Jeremaia 29:11 - Nobonob Baibel

¹¹ Aɗinu da, Yawe, da anam hekkul? Da ag Juda, da ahilagnu maittak ena laa ele aɗe daattem. Maittak amuam, da heppi, ag maɗoɗ ele daaglag. Da eheɗ hadakkulnu maittak aɗe ii daattem. Da ag, ag ena bena, baɗak iitta daaglagnu dabmak aɗan oiglagnu maittak aɗe daattem.

Jeremaia 29:11 Referans Kwoze

Sam 33:11

Amge Yawe Nug aɗi keekenu maittak aotte amu, keeke amuam ɠagattag hanhan daatte. Yo, Nug aɗi keekenu oo unuqagnab, amuppa maittak aotte ele amu, keeke amuam ɠagattag hanhan dayaya bette.

Maika 4:12

Ag anam atteb amge, ag Yawenu dabmak ii dootteb. Ao, ag nuhig dabmaknu diignu doyak tutukku ii aɗatteb. Yawenu maittak am, Nug danab ee aeg mumuɗkkunu wit, bali keeke, gumu, ikki ele ehakka, ee aeg mumuɗaknu abenppa qagmette, amubia Yawe Nug ag Israel, ahilag kekeɗ mumuɗadkkunu aakku qagmeeb daaglag.

Sam 40:5

O Yawe, dahil Kayak, na keeke kuɗum, danab amu hekkunu elele iitta, na aakku heme. Ao, na keeke ena ena kuɗum ihinignu maidme amu, laa nug keeke amu ohnu eɗua, na amenppa ab dookkutnu elele iitta. Keeke na hekkutnu maidttem am huanak, ebqaknu iitta amunu, da ma anttak hein, da laa amegppa keeke amu ohnu akkulnu hekkul dayeb amu, da elele iitta. Am keeke kuɗum, huanak ele.

Job 23:13

Da anam hettem, amge Kayak Nug dahilnu aɗi hekkunu dabmeum ele amu, Nug hette. Aun Nug heeb, Nug dabmak eɗukku? Laal iitta! Kayak Nug aɗi hekkunu oo hette amu, Nug aakku hette.

Gayak Nai 3:26

Ig bodoettak, oonigppa maɗoɗ ele Yawe ehanikkeb, ig padal ii mematanu ameg mekkunig am ena;

Hosea 3:5

Anam amu, amu dimppa amu, Israel danab ah ag eɗun, Yawe, ahilag Kayak, ag Nug, amu ahilag king, Dawit buɗubppanu ele anatna dim lamatkkulagnu mattialatkkulag. Ag geha, gog tak haenppa Yawenu, nuhig itittak enanu ele ebehilag oh bodoetta le mekku.

Sekaraia 1:6

amge da dahilad maɗi nid, ag propet amu, da ag oɗelagppa aɗi nai mattimi, aɗi ɗo memi, aɗi haknunab nai ami amu, keeke amu oh am genabib ag mamelkad aɗi, amu ahilagppa iite beum? Da ami bianab anam anam aakku beum. Anam beum amunu, haen amuppan danab ag oolag eɗue, ag appig. Ig hipunin heut, Yawe Nukka Ɠagattag Oh Ele bu elele iikku ig mekkom daatte. Nug ihinig haknu bu elele ig mekkom. Nug hekkunu dabmak awe ɠagattag eppom bianab aakku heum, aon appig.” Yawe Nug Sekaraia nuhig nai anam ⌊engel oɗeppa⌋ mettom.

Jeremaia 23:5

Da Yawe, da inam attem. “Haen laa dimppa amu, da geha heppi, danab laa Dawit buɗubppanu bekku; ad diigppa ita bau bette, amubia bekku. Danab amu nug genab tutukku hak danab, amu nug geha king dayaya, nug geha doyak dabmak ena ele dim lamitta, nai doya mala hettoɗia epeɗia elele mettak kobol, kobol genab tutukku ele dim lamitta, nug danab ah gumadkku.

Jeremaia 23:6

Haen nug king dayebeb amu, Juda ag geha padal memananu ehanittak aon daaglag. Ao, Israel danab ah ag baɗak iittappa daaglag. Geha ag king amu onig am inam ataɗkkulag. ‘Yawe Nug Kobol Genab Tutukku, Nug Amunu Diig Daatte.’ ” Yawe Nug anam atte.

Jeremaia 30:9

Ag laa waalagppa ii daan, ahilag maɗi nid ele ii daamna. Iitta. Ag Yawe, Nug am ahilag Kayak, ag Nug waappa daan, Nug oɗe dim lamidkkulag. Ag ahilag king, nug Dawit buɗub laa amu, ag nug waappa ele daan, nuhig maɗi nid maɗi ah ele daaglag. Dawit buɗub king daakkunu amu, Yawe, Nug amunu atte. “Da tituanen ehanidppi, nug king daakku,” awa atte.

Jeremaia 30:10

Amu Yawe Nug atte. “Da amu hekkul amunu, ag Jakop buɗub, ag dahilad maɗi nid amu, ag aib baɗappig. Ao, ag Israel danab ah, ag oolag uug nau aib qeum. Aɗinu? Da genab ag ehanadppi, ag wan laa, wan laa amuam umanab daatte, ag appanu eɗun uɗin, ena daaglag. Ao, da ehanadppi, ag buɗulkad ag wan laappa diia ukka laih me dayak danab ah daaglag amu, ag appanu eɗun uɗin, ena daaglag. Da amu heppi, haen amuppa ag Jakop buɗub, ag maɗoɗ, ɠagattag ele daappeg, laa ag heppeg ii baɗamna.

Esekiel 11:16

Ag anam atteb amunu, na inam Jerusalem danab ah amelagppa appe doyeg! Naɗi Yawe Nug inam atte. ‘Am genab, da hei, ag umanab gona, wan laalappa daatteb. Ao, da hei, ag matatun gona, wan laalappa daatteb. Amge haen gamag imunu appa ag adeppa adeppa daatteb amu, danab mettid lag dahilppa ena daatte, amubia dahil ehanittakppa ag appa nakok ena daatteb,’ awa atte.

Sekaraia 13:9

Am Yawe Nug imu ele atte. “Danab nug silwa o gol babaitta epeɗia awak daakkunu uɗat hette, amubia laa bau daaglag amu, da heppi, ag oolag dubuttid iitta daaglag. Ag da onilppa eppeg, da ahilag unuqittak dookkul. Da ahilagnu, imuam dahilad danab ah, appi, ag, Yawe, Nug am ihinig Kayak, akkulag.” Yawe Nug anam awa atte.

Sam 85:9

Genab, binag amahlak oppiaawak ele nuhig ihinig wan imuppa daakkunu, Nug danab ah ag nuhignu ebehilag oh bodoetta le mette ele padal ii memananu ehanadtte.

Aisaia 27:4

⌊Amu Kayak Nug anam mattiowa, Nug inam ele akku.⌋ “Da oo nauhak laa ii doottem. O gadon, uud keeke qaun ele ag grep dad dahilppa appa daaloblob, da ag banelag ukken heppi, aab aɗu am ag oh ewatta maladlo.

Jeremaia 24:5

“Da Yawe, da Israel dilag Kayak, da inam attem. ‘Juda danab ah da hei, ag gemu wan imuppa ii daatteb, ag Babilon wanppa diia ukka laih me dayak danab ah daatteb amu, da amu dilagnu ag ad fig meu ena imubia daatteb doottem.

Jeremaia 33:6

Anam, amge qinob da heppi, ag eɗun ena daaglag; danab oɗe ele eɗua ena daatte, ag amubia daaglag. Da danab ah dahilad ehanadppi, ag eɗun ena daappeg, da heppi, ag maɗoɗ, baɗak ele iitta daan, ag oo gamag ahak dooglag.