Jeremaia 29:13 - Nobonob Baibel

¹³ Ag da aniɗna dim lamiɗkkulagnu mattiɗkkulag, amu ag meulag ohppa amu henana, ag da aniɗkkulag.

Jeremaia 29:13 Referans Kwoze

Sam 119:2

Genab, aun aɗi ag Yawenu ɗo, kobol ele ɠagattag aɗan dim lamidtteb, ag Nug anidna dim lamidkkulagnu meulag ohppa Nug maditteb ele amu, ag itittak ena aoppig daatteb.

Matyu 7:7

Ag Kayak unuqidppeg, Nug ag madakku. Ag mattina, ag anidkkulag. Ag od qeqalppeg, Kayak Nug ahilagnu od matulkku.

Sam 119:10

O Yawe, da nahip dabmak dookkulnu meul ohppa dabmettem. Na heppe, da ɗo nahip dim lamittaknu ib amu apiɗidpanu oɗ medattem.

Jeremaia 24:7

Da heppi, ag da Yawe, ag da dooiɗkkulagnu, ag oolag okkai daakku. Ag oolag eɗueb, ag meulag ohppa dahilnu daaglagnu oolag daakku amunu, ag dahilad danab ah daaglag, da ahilag Kayak daakkul.

Joel 2:12

Amu Yawe Nug atte. “Ag matu helob, amge ag gemu, yo, ag gemu haen imuppanab ag meulag ohppa, oolag ohppa, ɠagattag ohppa ele eɗun, da waalppa daaglagnu uɗieg! Ag ee ohnu kud mena, gaanna mahina, ag eɗun dahilppa uɗieg!

Sam 91:15

Na da onilppa eppe amu, da geha ewak nahip nob mekkul. Na uugppa daappe amu, da geha na ele daagnih. Da geha na ehanidppi, na qagaiettakppa ii daamna, da na binan okkai ele medakkul.

Sam 119:145

O Yawe, da meul ohppa na unuqidttem. Da nahip ɗo dim lamidkkulnu amu, na da oɗelppa aokkutnu oɗ medattem.

2 Stori 31:21

Hesekaia nug aɗi keeke Kayaknu mettid lag, nug amuppa hekkunu ha, nug Kayaknu ɗo ele dim lamidkkunu ha, nug Kayak aɗi aɗi hekkunu haknunab anak nug amegppa aum ele amu, nug keeke amu ohnu Kayak antta dim lamidkkunu Nug madikkunu dabmak awa, Nug dim lamidkkunu meu ohppa ele amu heum. Hesekaia nug anam he, Kayak ehanitte, nug elelenab dayom.

Sam 119:58

Da meul ohppa ele nahip itittak enanu ool hette. Ao, na oo bodoette enanag maɗoɗ ele hak kobol dim lamidna hena meɗakkutnu ame amu, na amu hekkutnu oɗ medattem.

2 Stori 22:9

Jehu anam ha, nug Ahasia ele antta, qeeb mauhkkunu nug mattiom. Nug mattieye, nuhikkud daup ag Ahasia Samaria appa, nug lokkuma dayeye anidna, ag nug aɗan, aon gona, Jehu eppegppa meeg, nug he mauhom. Ag qeeg mauhom, amge ag nuhignu, “Jehosapat nug Yawe mattia, dim lamidkkunu meu ohppa Nug mattiom, amu danab imu nug Jehosapat bekka,” appig amunu, ag nug boumppig. Ag nug qeeg mauhe boumppig, nug nid danab okkai laa iitta amunu, Ahasia tiignab nuhig ou daya, Juda dilag king ba, king daakkun laa ɠagattag elele ii dayom.

2 King 23:3

King nug nai amu ebqewowa, nug Yawenu mettid lag, amuppa biidod daugppa, nug aguppa, Yawe noobppa daye, nug nug tituana nai qakkak amu dim lamidkkunu nai baula qakkom. Nug nai amu qagakka, nug Yawe dim lamittatta, Yawenu haknunab anak, nuhig ɗo iɗu iɗu oh ele nug meu ohppa, oo ohppa ele dim lamitta, nug nug tituana nai qakkak bukppa nai aɗi aɗi dayom amu, nug nai amu ele dim lamidkkunu Yawe amegppa aum. Nug amu hekkunu amu, nug aɗi aɗi nai buk itoɗiak amuppa dayom ele, nug amu oh dim lamidkkunu aum. Nug anam he, dimppa danab ah oh ag ele nug tituana nai qakkak amu dim lamidkkulagnu appig.

Hosea 5:15

Da dahilad danab ah guittak mattoya, da eɗue ukken, da daattemppa daappi ukkeb, dahilad danab ah ag, ‘Ig eheɗ hemut, ig hipunin ele,’ dooglag. Haen amuppa ag da aniɗna dim lamiɗkkulagnu mattiɗkkulag. Ge, ag uug nau doon, ag oolag unuqagppanu da aniɗna dim lamiɗkkulagnu mattiɗkkulag,” awa aum.

Sam 119:69

Am beɗup tak danab ag dahilnu hambuppueg, laa ag dahilnu nau dootteb, amge da meul ohppa nahip oo yaak nai ɗo bia, da nai amu dim lamidttem.

Jeremaia 3:10

Israel ag anam heegeg, da ag uug nau mattami, amu Juda, ag da ippunadmi bia da dim lamiɗkkulagnu uun hetteb amu, ag anidppig, amge ag genab eɗun dahilppa ii uɗippig. Iitta. Ag ameg qakkak hakib hena, gaɗalagib eɗun dahilppa uɗippig.” Yawe Nug anam atte.

1 King 2:4

Amu na Yawe oɗe dim lamidkkutnu diig laa am, na Nug waappa daappe, Nug anukka dahilnu keeke laa hekkunu da amelppa nai ana qakkom, am heeb bekku. Nai qakkak amuam inam. ‘Nahip nid ag ahilag oiyak atognokkulag dayeb, ag oo metta ii uuak kobol dim lamidna, da noolppa tutukku oiglag dayeb amu, geha haen oh da heppi, na buɗunppanu laa ag anen anen ahilag haenppa Israel dilag king bena, sia kingppa daaglag.’ Yawe Nug anam aum amunu, Solomon, na nuhig nai amu, na oh ena tutukku dim lamidppe, Yawe Nug nuhig nai ana qakkom amu, Nug ii loppaɗma. Iitta.

Sam 32:6

Amunu O Yawe, danab oh ag genab tutukku hak kobol dim lamidtteb ele, ag uug bette haenppa na unuqidkkulag am ena. Ao, ag na unuqidkkulag dayeb amu, uug okkai, le naɗi hiɗ bette bia beeb, uug amu ii tonadma.

Aposel 8:36

Aa anam heyaya goya goya, le laa anidya, danab amu nug Pilip amegppa aum. “Antte! Le iikku. Aɗi keeke laa da layattak ii aopanu da qakkiɗtte?” awa aum.

1 Stori 22:19

Anam amunu, gemu ag Yawe, ahilag Kayak, ag meulag ohppa Nug anidna dim lamidkkulagnu Nug mattieg! Ag Yawenu Tituanak Nainu Kunup kontrak inak ele aon uɗin, Nug laugppa mekkulagnu, ag keeke laala Kayaknu tituanak daatteb, ag amu ele aon, Nug laugppa mekkulagnu amu, ag ahan, Yawe Kayaknu mettid lag digmeig! Ag lag hekkulag amu, lag amuam Yawenu, Nug onig aguppa daakku,” awa aum.

1 Stori 28:9

Amu Solomon da bekkal, da na amenppa attem. Yawe Nug danab dilag dabmak unuqagppa daatte mattia anidtte, Nug danab nug diig aɗinunab keeke hette ele dootte amunu, na, na mamenad dilag Kayak, Nugib am Kayak dabmena doon, na meut ohppa, nahip dabmak ohppa ele Nug waappa daan, Nug oɗe dim lamitte! Na Yawe anidna dim lamidkkutnu Nug madikkut dayeb, Nug heeb, na Nug anidkkut. Amge na Nug dimettan, uuidkkut dayeb amu, Nug ele na geɗitteb, na anam daappe ukkeb, gogppa teeb batakkut.

Aisaia 45:19

Da aben lokkumak ele, da aguppa dayeye, nai ii mattimi. Wan amuppa gatatu daatte amu, da gatatu amu ooppa daye, nai ii mattimi. Da Jakop buɗub ag aben danab ah ii daattebppa da aniɗna dim lamiɗkkulagnu mattiɗkkulagnu ii ami. Da, Yawe, da genab madittem. Da kobol tutukku aakkuib ippunadttem,” Yawe Nug anam atte.

Sam 145:18

Yawe Nug danab ah oh ag Nug onigppa etteb ele, Nug ag guguattak daatte. Ao, Yawe Nug danab ah ag kobol doyak diig genabibppanu betteb, ag amu dim lamidnana, ag Nug onigppa etteb ele amu, Nug ag guguattak daatte.

Aisaia 65:10

Danab ah dahilad ag da dim lamiɗkkulagnu oolag hette amu, da ahilagnu dabmein heppi, dahil wan ooppa laih onig Saron am sipsip dilag ee lanak aben enanag daakku. Ao, Akornu oolnu noak aben amuppa makau ag wana, hik aon daaglagnu aben daakku.

Jeremaia 50:4

Amu Yawe Nug atte. “Haen amuppa amu, Israel danab ah, Juda danab ah ele ag ahan, ag gaanna, ag da, Yawe, ahilag Kayak, ag da aniɗna dim lamiɗkkulagnu mattiɗkkulag.