Jeremaia 29:17 - Nobonob Baibel

¹⁷ Ao, Yawe Nukka Ɠagattag Oh Ele, Nug ahilagnu inam atte. “Da heppi, ag qep elabppa, enugppa, amu oɗe nau danab kuɗum aqe mauhtteb ele, ag amuppa mauhkkulag. Da heppi, ag ad fig meu naunab, danab lakkunu elele iitta, ag anamnab aakku daaglag.

Jeremaia 29:17 Referans Kwoze

Jeremaia 29:18

Da heppi, kekeɗ ag qep elabppa aqappeg, enug aqeebeb, oɗe nau danab kuɗum aqe mauhtteb ele aqeebeb, wan atu laa ohppan danab ah ag ahilagnu naunab doon, guguattak daaglagnu uun autnanab aoglag. Amu da heppi, gemu Juda daatteb ag wan laalappa diia ukka laih me dayak danab ah daaglag amu, wan amuppan danab ah ag ag eheɗ laa aoglagnu anak waappa daaglagnu anana, ag anadna, amelag iɗuak doon, ag ahilagnu, ‘Keeke hamunab,’ dooglag.

Luk 21:23

Amu haen amuppa ah oolkad ele, ah ag nid yuɗ huh madatteb ele amu, ahilagnu gadonnab gadon. Aɗinu? Haen amu uug okkainab wan imuppa bekku amu, Juda danab ah haen amuppa Kayaknu oppoɗi bak ag aqadkku.

Luk 21:11

Aben laalappa amu mim okkai nebeppeg, enug haen okkai amu oɗe haen naɗi ele bekkulag. Habppa amu epponak keeke okkai okkai, amu baɗaknu keeke digdig ena iitta ele bekkulag.

Jeremaia 52:6

Babilon ag aab amu talilidna daappig amunu, aab okkai ooppa daappig ag dimittim gona ee aoglagnu elele iitta. Ag anam daaeg ukke, Sedekaianu king dayaknu maɗ 11ppa, kalam ebqak waɗele, kalam amunu deɗ eblaih waɗeleppa ee iittanab meum. Danab ah ag ee laa aon lakkulagnu am iittanab iitta.

Jeremaia 43:11

Babilon dilag king nug banelag uɗieb, nug Isip danab ele ban hekkulag. Ag ban hebeppeg, aun aɗi laa ag oɗe nau aon mauhkkulagnu daatteb, ag oɗe nau aon mauhkkulag. Aun aɗi laa ag diia ukka laih me dayak danab ah daaglagnu daatteb, ag gona, diia ukka laih me dayak danab ah daaglag. Aun aɗi laa ag qep elabppa mauhkkulagnu daatteb amu, ag qep elabppa mauhkkulag.

Jeremaia 27:8

Anam, amge gemu wanppan wan laa, o ɗo maɗoɗ laa ag Babilon dilag king Nebukatnesar waappa maɗi nid daan, nuhig uɗat hekkulagnu uun, ag makau laa, doɗnu duugppan tuqai nug baagppa ii daamanu wagai ma hette bia hekkulag dayeb, da bu metten heppi, Nebukatnesar, nuhikkud daup ele ag wan amuppa gona, ban hena, Nebukatnesar, nuhikkud daup ele eppelagppa wan amuppan danab ah ag qep elabppa, enugppa, amu oɗe nau danab kuɗum aqe mauhttebppa ele mauhadppeppeg, wan amuam nauhakib daakku. Da anam awe attem.” ’ ” Yawe Nug anam awa atte.

Revelesen 6:8

A amu da neekke, hos laa, nuhig beɗu anttak am lanlan geɗaɗa ele, da amu anidmi. Anitti amu danab hos amu attan dayom, nug onig Mauhak. Hades nug nug gukkuitta dim lamitte dopiɗ. Aa dopiɗ, amu wanppan danab ah oh waɗele waɗele oolagppa aa qep elabppa, enugppa, oɗe danab kuɗum aqe mauhttebppa, amu doɗ dakkuɗ oɗelagppa ele hepeɗ, laippu mauhkku, ewam bau daaglagnu ɠagattag aopiɗ.

Jeremaia 32:24

Antte! Kekeɗ ag aab okkai imu eɗidkkulagnu ag wan buun, aon uɗin, gokkaɗegeg beebe, aɗ eleleppa bekkunu hetteb. Aab imuppan danab ah ag qep elabppanu mauhakppa, enugnu mauhakppa, oɗe nau danab kuɗum aqe mauhtteb, mauhak amuppa ele, Babilon ag aab okkai imu eɗidna aoglag. O Yawe, na aɗi keeke bekkunu ame amu, kobol anam aakku beebe na anidttem.