Jeremaia 29:26 - Nobonob Baibel

²⁶ “Yawe Nug na mana mettak danab Jehoiada abenab aona, na Yawe laug gumakkutnu tituanittom amunu, danab auntai nug kaaka danab dayaya, nug ippu haaha, propet danab bia bette amu, na danab amu aon, maniguittak naunab nau, baeg, eppeg ele adppa qakkak, duug am aenppa qakkak amu, na amuppa mekkutoitte.

Jeremaia 29:26 Referans Kwoze

2 King 9:11

Propet nug anam ana mala, qaiqaɗ ukke, Jehu nug eɗua laikkud ban daup ikki laala gumatta ukke, amu ag inam oɗ medappig. “Keeke eheɗ laa beumte? Keeke oh amu enaibtte daatte? Kaaka danab amu aɗinu uɗia na anittom?” aon oɗ medappig. Oɗ mettaeg amu, Jehu nug nai amu nob ma, inam aum. “Danab amunu amu, ag nuhig hak, amu nuhig mattiak ele ag aakku dootteb,” awa aum.

Aposel 26:24

Pol nug anam aawo amu Pestus nug Polnu nai otaɗa eum. “Pol na am kaaka nittom. Na sul huanak heme amunu, doyak okkai nahip amu he, kaaka nidatte!” awa eum.

Jon 10:20

Anam daanna, kuɗum laa ag appig. “Ouɗi nau nuhigppa daatte amunu, Nug kaaka qette. Ag aɗinu Nug oɗe dootteb?” aon appig.

Hosea 9:7

Israel dilag bu awak haen aakku uɗitte. Ao, ahilag noob awak haen aakku uɗitte. Israel danab ah ag amu doyeg! Ag Israel, ag hipunin kuɗum henana; ag Kayak, nuhikkud danab ele dilagnu kekeɗ mattan daatteb amunu, ag propet dilag, “Ag am ootot,” atteb. Ao, danab Kayak Ouɗi ehanatte, ag nai maditteb ele, ahilagnu ag, “Ag kaaka,” atteb.

Aposel 16:24

Maniguittak gumak danab nug nai ɠagattag amu doyowa, nug maate, maniguittak ooppanab, aɗ nakok laappa noeh, adppa baelti qakkom.

Mak 3:21

Anam dayeye, Nug anig amakkud ele ag amu doona, ag ahan, Nug omalna gokkulagnu uɗippig. Aɗinu? “Nug kaaka qeum,” aon appig.

Revelesen 2:10

Nakok laa ele ag Smerna, ag uug baula maoglag, amge ag keeke amunu aib baɗappig. Doyeg! Ag Smerna daatteb, ag ahilag ooppa genab doyak am genab, o genab iitta doyaknu, ag ma anttak aoglag. Amuam Satan nug heeb, ahilkad kekeɗ ag oolagppanu laala maniguittakppa maadkkulag. Laa amu, ag deɗ 10 ag Smerna eheɗ hattaglag. Na oo metta ii uuak kobol dim lamidna, ootppa genab doyak ɠagattag aɗappe ukkeb, haen na mauhttem, amuppa amu da na bauklel hanhannu medakkul.

2 Korint 11:33

amge da lailad laala ag da kalegppa iniɗna, aab okkainu aɗnu ulah ippu laappa paɗaileg, da dimittim nomi. Anam heeg, da Aretasnu ehanittak amu nug eppegppan oole gomi.

Aposel 26:11

Haen kuɗum da Juda dilag nai doyak lakka ukkatten, da laa Jesusnu oolagppa genab dooppig ele bu mattami. Amuib iitta, da ag Jesusnu dabittak nai mattiglagnu ele wagai memi. Da ahilagnu oppoɗi bak huanaknab doomi amunu, da atu laihppan aab okkai laalappa ele eheɗ hadakkulnu appa dim lamadmi.

Aposel 5:24

Anam aeg doona, aria mana mettak ikki danab amu ban daup Kayaknu mettid lag gumappig dilag ikki ele ag dabmak kuɗum aonna appig. “Keeke attemtai laa ana daakkutai,” aon appig.

Aposel 5:18

Anam amu ag ahan, totol danab 12 aɗualadna, danab oh dilag maniguittak, ag amuppa maadppig,

Aposel 4:1

Pita, Jon ele aa danab ah ⌊Jesusnu⌋ ippunadyaya, nuhig ɠagattagppa danab mauhppig ele ag eɗun hippaidkkulagnu ele mehuqeheh, mana mettak danab, Kayaknu mettid lag gumaknu ban daup ikki, amu ɗo gumak danab-Sadyusi aɗi ele ag aa nai madipiɗ, ag amunu ahilahnu oolagppa aeg bak nau doyegeg, danab aɗit amu aa nai amu mattieheh, ikki danab amu ag ahilahppa uɗippig.

Jon 10:33

Jesus anam a amu Juda ag appig. “Ig uɗat ena laa dabmeta, na menppa oidpput mauhkkutnu ii hettem. Iitta. Na Kayaknu dabittak nai madittem. Na danab hamu amge na, ‘Da am Kayak,’ aon ame amunu, ig hettem,” aon appig.

Jon 8:53

Na nahipnu aɗi doottem? Na ig mamenig Abraham eɗittakte? Nug amu propet laa oh ele ag oh mauhppig, amge danab ag na dim lamidtteb ele, ag ii mauhmananu attem. Na nakka nahipnu aɗinab doottem?” aon appig.

Matyu 21:23

Amu dimppa Jesus Nug Kayaknu mettid lakka noa, danab ah amelagppa nai mattieye, mana mettak danab okkai, amu Juda dilag ikki danab ele ag Jesus gumidna gona, oɗ mettan appig. “Na ɠagattag aɗippa uɗat imu hettem? Aun nug ɠagattag amu mettom?” aon appig.

Jeremaia 38:28

Anam aakku Jeremaia nug daup king gumappig laulag haɗap-ppa maniguittak daye ukke, deɗ Babilon ag Jerusalem eɗidna aoppig, deɗ amu batak.

Jeremaia 38:6

Sedekaia anam aum amunu, danab amu ag muɗi aon, le moɗ laa daup king gumappig laulag haɗap-ppa dayom, le moɗ amuam king bekka Malkiyanu amu, ag muɗi amuppa Jeremaia paɗaeg no, le ii dayeye, lekkoh gai-iittaib dayom amunu, Jeremaia beɗu laih am lekkohppa noum.

Jeremaia 29:27

Anam amunu, aɗinu na Anatot ted Jeremaia, nug ag oolagppa, ‘Da propet danab,’ anan oitte amu, aɗinu na nug bu anam ii mettame?

2 Stori 18:26

aa amelahppa inam appeg doyeɗ! ‘King nug inam atte. Aa danab imu aoya, maniguittakppa mewoya, bret, le ele nakokib medapeɗ dayebeb ukkeb, ban maleb, da maɗoɗ ele eɗue uɗikkul batak,’ ” awa aum.

2 Stori 16:10

Propet danab nug anam a, Asa doya, nug nuhignu oo nauhom. Nug oo huana nauhom amunu, nug Hanani maniguittakppa me dayom. Amu haen amuppa Asa nug eheɗ laa ele ha, nug Juda danab laala, ag nug waappa gai-iitta daappig amu, nug ag eheɗ hattom.

2 King 11:18

Ag nai amu qakkan malan, danab ah ag kayak hambuppuak Balnu mettid lakka gona, ag lag loppaɗppig. Ag qaɗab, am dottolkad ele amuppa daappig heeg nauheg, ag Balnu mana mettak danab Matan qaɗab guguittak qeeg mauhom. Aria, Jehoiada nug ban danab laala otialatte, ag Yawenu mettid lag gumappig.

2 King 11:15

Atalia nug anam heum, amge mana mettak danab Jehoiada nug matu ban daup 100 dilag ikkilkad amelagppa aum. “Laa nug Yawenu mettid lagppa nug aib qeeb mauhom,” awa aum. Nug anam matu aum amunu, gemu ag nug aon, dimittim gokkulagnu ana, nug ag amelagppa haknunab inam aum. “Ag nug talilidna daan, ag aon, dimittim ukkeg! Laa nug ehanidkkunu dim lamidkku dayeb amu, ag nug qeppeg mauhaɗ!” awa aum.

Aposel 26:25

Pestus nug anam e amu Pol nug aum. “O Naɗi Pestus, da kaaka ii niɗatte! Da madittem imuam genab, nai kaaka iitta.

Sekaraia 13:1

Le dubuttid ihe, iitta mette, amubia qinob Yawe Nug heeb, Dawit buɗub, am Jerusalem danab ah ele ag hipunin iitta, beɗulagppa ele aab iitta daaglagnu ib daakku.