia uhuqadppeg, ag ag waalkadppa, ahilkad maɗi nid tuɗidna aib daappig. Ag uhuqak dayeg! Danab o ah amubia ag maɗ eblaih laippu ele ahilkad maɗi nid daan, ahilag uɗat hekkulag, amge maɗ eblaih aɗitppa ag tuɗidna ahilkad maɗi nid ii daamna. Ag uhuqak aon, hamu daaglag, amu ag laa ag uhuqadkkulagoitte ami. Da anam ami, amge ag mamelkad aɗi ag da oɗel ii dooppig. Ag daulag human, nai doon, elele ii dabmedappig.

Jeremaia 31:1

Amu Yawe Nug atte. “Dimppa, haen laappa amu, da Israel dilag aab ikki ohnu Kayak daappi, ag am dahilad danab ah daaglag,” awa atte.

Jeremaia 22:9

Ag anam oɗ meppeg amu, laa ag nob mena akkulag. ‘Yawe, Juda dilag Kayak, Nug he, Nug Juda ele ag nug tituanna nai qakkak heppig, amge Juda ag nai qakkak amu tippalna, kayak laala noolagppa dup nona binalag mena, amu waalagppa daan, ag oɗelag dim lamidppig amunu, Yawe Nug he, aab imu inam nauhom daatte,’ aon akkulag,” awa atte.

Jeremaia 2:2

“Na ahan, Juda danab ah oh ag nai dahil imu dooglagnu appe doyeg! ‘Ag Israel, ag dahil ah bia daatteb. Amu da Yawe, da anukka ag dahilnu oo mauhaknab dooppig daulppa dotte. Ag ah bau nug gamunu oo mauhtte, amubia ag dahilnu oo mauhak dooppig. Ag anam doon, ag atu taɗak, appa ag dim lamiɗna uɗippig. Ao, wan danab ah keeke ii ebattebppa, appa ag da dim lamiɗppig.

Aisaia 54:5

Aɗinu ag amu hekkulagnu elele daaglag? Laa Nug ag hattom ele, Nug ag gamulag daatte. Nug onig am Yawe Nukka Ɠagattag Oh Ele. Ao, aɗinu ag amu hekkulagnu elele daaglag? Am, Israel dilag Kayak Oppiaawak Ele, Nug ag Juda, ag laa eppelagppa dayaknu qagaiettakppanu eɗua uhuqak ha madatte. Nug wan oh dilag Kayak daatte.

Aisaia 41:13

Keeke anam daakkunu diig am, da am Yawe, da ahilag Kayak daattem. Da ag eppelag naɗiap aɗe ehanadttem. Da ag amelagppa ‘Ag aib baɗappig, da ag ehanadkkul,’ attem.

Aisaia 24:5

Wan imuppan danab ah ag heeg, wan imuam Kayaknu neekkakppa dubuttid tak ele daatte. Aɗinu? Ag ɗo dim ii lamidna, ⌊kobol nau digdig henana,⌋ ag Kayak dimettan, nai nuhig tappaeg ne, ag nuhig nug tituana nai qakkak hanhannu Kayak Nug ag ele heppig amu, ag tippalppig.

Solomonnu Ahi 8:5

Laa nug atu taɗakppanu, laa nuhignu oo mauhtte ele ehanittette uɗitte amu, nug am aun? Apel ad laa waappa, appa na mamen nug na anin na mettom, appa na anin nug guittak naɗi doyaya menuittom amu; appa da maɗettidmi.

Sam 73:23

Amge na da hanhan atognoiɗme, na da eppel naɗiap aɗame.

1 King 8:9

Amu Tituanak Nainu Kunup ooppa am keeke kuɗum iitta; men maha aɗit, amuppa Kayaknu ɗo nai yaak ele, Moses Horep appa kunup amuppa meum ele amu, men aɗit amuib aguppa dayom. Horep appa amu, Israel danab ah ag Isip uun uɗin, Horep bena daaegeg, appa amu Yawe he, Israel Nug ele ag nug tituanna nai qagappig.

Duteronomi 31:16

Yawe Nug anam doa, Nug Moses amegppa aum. “Na mauhkkutnu haen miag doum daatte. Na mauhppe amu, danab ah imu ag digmena, danab laa dilag kayak, wan ag amuppa nona daaglag ele dilag kayak amu, ag amu dilagnu dup noa binag mak kobol hekkulag. Ag geha da uuiɗna, nug tituana nai qakkak da ag ele hemut amu tippalkkulag.

Duteronomi 29:1

Yawe Nug Israel ele Horep appa nug tituanna nai qagappig. Aria, Moap appa Yawe, ag ele baula nug tituanna nai qagappig. Amuam nug tituanna nai qakkak bau, qauko Horep appa heppig am tuɗittak. Amu Yawe Nug Moses, Israel amelagppa, ag nai amu dim lamidkkulagnu, ag attem attem hekkulagnu amelagppa ab dooglagnunab aum am, amuam aakku.

Duteronomi 29:21

Yawe Nug geha danab amunu Israel dilag huu okkai ooppan amu, Nug eheɗ laa awaknu anak waappa dayaknu nai Ɗo Nai Bukppa yaak daatte amu qaɗelagppa gokkaɗkkunu epeɗiadkku. Buk amuppa nug tituana nai qakkak nai imu aakku daatte.

Duteronomi 5:2

Ig Horep qaukoppa daatta, Yawe, ihinig Kayak, Nug he, ig nug tituana nai qakkak Nug ele hemut.

Jeremaia 11:4

Anukka ag Israel, ag mamelkad aɗi ag Isip wanppa uɗat ɠagattag, eheɗ nau henan daappig. Ag daanna anam heegeg, da ag Isipnu diien, omlatti uɗiegeg, da haknunab nai ag haen amuppa mattami amu, nai amu, nai laa iitta, nai amu aakkuib gemu daatte. Da ami. “Ag da oɗel dim lamidnana, ag dahil haknunab nai oh dim lamidkkulag dayeb amu, ag dahilad danab ah daappeg, da ahilag Kayak daakkul.

Jeremaia 34:13

“Da, Yawe, da Israel dilag Kayak, da inam attem. ‘Anukka ag mamelkad aɗi ag Isip wanppa begbeg maɗi nid daan oiyegeg, da ag Isipnu diien, omalatti uɗippig, haen amuppa da hei, da ag ele ig nug tituanta nai qakkamut. Nug tituana nai qakkak amuppa da ami.

Eksodas 32:8

Ag haen elab iitta, pahanab da aɗi hekkulagnunab amelagppa ami amu, ag uuna, golppa makau gaiɗ dottog hewona, ag nug noobppa dup nona binag menana, doɗ main, nug mettana, ag atteb. ‘Doyeg! Imu nug ig Israel, ihinig kayak. Nug ig Isipnu aikka, omaikka uɗiom,’ aon appig.” Yawe nug Moses amegppa anam aum.

Duteronomi 29:24

Anam beeb, wanppan wan laala taliliak daattebnu danab ag oɗ mekkulag. “Yawe Nug aɗi diignu wan imu anam heum? Aɗi diignu Nug oo nauhak huanaknab anam doyom?”

Duteronomi 31:20

⌊Aa ahi amu yaaya ippunadkkulahnu diig am inam.⌋ Da Kayak, da geha Israel danab ah diie, wan ag mamelkad aɗi madakkulnu dahil nai ɠagattag qette ami, amuppa nokkul. Wan amuam enanag, wan ittag ele, amuppa ee meu huana otte. Appa ag ee ohnu elele lanana, ag beɗulag ena ele daaglag. Haen ag anam daan amu, geha ag da guhuɗilna, digmen kayak laala noolagppa dup nona binalag mekkulag; ag dahilnu ena iinab doonna, ag da ele nug tituanak nai qakkak hemut, ag amu tippalkkulag.

Sam 78:37

Ag oolagppa Kayak, nuhigib ii dabmeppig. Ao, ag Nug he, ag Nug ele nug tituanna nai qagappig amu, ag nai amunuib dabmena oo metta ii uuak kobol ii dim lamidppig.

Jeremaia 11:3

Na da, Yawe, Israel dilag Kayak, da inam attem appe doyeg! ‘Nug tituana nai qakkak nai daatte. Nai amu daatte, amu aun laa nug nai amuppa nug aɗi aɗi hekkunu daatte, nug nai amu ii dim lamidtte amu, nug eheɗ laa awaknu anak waappa aakku daatte.

Aposel 23:19

Aria, nug omala ukke, ban daup ikki anuqak nug nid amu eppeg aɗa, omale giginppa goya, aya daayya, nug nid amu amegppa aum. “Na aɗi nai da amelppa akkut amu na a!” awa aum.