Jeremaia 31:19 - Nobonob Baibel

¹⁹ O Kayak, ig na uuidta oimut, amge ig anam oiut, ⌊na bu mekke,⌋ ig oonig eɗuom. Ao, na he, ig eheɗ hemut oonig maitte, ig uɗa nak eheɗ doomut. Ig nid bau daatta, ig kobol uɗa nak nau guittak ele heut uɗiom amunu, ig uɗa nak nau doomut.’ Israel danab ah ag anam appig doomi.

Jeremaia 31:19 Referans Kwoze

Esekiel 36:31

Ag anam enaib daanna, ag tatam kobol eheɗ, kobol nau ele heppig dabmenana, ag akka ahilagnu ag hipunin heppig, kobol digdig, da kobol amunu oolppa uuaknab doottem, ag kobol amu ele heppig amu, ag amu oh heppignu akka ahilagnu oolagppa uuaknab dooglag.

Jeremaia 3:25

Ig Yawe, ihinig Kayak, ig nuhigppa hipunin hemut; ig am ig mamenkad ele. Anukkanab ig mamenkad aɗi ag amu digmeeg, uɗie uɗie, gemu ig ele ig oh Yawe, ihinig Kayak, ig Nug oɗe ii dim lamidmut. Anam amunu, ig uɗa nak nau doottem. Ao, uɗa nak nau guittak ele ig tonikkom daatte,” aon atteb.

Esekiel 21:12

Qep elab amuam danab ah dahilad aqeb mauhppeg, Israel dilag okkai ele aqeb mauhkkulag. Anam daatte amunu, danab bekka, na gaye! Na mahie! Israel dilag anuqak danab, dahilad danab ah ele ag qep elabppa mauhkkulag amunu, na momon qeute!

Luk 18:13

Nug anam aum, amge takis awak danab nug piɗe dayaya, dup noa, hab attan ii neekkom. Iitta. Nug eheɗnab doyom amunu, nug eppegppa momo qeutata, nug aum. ‘Kayak, da am hipunin danab amunu, na dahilnu oot gai-iitta doon oot meɗan ehaniɗkkutnu oɗ medattem,’ awa aum.”

Duteronomi 30:2

haen amu ag, amu nid ahilkad ele ag eɗun, Yawe, ahilag Kayak, ag Nug waappa daan, ag meulag ohppa, oolag ohppa ele haknunab anak nai oh da gemu mattami ele, ag amu tutukku dim lamidppeg amu,

Sekaraia 12:10

Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.

Sam 25:7

Da nid bau dayeye hipunin qein, nai tappe nak kobol ele dim lamidmi amu, na amu oh uhuqna meɗan, dab-ii-mekkutnu oɗ medattem. O Yawe, na enaib daanna, enaib hettem, amunu, na oo mauhaknab kobol nahip dim lamidna, dahilnu ena hekkutnu unuqidttem.

Esra 9:6

da unuqitten ami. “O Kayak dahil, da uɗa nak nau doottem. Da uɗa nak nau guittak ele doottem waappa dayeye, da amel hume, na neekkidkkulnu elele ii doottem. Aɗinu? Ig hipunin okkainab hemut, ikkinig eɗitta tak. Ao, ig beɗunigppa aab okkainab daatte, ⌊aab ewawa⌋ habppa tette, ⌊amubia⌋.

2 Timoti 2:25

Nug laa ag nai nuhig tappaeg nette ele oo bodoettak kobolppa ag ib tutukku ippuanattaɗ! Kayak Nug ag oo eɗuak madakkunu, ⌊ag oolag eɗueb,⌋ ag doyak diig genabib tutukku dooglagnu nug anam hekku.

Rom 6:21

Amu ag kobol nau heppig, ag gemu kobol amunu uɗalag nette ele amu, kobol amuppanu ag aɗi keeke ena aoppig? Kobol amuam mauhakib he bette.

Luk 15:30

Amge nid nahip amu, nug ib baag ah ele oinna, nahip keeke oh akke ukkom ele amu, haen nug eɗua uɗie, na gamag ahak haknu na makau nag ittag ele aakku qeme,’ awa aum.

Esekiel 36:26

Da amu hewoya, da ag oolag alag hiɗe, oolag bau madakkul. Da heppi, ag dabmak laa ele aɗan oiglag. Ag oolag alag am ɠagattagnab, men bia, amge da amu hiɗen, oolag bau, oolag ena, ɠagattagnab men bia iitta, oolag amu da ag madakkul.

Esekiel 23:3

Ah aɗit amu aa Isip wanppa aa ah makkun appa daayya, aa ib baag ah beya, kobol amu tuɗidya heeheh ukke, ah okkai meya, anamib hepiɗ. Aa heeh, danab ag ahilag kobolppa heegeg, ib baag ah daapiɗ.

Esekiel 6:9

Ag ii mauhppig dilagnu amu, kekeɗ ag aɗualadna diippeg, ag matatun gona, wan laalappa daanna, ag dahilnu dabmekkulag. Ag da ahilag hak nau antten, da ag dimeɗaeg doyen, ag kayak hambuppuak anidna, ag binag mekkulagnu oolag huana heum anttena, da oolppa uug naunab nau doomi dooglag. Ag anam doon, ag eheɗ heppignu, ag kobol laala, da kobol amunu oolppa uuaknab doottem ele, ag amu ele heppignu, ag akka ag ahilagnu eheɗ nau dooglag.

Jeremaia 32:30

Israel huu, Juda huu ele ag memetalkad anukkanab, ag digmena, kobol digdig, danab nug kobol amu hette nug da neegttemppa eheɗ hette amu, ag kobol amu aakkuib heegeg uɗie, gemu ele hetteb. Genab, ag eppelagppa kayak hambuppuak dottolkad bappaidna, ag heegeg, da oppoɗil beum daatte.

Jeremaia 22:21

Haen ag, ‘Ig eleleib daattem; uug laa ihinigppa ii bema,’ dabmenan oippig, da, Yawe, da ag nau aomnanu dabmettak nai mattami. Da nai amu ag mattami, amge ag, ‘Ig nahip nai ii doomta!’ aon appig. Ag nid bauppa digmena, da oɗel nakok laa ii dim lamitteg uɗie, gemu ele anamib hetteb.

Aisaia 54:4

Ag baula uɗa nak ii doomna amunu, ag aib baɗappig. Ao, danab laa ag baula heppeg, ag laa noolagppa uɗa nak nau guittak ele ii doomna amunu, ag dabmak kuɗum aib aoppig. Aɗinu? Yawe Nug heeb, uɗa nak ag nid, nid ahin bau daan, kobol kobol heppignu dootteb amu, ag uɗa nak amu daulag atikku. Ao, Yawe Nug heeb, ag ah laa, gamu mauhe, daɗek nau dayaya oiye, danab laa nuhignu nai nau appig, amubia laa ag ahilagnu madippig amu, ag nai amu baula dab-ii-memana,” awa atte.

Job 20:11

Nau hak danab nug nid bau, ebehi ele dayaya, nug mauhtte.

Job 13:26

Da anam oɗ medattemnu diig am, na da ninig dookkulnu yaan bappaidna malame. Ao, na he, hipunin da nid bau dayeye hemi am, da hipunin amunu guittak aottem.

Sam 119:67

Da eheɗ hein, guittak ii aomi haenppa amu, da ib tutukku apiɗitten oimi, amge na bu meɗai, gemu amu da nahip nai dim lamidttem.

Esekiel 21:17

Da Yawe, ⌊da Israel danab ah ag hipunin heegeg uɗie, gemu ele hetteb, da amunu⌋ danab nug dabmak huanak awa, uug nau ele doya hette bia da eppel laihppa, am eppel laih oppi, ⌊ag bu elele aoppeg,⌋ dahil oppoɗi bak am aakku iitta mekku. Da Yawe, da aakku ain malami,” awa aum.