Biblia Todo Logo
Bib sou entènèt

- Piblisite -




Jeremaia 31:15 - Nobonob Baibel

15 Yawe Nug inam atte. “Laa Rama appa gayeye dootteb. Ge, appa laa nug eheɗ gayaya, mahitte. Amuam Rahel, nug nid nuhikkud oh iitta meppig amunu, nug nid dilagnu gayaya, mahiadtte. Nug mahiatta gayeye, laa heeb, oo mekkunu uua daatte,” awa atte.

Gade chapit la Kopi




Jeremaia 31:15
18 Referans Kwoze  

Nebusaradan, nug daup Nebukatnesar gumappig dilag okkai amu, nug Rama dayaya, nug Jeremaia Jerusalem appa Jerusalem danab ah, amu Juda danab ah laa ele nug ag Babilon diia ukka maatteb, ag appa diia ukka laih me dayak danab ah daaglagnu daappig oolagppa maniguittakppa, senppa qakkak dayomnu uhuqak daakkunu a, dimppa Yawe Nug Jeremaia nai laa mette doyom.


Da uug nauppa dayeye, da Naɗi antten dim lamidkkulnu Nug madittem. Ao, tuqan amu, da bahil ii yeeye, da eppel hume unuqittette, da danab laa eppegppa oo mak aokkulnu uuttem.


Aakku Rahel mauhe, ag nug Eprat ukkaknu ib daugppa boumppig. Eprat onig laa am Betlehem.


Peh lag dahil am laa heeg, nauhak daatte. Muɗi taiettaknu oh am pakkuakib daatteb. Da bekkalad da ele ii daattem. Ag gemu ii daatteb. Gemu laa nug ehaniɗa, peh lag dahil qabakkunu laa ii daatte. Laa nug peh dahil bappaidkkunu laa ii daatte,” aon akkulag.


⌊Uug amu dahilad danab ah dilagppa anam beum, amge laa naunab ele bekku⌋ amunu, da attem. “Da oo doyak okkai, mua ele doye gayeye daappi, amel leb mua ele na, amel mua qeebeb daakkul amunu, ag da aib neekkiɗppig! Dahilad danab ah ag nauhkkulag; ag ena iinab daaglag amunu, ag heppeg, da ool mekkunu aib ool aoppig!” Da anam awe attem.


Josep anam a amu, ag oɗeppa aon appig. “O naɗi, ig, nahipad maɗi nid, ig am awag amag 12 ele. Ig oh mamenig laippu, amu nug Kanan wanppa daatte. Amanig yuɗnab am, nug ig mamenig ele uppa uma daattep; aria ig amanig laa amu, nug padal meum,” aon appig.


Nug bekkod, aɗekkud ele ag nug noobppa gona qagmena, oo maknu nai madippig, amge Jakop nug ahilag oo maknu hak dab-ii-mettom. Nug dab-ii-maama, nug aum. “Iitta! Da ukken, Josep moɗppa daatte, amubia da moɗppa daakkul,” awa aum. Nug Josepnu huan gayom.


Ig mamenkad aɗi hipunin hena, iitta meppig; amge ig ahilag bu mattak maot oittem.


Amu keeke amu oh anam be, Jakop nug ag amelagppa aum. “Ag heppeg, da nid iitta daakkul. Josep am iitta. Simeon ele am iitta, gemu ag Benyamin aon gokkulagnu hetteb. Uug amu oh da maottem,” awa aum.


Anam daye, laa buk amu aɗom ele nug buk amu da anidkkulnu kole, buk amunu uɗug ohppa yaak laih daye, laih ele dayom, amu nai yaak dayom ele am nai oo doyak ele, amu uug bekkunu gadon anak nai ele. Nai amu aakkuib buk amuppa dayom.


amge haen elab iitta nug mauhom! Da nug mattimi, amge da nug ii anidmi!


O Kayak, dahil hipunin uhuqna ii meɗattemnu diig amu, da ool ii maidtte. Ao, na eheɗ hak dahil uhuqna ii meɗattemnu diig am, da ii doottem. Aɗinu? Haen elab iitta da mauhen, wanppa niikkul. Ge, da anam heppi, na aniɗkkutnu mattiɗkkut, amge na ii aniɗmana.” Job nug anam aum.


Nug oiyak amu oh ha mala amu, nug hanhan eɗua, Rama ukka dayom. Aɗinu? Am nug appag diig, nug laug aguppa dayom. Appa ele amu, nug Israel danab ah epeɗiattom. Amu Rama appa Samuel nug Yawenu qaɗab ele qeum.


Josua aɗi ag aab laala ele ag madappig. Amuam Gibeon, Rama, Berot,


haen amuppa nug Kayak ele oiyya, Kayak Nug Enok awom amunu, nug wanppa baula ii dayom.


Nug ad pam laa onig Deborahnu Pam, nug ad pam amu waappa epeɗiak uɗat nuhig heum. Ad pam amuam Rama, Betel ele gamalahppa dayom. Rama, Betel ele amu Epraim wanppa, qauko qauko daattebppa daapiɗ. Am Israel danab ah ag appa uug ahilag babaitta, elele medakkunu gumidna godappig.


Appa mewona ag gona, qauko ikki oppoɗu noakppa nona, aab okkai Geba, appa haen tutu dayaknu aab kalaglag. Ag appa niibppeg, danab ah Rama aab okkaippanu ag eheɗ baɗaglag. Baɗappeg, King Saul appag diig Gibeanu danab ah ag ahan, aab uun, ag oolna gokkulag.


Swiv nou:

Piblisite


Piblisite