Jeremaia 31:17 - Nobonob Baibel

¹⁷ Ge, Yawe Nug atte. “Nahipad nid ag eɗun uɗin daaglag amunu, na eɗun ena daakkutnu, na keeke ena bekkunu dabmak aɗan oikkutnu elele. Nahipad nid ag eɗun, ahilag wanppanab uɗin daaglag,” awa atte.

Jeremaia 31:17 Referans Kwoze

Gayak Nai 3:21

Dahilnu anam daatte, amge da keeke laa dabmein; da keeke ena bekkunu dabmak aɗa oiyaknu doottem.

Hosea 3:5

Anam amu, amu dimppa amu, Israel danab ah ag eɗun, Yawe, ahilag Kayak, ag Nug, amu ahilag king, Dawit buɗubppanu ele anatna dim lamatkkulagnu mattialatkkulag. Ag geha, gog tak haenppa Yawenu, nuhig itittak enanu ele ebehilag oh bodoetta le mekku.

Hosea 2:15

Geha da eɗue, nuhig grep dad medakkul. Yo, da heppi, Akornu oolnu noak am ena bekkunu dabmak aɗa oiyaknu od daakku. Da amu heppi, appa nug ah bau daya, ahi ettom bia ahi edakku; nug anukka Isipnu aha uɗia, ahi ettom bia hekku.

Gayak Nai 3:26

Ig bodoettak, oonigppa maɗoɗ ele Yawe ehanikkeb, ig padal ii mematanu ameg mekkunig am ena;

Gayak Nai 3:18

Da anam doyeye oittem amunu, da attem. “Dahil ɠagattag aakku iitta me; da Yawe ehaniɗkkunu dabmak aɗe oimi amu, da amunu laa ii aopa,” ami.

Matyu 24:22

Anam daatte amunu, Kayak Nug haen amu tutu daakkunu, haen amu ii okkullo, danab ah oh padal melob, amge Kayak nug nuhikkud tituanattom ele, Nug amu dilag dabma, haen tutu okkulkku.

Esekiel 37:25

Ag anam henana, ag wan ag mamelkad aɗi daadppigppa, wan amu da Jakop mettami amu, ag amuppa daaglag. Ag, ag bekkalkad, ag alalkad uma ukkak ele ag hanhan wan amuppa daaglag. Ag anam daappeg, dahil maɗi nid Dawit, nug hanhan ahilag okkai daakku.

Aisaia 6:13

Am danab ah laib laib laa wan imuppa daaglag, amge da baula heppi, wan imu eɗua baula nauhaknab daakku. Amge amu dimugppa danab ah dahilad oppiaawak ele laippu laippunab, ag ad laa oeg qiiom, diig daatte, ag amubia daaglag. Ag ad terebint laa, o ad ok laa ele oeg, diig dayaya, ita bette amu, danab ah dahilad ag amubia hekkulag,” awa aum.

Esekiel 39:28

Da amu oh heppi, Israel ag dooglag, da am Yawe, ahilag Kayak. Ag amu dooglagnu diig am, da genab hei, ag gona, wanppan wan laalappan danab oolagppa diia ukka laih me dayak danab ah daappig, amge da heppi, ag eɗun, ag wanelagppa daaglag. Laippu laa wan nug dayomppa ii daama.

Gayak Nai 3:29

Nug nukka nug onig qeeb neeb, nug dup noa, gomela, iɗu wan gappudppa maɗ! Aɗinu? Nug ena bekkunu dabmak aɗa oiyaknu meu beeb anidkkutai.

Esekiel 37:21

ag amelagppa dahil nai inam appe doyeg! ‘Naɗi Yawe Nug inam atte. Da Israel danab ah ag wanppan wan laalappa gona, ag appa daatteb amu, da ag qagmaatte, wan amu ohppanu omalatte, ahilag wanppanab uɗippi, ahilag wanppa eɗun daaglag.

Sekaraia 9:12

O Israel danab ah, ag diia ukka laih me dayak danab ah daatteb, ag ena bekkulagnu dabmak aɗan oiglagnu elele amunu, ag eɗun, ahilag aab aɗ ɠagattagnab ele, ag amuppa uɗieg! Da ag amelagppa attem. Ag uug maoppig, amge da geha heppi, ag bu laippu aoppig dayeb amu, ag keeke ena aɗit aoglag. O ag bu aɗit aoppig dayeb amu, ag keeke ena waɗele aoglag. Da heppi, ag anam anamib aoglag.