Jeremaia 31:21 - Nobonob Baibel

²¹ O Israel danab ah, ⌊ag eɗun, ahilag wanppa uɗiglagnu amu,⌋ ag ib atten atten aon uɗiglagnu ele, ag ib amu giginppa at maadna, pilak human galatteg! Ag ib attem attem aon oiglag amu, ag amu dabmena autna aweg! O Israel danab ah, ag ahan, eɗun ahilag aab anen anenppa uɗiglag.

Jeremaia 31:21 Referans Kwoze

Jeremaia 50:5

Ag gonana, ag laa Sionnu ib adeppa daattenu oɗ mattan doon, ag appigppa gokkulagnu gokkulag. Ag amu hena, ag Sion tewona, ag da, Yawe, ag da ele ig nug tituana nai qakkak hanhan daakkunu qakkagnig. Ag nai qakkak amu daulag ii atima,” awa atte.

Aisaia 62:10

Ag Juda danab ah ag danab ah ag uɗin, Yawe binag mekkulagnu, ag Jerusalemnu ahan, dimittim gona ehanatteg! Ao, ag Juda danab ah ag danab ah ag Yawe binag mekkulagnu ag ahilag ib babaitteg! Ag men oh agappeg ukkeb! Danab ah ag Jerusalem uɗiaknu ib anidkkulagnu, ag Juda, ag pilak laa, ag amu anidna uɗiglagnu humappeg taɗ!

Aisaia 48:20

⌊Yawe Nug atte.⌋ “Ag Babilonnu ahan ukkeg! Ao, ag Babilon oolagppanu ahan, oolna ukkeg! Ag gonana, ag, ‘Yawe Nug ig Jakop buɗub, nuhikkud maɗi nid maɗi ah ele, Nug ig laa eppelagppa dayaknu qagaiettakppanu eɗua uhuqak ha mekkom,’ mattinna eig! Ag wan atu ohppan danab ah dooglagnu nai amu appeg doyeg!

Hagai 1:5

Hagai nug nai amu ag matte, dimppa nug nai imu ele mattom. Yawe Nukka Ɠagattag Oh Ele Nug atte. “Ag ahilag haknu pehettan dabmetteg!

Esekiel 40:4

Da danab anam dayeye anitti, nug da amelppa aum. “Danab bekka, da na aɗi ippunidkkul amu, na amenppa pehettan neegna, dautppa ele pehettan doon, keeke amu oh pehettak dabmette! Aɗinu? Na anam hekkutnu Kayak Nug he, na ippa uɗime. Amu na aɗi keeke digdig anidkkut amu, na amu oh Israel danab ah amelagppa appe doyeg!” awa aum.

Jeremaia 51:50

Babilon nob aoglag amunu, ag Israel danab ah ag qep elabppa ii mauhppig ele, ag Babilon uun ukkeg! Ag hamu hamu appa aib daappig! Ag umanab wan laappa daatteb, amge ag Yawe dabmetteg! Ag Jerusalemnu dabmenan oiyeg!

Jeremaia 31:4

Da ag Israel danab ah ehanadppi, ag eɗun, ɠagattag daaglag. Ag am ah makkun laa padal mekkunu haaha, eɗua ena daya aha, tambarin eppegppa aɗa, musik haaha, oo gamag ahak okkai ele ahi goɗatte, ag amubia hekkulag.

Jeremaia 3:14

O Israel danab ah, ag da dimeɗona kayak hambuppuak laala dim lamadppig ele, da Yawe, da ag amelagppa attem. Ag eɗun, dahilppa uɗieg! Aɗinu? Ah nug gamunu daatte, amubia ag am dahilad daatteb. ⌊Ag eɗun, dahilppa uɗiglag dayeb,⌋ ag oolagppan aab anen anennu laippu da nug tituane, omalen, Sion uɗikkul. O ag oolagppanu aab ikki anen anennu aɗit laa da tituanate, da omalatten, Sion uɗikkul.

Aisaia 57:14

Amu laa Nug ⌊Yawe oɗe awa, inam⌋ akku. “Ag ib babaitteg! Ag ib babaitteg! Ag dahilad danab ah eɗun, ahilag wanppa uɗiglagnu, ag ib oonaknu keeke oh heppeg iitta maɗ!” awa akku.

Sam 84:5

O Kayak, laa ag nahip-ppan ɠagattag aon, ag na gukkuidna Jerusalem gokkulagnu oolag hette amu, ag itittak ena aoppig daatteb.

Sekaraia 10:9

Da hei, ag haɗag ulah diie, laih laih gotteb bia wan atu laih laih matatun gona daatteb, amge appa ag dahilnu dabmekkulag. Ao, ag, amu ahilkad nid ele ag bau daanna, ag eɗun, ippa, Israel wanppa uɗin daaglag.

Jeremaia 51:6

Ag wan laappan danab Babilon daatteb ag, ag Babilon uun ooleg! Ag mauhmananu ag Babilon uun, oolna laih ukkeg! Babilon hipunin heppig, diig amunu ag nauhkkulag. Ag nauhkkulag amunu, ag laa ag appa daappeg, Babilon ag ahilag hipuninnu nob amu aoppeg, ag laa ag ele Babilon beɗulagppa ag nob amu aon nauhmananu, ag appa aib daappig. Babilon danab ah ag hipunin heegeg uɗie, gemu ele heegeg, Yawe Nug eheɗ hak amunu nob tutukku madakkunu haen uɗiom daatte amunu, kekeɗ ag heppeg, Babilon nauhkku.

Prowerb 24:32

Da antten amu, da aɗi anidminu dabmak ena laa aokkulnu dabmein; aakku da ippunittak ena laa anidmi.

Sam 62:10

Na keeke lokkumakppa awaknu duttuna hak kobolppanu, “Da anam hekkulnu elele daattem amunu, amuppa da keeke ena kuɗum aokkulnu elele,” aib ootppa genab doon dabmeme. Ao, na dabmak hambuppuak aib aonna, yabhokppa keeke aokkutnu maittak aonna heme. Na ⌊ib enappa⌋ en kuɗum aokkuttai, amge na keeke amunu, “Anuqak keeke,” aib dabmeme.

2 Stori 20:3

Ag aeg, Jehosapat doya, nug baɗa aha, nug Yawe antta dim lamidkkunu Nug madikkunu dabmak ɠagattag awa, nug Juda danab oh ag ee ohnu kud mena daaglagnu nai me ukkom.

2 Stori 11:16

Jeroboam nug anam heum, amge Israel danab laala, Israel dilag huu okkai ohppanu, ag nug waappa daappig, amge ag Yawe, Israel dilag Kayak, ag Nug mattin anidna dim lamidkkulagnu oolag heum amunu, ag Lewi buɗub dim lamadna, Jerusalem appa doɗ manadna, Yawe, Nug ag mamelkad aɗi dilag Kayak, ag Nug mettaglagnu goppig.

1 Stori 29:3

Amge da amu aakkuib Kayak ii medapa. Iitta. Ig Kayak, Nug dahil Kayak, ig nuhig mettid lag hekkunignu ool huanaknab daatte amunu, da dahilnab gol, silwa laa ele danab uɗat amu hekkulag, ag amuppa Kayaknu mettid lag nuhignu tituanak daakku, ag lag amu hekkulagnu Kayak medattem.

Duteronomi 32:46

nug tuɗitta aum. “Ag nid ahilkad Kayak toppan ɗo imu oh, ag amu doon dim lamidkkulagnu, ag amelagppa hekkulagnunab akkulagnu, ag nai oh gemu da ag mattami imu aon oolagppanab meig!

Jeremaia 6:16

Yawe Nug inam atte. “Da ami. ‘Ag ib oɗatleppa daanna, ag pehettan neegna antteg! Ag, “Ig alankad ib attenppa oippig? Ib atten am ib ena?” ag oɗmak amu heig! Ag oɗ mattan, ib atten am ib ena doon, ag amuppa oinna, ag maɗoɗ aoglag,’ ami. Da anam ami, amge ag uuppig. Ag, ‘Ig ib amuppa ii oimta,’ appig.

Jeremaia 46:11

O gadon, ag Isip danab ah ag eɗun ena daaglagnu ag oɗe danab nug Gileat appa marasin ena aokkunu gotte, ag amubia heig! Ag hekkulag, amge ag ib digdigppa eɗun ena daaglagnu hetteb, danab marasin digdig awe ii ehanidtte, amubia ag eɗun ena ii daamna. Ag danab oɗe nau awa, eɗua ena daakkunu marasin laa iitta, amubia ag eɗun, bau daaglagnu ib laa iitta.

Jeremaia 3:12

Amunu, Jeremaia, na yawalti uɗitteppanu neegna, dahil nai imu Israel dilagppa appe doyeg! Yawe Nug inam atte. ‘Israel, ag da dimeɗona kayak hambuppuak laala dim lamattegeg uɗie, gemu ele hetteb amu, ag eɗun, da Yawe, ag dahilppa uɗieg! Aɗinu? Da laa dilagnu oo gai-iitta doya, oo metta ehanattaknu diig daattem amunu, da tuɗitten, ahilagnu oo nauhak ii doopa. Da hanhan ahilagnu oo nauhak ii doopa.’ Da Yawe, da anam aakku attem.