Jeremaia 3:22 - Nobonob Baibel

²² Ag anam hetteb amunu, Yawe Nug atte. “O danab ah, ag da dimeɗona kayak hambuppuak laala dim lamadtteb ele, ag eɗun, dahilppa uɗieg! Ag uɗippeg, da heppi, ag baula da ii dimeɗona kayak hambuppuak laala ii dim lamidmana. Ag baula dahil nai dim lamidkkulagnu ii uumna,” awa atte. Nug anam atte amunu, Israel danab ah ag atteb. “Ao, na am Yawe, na ihinig Kayak amunu, ig nahip-ppa gokkunig.

Jeremaia 3:22 Referans Kwoze

Hosea 14:1

O Israel, ag eɗun, Yawe, ahilag Kayak, ag Nug waappa dayeg! Aɗinu? Ag hipunin heppig, amuppa ag nena qeppig.

Hosea 14:4

Amu Yawe Nug ⌊danab anam unuqidkkulagnu dimppa inam akkunu⌋ atte. “Dahil oo nauhak am iitta ma, qeta awom. Qeta awom amunu, da heppi, ag baula da di-ii-meɗona, kayak hambuppuak laala ii dim lamidmana. Ao, da oo qak iittappa ahilagnu ool mauhkku,” awa atte.

Sekaraia 13:9

Am Yawe Nug imu ele atte. “Danab nug silwa o gol babaitta epeɗia awak daakkunu uɗat hette, amubia laa bau daaglag amu, da heppi, ag oolag dubuttid iitta daaglag. Ag da onilppa eppeg, da ahilag unuqittak dookkul. Da ahilagnu, imuam dahilad danab ah, appi, ag, Yawe, Nug am ihinig Kayak, akkulag.” Yawe Nug anam awa atte.

Hosea 13:4

Amu Yawe Nug atte. “Da Yawe, ahilag Kayak, da ag Isipnu diien, omalatti uɗippig. Ag laanu, ‘Nug Kayak,’ aib appig. Ao, ag laanu, ‘Nug danab ah ehanatte, padal ii metteb,’ aib appig. Iitta! Daib.

Hosea 3:5

Anam amu, amu dimppa amu, Israel danab ah ag eɗun, Yawe, ahilag Kayak, ag Nug, amu ahilag king, Dawit buɗubppanu ele anatna dim lamatkkulagnu mattialatkkulag. Ag geha, gog tak haenppa Yawenu, nuhig itittak enanu ele ebehilag oh bodoetta le mekku.

Jeremaia 30:17

O Jakop buɗub, laa ag ahilagnu nau, danab ah hamu bia dootteb. Ao, ag danab ah Sion daatteb, laa ag ahilagnu oo doyak ii dootteb. Amunu da heppi, danab beɗuppa oɗe nau ele, nug eɗua ena daatte, amubia ag eɗun ena daaglag. Ge, da heppi, ag danab ihi nau ele eɗua ena daatte, ag amubia ena daaglag.” Yawe Nug anam awa atte.

Jeremaia 31:18

Amu Yawe Nug atte. “Da genab Israel danab ah ag mahitteb doomi. Ag mahina atteb. ‘Makau nag nug nai ii doyaya, kobol digdig heehe, mameg bu mettom, amubia Kayak, na ig bu anam mekkame. Ig bu aakku aomut. O Yawe, na am ihinig Kayak amunu, na ehanigppe, ig eɗut nahip-ppa uɗignignu oɗ medattem.

Solomonnu Ahi 1:4

Na da omaiɗna gokkutnu ool okkai daatte. Ahappe, ii paha goɗu! O king dahil, na da omaiɗna, lag oo na daattem, amuppa gokkutnu ool daatte. Da na king, da nahipnu gamag ahak naɗi doottem, nahipnu enanagnab doottem; da wain enanag lain, “Wain amuam lanak baag ubuhi enanag,” attem, amge na king, na dahilnu oo mauhak okkai doottem amunu, da wain enanag binag mettem, amu eɗittak, da na binan okkai, attannab mettem. O dahil danab, ah bau na waatad daatteb, ag nahipnu oolag mauhtte amu, ag tutukku hetteb.

Hosea 14:8

O Israel, ag dottolkad eppelagppa hak, ag amu dilagnu awaidna dayeg! Da aakkuib, ag dabmadette atognoadttem. Da am ad pain ena laa bia, ⌊ag da waalppa ena daaglagnu elele⌋. Ahilag meu wak am dahilppanu ahilagppa uɗitte.” Yawe Nug anam atte.

Jeremaia 33:6

Anam, amge qinob da heppi, ag eɗun ena daaglag; danab oɗe ele eɗua ena daatte, ag amubia daaglag. Da danab ah dahilad ehanadppi, ag eɗun ena daappeg, da heppi, ag maɗoɗ, baɗak ele iitta daan, ag oo gamag ahak dooglag.

Aisaia 27:8

Nug heeb, Israel ag guittak aoglag, amge ag nauhna autnanab ii aomna. Nug heeb, kekeɗ ag uɗin, Israel eɗadna, diin gona maadppeg, Israel ag diia ukka laih me dayak danab ah wan laappa daaglag. Ge! Nug heeb, kaɗag ɠagattagnab uɗia, ad uɗug keeke iwale gotte, amubia Israel ag wan laappa maniguittak bia anam gona daaglag.

Aisaia 1:2

Hab daup ag nai doyeg! Wan danab, ag daulag human doyeg! Aɗinu? Yawe Nug inam atte. “⌊Juda danab ah ag⌋ am nid naunau dahilad. Da ag atognoatten bekkadmi, amge ag da waalppa daaglagnu uun, dahil nai tappaeg ne oitteb.

Aisaia 57:17

Da dahilad danab ag baubau awaknu hik aqeeqe eheɗ heppig amunu, da oppoɗil eheɗ beum. Da amu antten, da oo nauhak doyeye, da bu matten, dimattami. Da amu hemi, amge ag doonna, tuɗidna eheɗ heppig.

Jeremaia 3:12

Amunu, Jeremaia, na yawalti uɗitteppanu neegna, dahil nai imu Israel dilagppa appe doyeg! Yawe Nug inam atte. ‘Israel, ag da dimeɗona kayak hambuppuak laala dim lamattegeg uɗie, gemu ele hetteb amu, ag eɗun, da Yawe, ag dahilppa uɗieg! Aɗinu? Da laa dilagnu oo gai-iitta doya, oo metta ehanattaknu diig daattem amunu, da tuɗitten, ahilagnu oo nauhak ii doopa. Da hanhan ahilagnu oo nauhak ii doopa.’ Da Yawe, da anam aakku attem.

Jeremaia 4:1

Amu Yawe Nug inam atte. “O Israel danab ah, ag eɗun, da waalppa daaglanu oolag daatte dayeb amu, ag eɗun, dahilppa uɗieg! Ag kayak hambuppuak dottolkad, da amunu oolppa uuaknab doottem amu, ag dottolkad amu agappeg goppeg, ag ib eheɗ amu tuɗidna ii gokkulagnu dayeb, ag kobol genab, ag nai doya mala hettoɗia epeɗia elele mettak kobol, amu genab tutukku hak kobol ele dim lamidnana, ag, ‘Yawe genab bau daatte, genab amubia,’ ag nai amuppa ahilag nai ɠagattag qedappeg, ⌊da ag itittak ena madappi, wan ohppa danab ah ag amu anidna, unuqiɗppeg,⌋ da ag itadppi, ag dahilppa gamag ahak doon, ag da binal meɗaglag,” awa atte.

Esekiel 33:11

Ag anam atteb amunu, na ag amelagppa inam appe doyeg! Naɗi Yawe Nug inam atte. ‘Da genab bau daattem, genab amubia da nau hak danab laa mauhkkunu ool iinab daatte. Iitta. Da nau hak danab ag oolag eɗueb, ag hak nau hetteb amu dimattan, da dim lamiɗnana, bau daaglagnu ool daatte. O Israel danab ah, ag oolag eɗueb, ahilag hak nau uueg! Ag Israel buɗub, ag aɗinu mauhkkulag?’ ” Yawe Nug anam aum.

Aisaia 31:6

Amu ag Israel danab ah ag Yawe dimettan autna aoppig, amge ag eɗun, nuhigppa uɗieg!

Esekiel 18:30

Amu Naɗi Yawe Nug atte. “Da ag Israel danab ah, da ag oh anen anen ahilag hak amuppa epeɗiadkkul amunu, ag oolag eɗueg! Ag eheɗ hetteb am oh dimatteg! Ag tuɗidna hipunin heppeg, da heppi, ag padal mekkulag am aib heppig.

Hosea 14:5

Am Yawe Nug ele atte. “Baito habppanu wanppa na, ena ehanidtte, amubia da, Yawe, da Israel danab ah ehanadkkul; da anam heppi, Israel danab ah ag geha lili laa bia, nug haɗag mappata, bala enanag bette, ag amubia daaglag. Israel danab ah ag geha Lebanon appa ad sida laa bia nug diɗiud wan unuqagnab noak ele daatte, ag amubia daaglag.

Joel 2:12

Amu Yawe Nug atte. “Ag matu helob, amge ag gemu, yo, ag gemu haen imuppanab ag meulag ohppa, oolag ohppa, ɠagattag ohppa ele eɗun, da waalppa daaglagnu uɗieg! Ag ee ohnu kud mena, gaanna mahina, ag eɗun dahilppa uɗieg!