Jeremaia 31:2 - Nobonob Baibel

² Amu Yawe Nug imu ele atte. “Danab ah ag qep elabppa ii mauhkkulag amu, ag atu taɗakppa daappeg, da ahilagnu ii helom bia me, da ehanadkkul. Da uɗien, Israel ehanadppi, ag maɗoɗ ele daaglag,” awa atte.

Jeremaia 31:2 Referans Kwoze

Sam 95:11

Anam amunu, da ool nauhe, da keeke laa hekkulnu dahil nai ɠagattag qein ami. ‘Danab ah amu ag hik awak dahil iinab aomna.’ ” Yawe Nug anam aum.

Namba 10:33

Moses nug Hobap ele aa amu mattiya malaeh, dimppa amu Israel danab ah ag Sinai qauko uuna, ag digmena, deɗ ewam goppig. Laa ag Yawenu Tituanak Nainu Kunup kontrak inak ele, laa ag amu maoppig ele amu, ag Yawe Nug ag haen tutu dayak aab adekkuppa kalaglagnu ippuanatteb daaglagnu, ag danab ah noolag aon anuqna goppig.

Matyu 11:28

Jesus Nug anam ana, Nug baula ele aum. “Ag danab oh, ag uɗat okkai henana, keeke uug ele maotteb amu, ag gumiɗna doig! Doppeg, da heppi, ag hik aoglag.

Duteronomi 1:33

Nugib ag haen tutu dayaknu aab adeppa adeppa kalaglagnu ippunadkkunu ag noolag awa ukkom. Nugib ag ib adeppa adeppa ippuanatteb gokkulagnu, Nug tuqan aab aɗuppa, amu amunppa lombigppa ele ag noolag awa ukkom.

Jeremaia 2:2

“Na ahan, Juda danab ah oh ag nai dahil imu dooglagnu appe doyeg! ‘Ag Israel, ag dahil ah bia daatteb. Amu da Yawe, da anukka ag dahilnu oo mauhaknab dooppig daulppa dotte. Ag ah bau nug gamunu oo mauhtte, amubia ag dahilnu oo mauhak dooppig. Ag anam doon, ag atu taɗak, appa ag dim lamiɗna uɗippig. Ao, wan danab ah keeke ii ebattebppa, appa ag da dim lamiɗppig.

Sam 78:52

Nug amu Isip dilagppa heum, amge Nug danab ah nuhikkud sipsip ameg laa diia laih ukkak bia omalatta ugekke, ag Isip uun goppig. Ao, danab nug sipsip diia, laih gotte, amubia Nug nuhikkud danab omalatta dabmadette, ag atu taɗakppa elele ena oippig.

Duteronomi 12:9

Gemu ag anam hettebnu diig am, ag aben Yawe, ahilag Kayak, Nug ag madatte, ag amuppa ii wappig. Ag amuppa nona, ag appa gemu hetteb bia ii hemana. Wan amuam hik awak aben; ag aulag.

Duteronomi 8:16

Atu taɗak amuppa Nug ag maana lakkulagnu mattom. Ee amu, ag mamelkad aɗi ag ii lappig ele. Nug ag onilag qeeb nekkunu, Nug ag ma anttak madakkunu Nug anam heum. Nug anam heeb, ag ena bena daaglagnu heum.

Duteronomi 2:7

Amu aɗinu ⌊Yawe Nug ag ee, le ele daden mekkulagnu aum⌋? Yawe, ahilag Kayak, Nug ag aɗi aɗi eppelagppa heppig ele amu, Nug uɗat amu oh itattom. Nug ag atu taɗak naɗi amuppa gonana, keeke ohnu heegeg, Nug ag atognoattom. Maɗ 40 imu ooppa, Yawe, ahilag Kayak, Nug ag ele daanna, aɗi keeke ag amu aon, bau daaglagnu doyom amu, Nug amu elele matte, ag keeke laanu ii tutu meppig.

Duteronomi 1:30

Yawe, ahilag Kayak, Nug ag noolagppa anuqa gotte, Nug ahilagnu Isip appa ban heehe, ag anidppig bia hekku.

Namba 14:20

Moses nug anam unuqitte amu, Yawe Nug oɗeppa awa aum. “Na oɗ meɗame, amubia da hipunin ahilag aakku uhuqen madattem.

Eksodas 33:14

Moses nug anam a, aria Yawe Nug aum. “Da amu, da geha ag ele oh gokkunig, amu amuppa da na dahil oo maɗoɗ na medakkul,” awa aum.

Eksodas 1:22

Aria dimppa, Paro nug Isip danab ah amelagppa inam aum. “Hibru ah ag nid danab bau menuadppeg anidna, ag aɗadna, Nil leppa agappeg noig; amge nid ah menuadppeg amu, ag uuadppeg dayeg!” awa aum.

Eksodas 1:16

“Haen aa Hibru ah nid menuglagnu ehanadttep amu, Hibru ah laa nid menuebeb, aa pehettak neegkkulah. Ah amu nug nid danab menueb anidya, aa nid amu qepeɗ mauhkku. Amge ah nug nid ah menueb amu, aa aib qepiɗ! Aa uupeɗ daakku” awa aum.

Eksodas 12:37

Israel ag aab okkai Rameses uun ahan, ag aab okkai Sukot goppig. Am danab 600,000 keeke anam ahan goppig, amge ag ah, nid naunau ele amu, ii ebaqappig.

Eksodas 5:21

Ag uɗalah tena, ag aa amelahppa inam appig. “Yawe Nug ahilah kobol andatta, bu matakkunu oonig daatte. Aɗinu? Aa heeh, Paro nug nuhikkud ehanittak anuqak danab ele ag ihinignu, ig am keeke naunab nau bia dooigtteb. Ib aa hepiɗ amu, ib amuam Paro, nuhikkud ehanittak ele ag ig iqappeg mauhkkunignu ib,” aon appig.

Eksodas 2:23

Aria, maɗ laala ukke, dimppa Isip dilag king ⌊Moses qeeb mauhkkunu dabmeum amu,⌋ nug mauhom, ⌊amge laa nug king abenab awom, nug Israel ii ehanatta, nug king laa heum bia tuɗitte,⌋ Isip ag Israel danab uɗat ɠagattag, uug elenab mattaegeg, Israel ag Isip dilag begbeg maɗi nid maɗi ah daanna, uɗat amu heppig. Amuppa amu, Israel ag uug nau doon gaanna, Kayak ehanadkkunu unuqittegeg, Kayak Nug ag uug nau doon gaappig amu, Nug ahilag gayak amu doyom.

Josua 1:13

“Ag haknunab nai Moses, Yawenu maɗi nid, nug ag amelagppa aum amu, ag nai amu dabmetteg! Nug aum. ‘Yawe, ahilag Kayak, Nug ag Ruben buɗub, Gad buɗub, Israel dilag huu okkai Manase mahaib ele, ag amun danab amu, Nug ag maɗoɗ aon daaglagnu wan imu, Jodan lenu kaɗag uɗitteppanu daatte, ag iguppa daan oiglagnu madatte,’ awa aum.

Hosea 11:4

Da ahilagnu oo bodoettak doyak kobolppa hein; da ahilagnu oo mauhak ele doomi. Da ag kobol nau waappa daamnanu diiatti, dahilppa uɗippig; danab nug nuhig nid bahi qette bia, da ag ena daaglagnu ehanadmi.

Esekiel 20:35

Ge, da omalatten, wanppan wan laala dilag atu taɗakppa goppi, ag appa da noolppa daappeg, appa da ag epeɗiadkkul.