Jeremaia 31:27 - Nobonob Baibel

²⁷ Amu Yawe Nug atte. “Haen laa uɗitte amu, haen amuppa da heppi, Israel danab ah, Juda danab ah ele ag wanelagppa daanna oinna, ag, amu ahilkad sipsip, makau keeke ele oh kuɗum appatna daaglag.

Jeremaia 31:27 Referans Kwoze

Hosea 2:23

Geha da dahilad danab ah ag ahilag wanppa dahilnu bappalatten maadkkul. Geha da laa da amelagppa, ‘Da ahilagnu oo bodoetta le mak kobol ii dim lamidpa,’ ami amu, da ahilagnu oo bodoetta le mak kobol hein ippuanattette, laa da ag amelagppa ‘Ag am danab ah dahilad iitta,’ ami amu, da ag amelagppa, ‘Ag am dahilad danab ah,’ appi, ag da amelppa dahilnu, ‘Na am ihinig Kayak,’ akkulag.” Kayak Nug anam aakku atte.

Esekiel 36:11

Da heppi, Israel danab ah ag nid menuadppeg, appatna kuɗum daappeg, ahilkad doɗ ele anam hena daaglag. Da heppi, Israel danab ah ag daadppig bia daaglag. Daanna, da heppi, en okkai ele tatam daadppig amu, gemu ag amu eɗittak, okkainab ele daaglag. Da anam heppi amu, ag dooglag, da am Yawe.

Esekiel 36:9

Aɗinu? Ag qauko, da ahilagnu dabmettem; da ag ena neekkadkkul. Danab ag ahilag wan buunna, ee eppaglag.

Sekaraia 10:9

Da hei, ag haɗag ulah diie, laih laih gotteb bia wan atu laih laih matatun gona daatteb, amge appa ag dahilnu dabmekkulag. Ao, ag, amu ahilkad nid ele ag bau daanna, ag eɗun, ippa, Israel wanppa uɗin daaglag.

Jeremaia 30:19

Da anam ehanadppi, Jakop buɗub ag ahi ettanna, ag ahi amuppa, ‘Ena hen mekkame,’ da amelppa akkulag. Ag oo gamag ahak okkai doon, gamag ahaknu heppeg, oqotti okku. Da heppi, ag appatna, kuɗum daaglag. Ag ahilag ebqak am tutu ii mema. Da heppi, ag danab onilag ɠagattag ele daaglag; danab laa ag ahilagnu, ‘Ag binalag ele,’ dooglag.

Duteronomi 30:9

Ag anam heppeg, Yawe, ahilag Kayak, Nug enanagnab doya heeb, ag aɗi uɗat digdig hekkulag am enaib bekku. Ag appatppeg, ahilkad nid naunau kuɗumnab daaglag. Ahilkad makau ele appatkkulag. Datta ee ebatteb, amu ele meu huanak okku. Aɗinu? Nug ag mamelkad aɗi dilagnu oo enanagnab doyom, amubia Nug baula ahilagnu enanagnab doya heeb, ag ee keeke, elelenab daaglag.

Esekiel 36:10

Da heppi, Israel buɗub oh, Israel danab ah amu, ag eɗun, kuɗum appatna, kuɗumnab daaglag. Ag aab nauhppig daatteb, ag amuppa eɗun daan, bappaidkkulag.

Sam 107:41

Kayak anam heum, amge Nug daɗek danab ag uugppa daappig amu, Nug ag ehanatte, ag uugppa ii daappig, Nug ag baelkadppa he appatppig amunu, ag sipsip ameg naɗi bia daappig.