Jeremaia 29:7 - Nobonob Baibel

⁷ Da hei, ag Babilon appa diia ukka laih me dayak danab ah daatteb, amu ag appa aab okkai attenppa daatteb amu, ag aab amu maɗoɗ, keeke kuɗum ele daakkunu uɗat heig! Ag da, Yawe, ag da aab amu ehanidppi, ena daakkunu unuqiɗeg! Aɗinu? Aab amu ena, elele daakku dayeb, ag ele ena, elele daaglag,” awa atte.

Jeremaia 29:7 Referans Kwoze

Daniel 4:27

Anam aakku amunu, O king, da ulum nai laa medappi, na nai amu aon dim lamidkkutnu oɗ medattem. Na hipunin baula aib heme, amu na aɗi hettem amu, na hanhan kobol genab tutukkuib he! Ao, na eheɗ laa aib heme, amu na danab ah, ag laa eppelagppa daaeg, eheɗ hadatteb ele, na amu dilagnu oo gai-iitta doya, oo metta, ehanattak kobol he! Na amu hekkut dayeb amu, Kayak Nug ehanitteb, na tuɗidna, maɗoɗ ele daakkuttai.” Daniel nug King Nebukatnesar amegppa anam aum.

Esra 7:23

Kayak hab attan daatte, Nug nuhig mettid lagppa aɗi keeke daakkunu, o nuhikkud mana mettak danab ag aɗi Nug mettalagnu aum amu, ag nuhig lag amuppa keeke amu Nug mettaglagnu yagbak doon, Nug metteg! Ag amu ii hekkulag dayeb, Kayak Nug dahilnu, da bekkalad dilagnu ele oo nauhkku amunu, amu bemanu ag elele anam heig!

Rom 13:1

Gabman uɗat am nukka ii beum. Iitta. Gabman uɗat oh Kayak nukka meum amunu, danab oh ag danab gumaknu ehah ele waalagppa dayeg! Gumaknu ehah anen anen oh daatteb amu, Kayak maattom daatteb

Daniel 4:19

King Nebukatnesar nug Daniel, onig laa Beltesasar, nug amegppa anam a, Daniel nug dabmak huan awe, nuhig dabmak he, nug eheɗ baɗe, king nug amu antta, Daniel amegppa aum. “Beltesasar, tul niiak dahil amunu, meu ele aib heeb baɗame,” awa aum. Nug anam a, Daniel nug eɗua, nob ma aum. “O dahil naɗi, tul niiak amuam nahip kekeɗ dilag ippuniglo am ena. Ge! Tul niiak amunu meu am laa ag na eheɗ heidkkulagnu hetteb dilag daalo am ena.

Rom 13:5

Amunu ig danab gumaknu ehah ele waalagppa daatun! Ig nob nau awaknu aakkuib baɗata, ag waalagppa ii daamta. Iitta. Ig oonigppan oiyak ippunittaknu ulum am ig anam hekkunignu ele ippunigtte amunu, diig amunu ele ig danab gumaknu ehah ele waalagppa daatu!

Sam 122:6

O danab ah, ag maɗoɗ Jerusalem ippa daakkunu unuqitteg! Ge, da danab ah oh ag Jerusalemnu oolag mauhtte ele, da ag ena daaglagnu ool daatte.

Jeremaia 38:4

Kingnu ehanittak anuqak danab waɗele amu ag amu doon, ag gona, King Sedekaia amegppa appig. “Ig Jeremaia qepput mauhkku am ena. Aɗinu? Nug nuhig naippa nug he, ihinkad daup danab aab okkai imuppa daatteb ele, ag oolagppa gai-iitta daatteb, danab ah ele anamib. Nug mauhkkunu diig laa ele amu, danab amu nug Juda danab ah ag ena daaglagnu ib ii maditte. Iitta. Nug ag nauhkkulagnu hette,” aon appig.

Esekiel 11:16

Ag anam atteb amunu, na inam Jerusalem danab ah amelagppa appe doyeg! Naɗi Yawe Nug inam atte. ‘Am genab, da hei, ag umanab gona, wan laalappa daatteb. Ao, da hei, ag matatun gona, wan laalappa daatteb. Amge haen gamag imunu appa ag adeppa adeppa daatteb amu, danab mettid lag dahilppa ena daatte, amubia dahil ehanittakppa ag appa nakok ena daatteb,’ awa atte.